20.01.2026

[start:song]

549
1. Ապրելով այս մեղքի աշխարհում՝
Եղել եմ Հիսուսից շատ հեռու,
Բայց Տիրոջ սերը մեծ
Ինձ մեղքից ազատեց,
Խաղաղություն տվեց հավիտյան։

2. Ո՜վ հոգի, դու փնտրի՛ր Հիսուսին,
Երբ փնտրես, կգտնես անպայման,
Ու տրվի՛ր դու Նրան
Քո ամբողջ էությամբ,
Ողջ մտքով ու սրտով հավիտյան։

3. Ալելուիա՜ կերգեմ Քեզ, Փրկիչ,
Ու սաղմոսներ կասեմ քնարով:
Եվ իմ սիրտը ես Քեզ
Նվիրեմ լիովին
Ու իմ հոգին, որ Դու փրկեցիր։

[end:song]

[start:song]

310
1. Հիսուսը, սրտիդ դռան
Կանգնած՝ կթակե ան,
Կթակե, որ դուն բանաս,
Սրտումդ Իրեն տեղ տաս։

Սրտիդ դռան բանալին
Հանձնե՛ Տեր Հիսուս Փրկչին,
Բա՛ց, որ սիրտդ գրավե ու սրբե
Եվ խավարդ լույս դարձնե,
Բա՜ց, բա՜ց, բա՜ց։

2. Որչա՞փ կանգնե ու թակե,
Որչա՞փ սրտիդ դուռն զարկե,
Դե ե՛կ, բա՛ց Անոր համար,
Թող դառնա լույս քո խավարն։

Սրտիդ դռան բանալին
Հանձնե՛ Տեր Հիսուս Փրկչին,
Բա՛ց, որ սիրտդ գրավե ու սրբե
Եվ խավարդ լույս դարձնե,
Բա՜ց, բա՜ց, բա՜ց։

3. Ո՜հ, քարասի՛րտ մեղավոր,
Սրտիդ դուռը բա՛ց այսօր,
Բա՛ց, որ Տերը ներս մտնե,
Քու սրտումդ բնակվե։

Սրտիդ դռան բանալին
Հանձնե՛ Տեր Հիսուս Փրկչին,
Բա՛ց, որ սիրտդ գրավե ու սրբե
Եվ խավարդ լույս դարձնե,
Բա՜ց, բա՜ց, բա՜ց։

[end:song]

[start:song]

345

1. Փառք ու պատիվ Քեզ, ո՛վ Հայր իմ Աստված,
Քո փառավոր շնորհքի համար,
Որդուդ արյունով ես Դու ինձ փրկել`
Քո կամքի հաճության համար։

Փա՜ռք Քեզ, ի՛մ Հայր, փա՜ռք Քեզ, Որդի՛,
Եվ փառք Քեզ, օրհնյալ Սուրբ Հոգի։

2. Վեհ սիրուդ համար օրհնում եմ Քեզ, Տե՛ր,
Որ խաչի վրա մեզ ցույց տվիր,
Երկնքից իջար, մեղքերս քավեցիր,
Մեզ համար անձդ զոհեցիր։

Փա՜ռք Քեզ, ի՛մ Հայր, փա՜ռք Քեզ, Որդի՛,
Եվ փառք Քեզ, օրհնյալ Սուրբ Հոգի։

3. Փառք Քո զորությանն, օրհնյալ Սուրբ Հոգի,
Որով իմ կյանքը փոխեցիր։
Վերստին ծնունդ ինձ պարգևելով՝
Իմ սրտի մեջ բնակվեցիր։

Փա՜ռք Քեզ, ի՛մ Հայր, փա՜ռք Քեզ, Որդի՛,
Եվ փառք Քեզ, օրհնյալ Սուրբ Հոգի։

4. Գովքդ երգում եմ, քանզի բարի ես
Քո բոլոր սուրբերի համար
Եվ ոչ մի բարիք Դու չես խնայում,
Տե՛ր, Քեզ սիրողների համար։

Փա՜ռք Քեզ, ի՛մ Հայր, փա՜ռք Քեզ, Որդի՛,
Եվ փառք Քեզ, օրհնյալ Սուրբ Հոգի։

[end:song]

[start:song]

65

1. Հիսուսին միայն սրտումս պիտ ունենամ,
Հիսուսը միայն այնտեղ բնակի,
Իր սիրույն ոչ մի բան հավասար չկա,
Միայն Նրա մոտ հոգիս կհանգչի։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

2. Հիսուսը միայն ինձ մեղքից ազատեց,
Հիսուսը միայն ինձ բարիք արեց,
Նրա մեծ սերը իմ սիրտը կոտրատեց
Եվ ապա խաղաղության դեղ դրեց։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

3. Հիսուսին միայն կյանքս կպատկանի,
Նա՛ է իմ Փեսան և ես՝ հարս Նրա,
Միայն Նրա կամքը պիտի կատարեմ,
Եվ Նա սպիտակ հանդերձներ ինձ կտա։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

4. Հիսուսը միայն ինձ ուժ կպարգևե,
Երբ պատերազմի մեջ տկարանամ,
Նրա կենաց աղբյուրից ես կխմեմ
Կյանք և զորություն միշտ, ամեն անգամ։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

[end:song]

[start:song]

453
1. Հիսո՜ւս, սիրո Աստված,
Հիսո՜ւս, մեռնողին կյանք տվող Աստված։

Քո ճշմարտությամբ պիտ ապրեմ,
Քո ճանապարհով պիտ քայլեմ,
Քո սիրո մեջ պիտի մնամ, Հիսո՜ւս։

2. Հիսո՜ւս, ներող Աստված,
Հիսո՜ւս, զորություն պարգևող Աստված։

Հոգուս խորքում միշտ Քեզ օրհնեմ,
Իմ երգերով փառաբանեմ
Ու հավատքով դիմավորեմ, Հիսո՜ւս։

3. Հիսո՜ւս, հուսո Աստված,
Հիսո՜ւս, աշխարհին լույս սփռող Աստված։

(երգել 1-ին և 2-րդ կրկներգերը)

[end:song]

[start:song]

255
1. Ե՛կ Փրկչիդ, անմահ հոգի,
Սիրտդ մի՛ խստացնիր,
Վաղն արդեն ուշ կլինի,
Հենց այսօր մի՛ ուշացիր։

2. Խաչի վրա քեզ աղերսում,
Փրկիչդ քեզ է կանչում,
Ա՜խ, ինչո՞ւ չես հավատում,
Ե՛կ, ինչո՞ւ ես ուշանում։

3. Ե՛կ, շտապի՛ր, անմահ հոգի,
Այս կյանքդ շուտով կանցնի,
Երբ մահվանդ օրը հասնի,
Ա՜խ, ափսո՜ս, ուշ կլինի։

4. Ծնկի ե՛կ, խոստովանի՛ր,
Փրկչիցդ ներում խնդրի՛ր,
Մեծ սիրով Նա կընդունի,
Հենց այսօր մի՛ ուշացիր։

[end:song]