29.01.2026

01.29.26.docx

document

[start:song]

494
1. Քո Սուրբ Հոգու աղբյուրներն են
Իմ անարժան սրտին տիրում,
Քո Սուրբ Հոգու սիրո լույսն է
Իմ մութ սիրտը լուսավորում։
Առանց սիրո Քո Սուրբ Հոգու
Ես կմնամ նորից անլույս,
Կմոլորվեմ՝ ինչպես կորած,
Թե Դու չգաս, ինձ չգտնես։

Այդ Քո մե՜ծ սերն ես
Տվել ինձ, Հիսո՛ւս,
Քո սիրո խոսքն ես
Ուղղել ինձ, Հիսո՛ւս։

2. Երբ թողնում եմ Քեզ, հեռանում
Ու Քո սուրբ սերը մոռանում,
Արցունքի մեջ հանկարծ տեսնում,
Որ Դու նորից ինձ ես սիրում։
Նայում ես ինձ նախկին սիրով,
Նախկին սիրող Քո հայացքով.
Նայում ես Դու ինձ վշտալից,
Թե մոռանամ ես Քեզ նորից:

Այդ Քո մե՜ծ սերն ես
Տվել ինձ, Հիսո՛ւս,
Քո սիրո խոսքն ես
Ուղղել ինձ, Հիսո՛ւս։

[end:song]

[start:song]

648
1. Յիսուսին կուտամ իմ կեանքս բոլոր,
Ինչ որ ալ ունիմ ըլլայ Անոր,
Կ’արժէ համբերել, կ’արժէ խաչ կրել,
Կ’արժէ Անոր հազար կեանք զոհել:

2. Յիսուսին կուտամ իմ կեանքս բոլոր,
Կ’ուզեմ հետևիլ միշտ անխոտոր,
Ուր որ զիս ղրկէ, ինչ հրամայէ,
Հնազանդիլ միայն փափաքս է:

3. Յիսուսին կուտամ իմ կեանքս բոլոր,
Զինք պաշտել կ’ուզեմ ես ամէն օր,
Խորհուրդով, խոսքով, բարի գործերով
Եվ Աւետարանը քարոզելով:

4. Յիսուսին կուտամ իմ կեանքս բոլոր,
Կ’ուրանամ փառքն, հաճոյքն երկրաւոր,
Որ հաւատքս պահեմ, ընթացքս կատարեմ
Եվ փառաց պսակն Անկէ առնեմ:

[end:song]

[start:song]

420

1. Կապուտակ երկինք՝ բյուրեղյա, մաքուր,
Քեզ եմ նվիրում իմ հոգին թաքուն,
Տառապանք ու հոգս մոռացած հեռվում`
Քո գիրկն եմ գալիս կարոտովդ լի։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

2. Աստղաշուք երկինք, դու՝ հրաշք լուսե,
Կերտված ես Աստծո հանճարով վսեմ,
Իմ երազներով քո գիրկն եմ թևում՝
Թողած հին կյանքի տենչերը նսեմ։

3. Ես լսում եմ միշտ շշունջդ բարի,
Զգում եմ ամոքող շունչդ իմ սրտում.
Քո սպասումով չեմ լինի տրտում,

Կլինեմ հավետ Աստծո գրկում։

[end:song]

[start:song]

247
1. Մեկն ընթրիք սարքեց, կանչեց բոլորին.
- Պատրաստ է, կանչե՛ք հրավիրյալներին,
Կանչե՛ք խնջույքին, Իմ մեծ ընթրիքին,
Կանչեք բոլորին մեծ հարսանիքին:

2. - Ահա հրավերը, արի՛ խնջույքին,
Պատրաստ է, արի՛ մեծ հարսանիքին:
- Եզներ եմ առել, ուզում եմ փորձել,
Ես չեմ կարող գալ, շտապում եմ գնալ:

3. - Ահա հրավերը, արի՛ խնջույքին,
Պատրաստ է, արի՛ մեծ հարսանիքին:
- Ես կին եմ առել, դրա համար էլ
Ես չեմ կարող գալ, շտապում եմ գնալ:

4. - Ահա հրավերը, արի՛ խնջույքին,
Պատրաստ է, արի՛ մեծ հարսանիքին:
- Ես արտ եմ առել, բայց դեռ չեմ տեսել,
Շտապում եմ գնալ, ես չեմ կարող գալ:

5. Հիմա դո՛ւրս եկեք փողոցներն իսկույն,
Եվ տեսեք՝ ո՞վ կա թշվառ ու անտուն,
Կանչե՛ք բոլորին, խեղանդամներին,
Կույր ու կաղերին և աղքատներին:

6. Այսօր է ժամը, ժամը փրկության,
Կանչում է այսօր Քո Փրկիչ Արքան,
Շուտ թող ամեն բան՝ թե՛ արտ և թե՛ կին,
Թե՛ եզ, թե՛ աշխարհ. ուղղիր քո ճամփան:

[end:song]

[start:song]

529
1. Հոգիս ծարավ է կենդանի Աստծուն,
Կյանքի աղբյուրի ջրին կենսատու,
Սուրբ Հոգու մի նոր ու թարմ օծության,
Որ կառաջնորդի երկրպագության։

Ալելուիա՜, օրհնություն Քեզ,
Ալելուիա՜, գոհություն Քեզ,
Ալելուիա՜, մեծություն Քեզ,
Ալելուիա՜, Հիսո՛ւս, օրհնություն Քեզ։

2. Քո հայտնությունը կյանք է, խնդություն,
Մեղմ, անուշ ձայնդ՝ զորեղ արթնություն,
Լուսե հայացքդ սեր է ներշնչում,
Հոգու օծություն, անվերջ զորություն։

3. Հոգիս ծարավ է կենդանի Խոսքին,
Պենտեկոստեի զորության հոսքին:
Թող շնորհաց Հոգիդ բերի օծություն,
Փառքի հեղեղներ՝ սրբությամբ լեցուն։

[end:song]

[start:song]

1. Հա՛յր, ճամփադ ինձ սորվեցուր
Փորձության այս ժամանակն,
Այնպես անցնել ցուցուր,
Որ առնեմ կենաց պսակն։

Հաղթողին արմավենին
Հայնժամ տուր, որ ձեռքս առնիմ
Եվ սրբոց ու հրեշտակաց հետ
Ես նոր երգ երգեմ։

2. Սիրտս սիրով թող լեցնե
Երկնային սուրբ Աղավնին,
Չար կիրքերս դադրեցնե,
Որ հաղթեմ ամեն մեղքին։

Հաղթողին արմավենին
Հայնժամ տուր, որ ձեռքս առնիմ
Եվ սրբոց ու հրեշտակաց հետ
Ես նոր երգ երգեմ։

3. Զիս խաղաղությամբ լեցուր,
Փոթորիկը հանդարտի,
Գանգատներս դադրեցուր,
Թող հոգիս սիրովդ հանգչի։

Հաղթողին արմավենին
Հայնժամ տուր, որ ձեռքս առնիմ
Եվ սրբոց ու հրեշտակաց հետ
Ես նոր երգ երգեմ։

4. Հրամանովդ սուրբ հրեշտակներն
Բոլորտիքս բանակ դնեն,
Եվ վերեն սիրույդ աչքերն
Մինչև վերջը վրաս հսկեն։

Հաղթողին արմավենին
Հայնժամ տուր, որ ձեռքս առնիմ
Եվ սրբոց ու հրեշտակաց հետ
Ես նոր երգ երգեմ։

[end:song]

Ծառայության երգացանկ

Երգերը

6 երգ