05.02.2026

[start:song]

217

1. Եթե դժվարության հանդիպես
Կամ թե մարդկանցից արհամարհվես,
Ինչքան էլ ծանր վիճակ լինի,
Երբեք ոչ ոքի մի՛ մեղադրիր։

Եթե ծաղիկները թառամեն,

Եվ տերևները ծառից թափվեն,

Իսկ սրտումդ կրակը հանգչի,

Երբեք ոչ ոքի մի՛ մեղադրիր։

2. Թե էլ արևը քեզ չփայլի,
Եվ կյանքիդ օրերը խավարեն,
Եվ զգաս սառնություն սրտիդ մեջ,
Մի՛ մեղադրիր ոչ ոքի երբեք։

Թե ճամփիդ ծաղիկներ չլինեն,
Այլ միայն սուր քարեր հանդիպեն,
Իմ եղբա՛յր, այս խոսքը դու հիշիր.
Երբեք ոչ ոքի մի՛ մեղադրիր։

3. Եթե դու մենակ ես ու լքված,
Ինչպես ծովում նավը ջախջախված,
Էլ պիտանի չես ոչ մի բանի,
Դարձյալ ոչ ոքի մի՛ մեղադրիր։

Թե աչքերիցդ հորդ արցունք թափվի,
Ուրախության հույսը կտրվի,
Այս խոսքերը դու սրտիդ մեջ դի՛ր,
Երբեք ոչ ոքի մի մեղադրիր։

4. Թե նույնիսկ հարազատ ընկերդ
Եվ հանկարծ դրժի իր երդումը,
Քեզ մոռանա և սերը փոխի,
Նրան էլ դարձյալ մի՛ մեղադրիր։

Որովհետև Հիսուս Քրիստոսը
Ներում է բոլորիս մեղքերը,
Հայացքդ միայն Նրան ուղղի՛ր
Եվ Նրա նման դու էլ ների՛ր։

5. Թե ուզում ես երջանիկ լինել
Եվ մարդկանց օրինակ ծառայել,
Այդ դեպքում պետք է այսպես անել՝
Ամենից առաջ քեզ մեղադրել։

Քանզի Հիսուսը, մեզ սիրելով,
Մեր մեղքը Իր վրա վերցնելով,
Խաչի վրա մեզ համար զոհվեց,
Ինձ և քեզ թողություն պարգևեց։

[end:song]

[start:song]

436

1. Քեզնից ճառագած լույսերի ծովում
Որքա՜ն երազներ, հույզեր են ծնվում։

Օ՜, ի՜նչ անուշ սեր, օ՜, ի՜նչ քնքուշ սեր
Քոնն է հավիտյան, մեր հզոր Աստված։

2. Սերդ մեր ճամփին լույս դարձավ անմար,
Սերդ մեր ճամփին հույս դարձավ անմար։

Օ՜, ի՜նչ անուշ սեր, օ՜, ի՜նչ քնքուշ սեր

Քոնն է հավիտյան, մեր հզոր Աստված։

3. Սեր, խաղաղություն և սուրբ միություն
Դու ես մեզ տվել Քո սիրով անհուն։

Օ՜, ի՜նչ անուշ սեր, օ՜, ի՜նչ քնքուշ սեր

Քոնն է հավիտյան, մեր հզոր Աստված։

4. Մեծ հույս ու հավատ մեզ պարգևեցիր
Եվ Քո սուրբ սիրով սրտեր վառեցիր։

Օ՜, ի՜նչ անուշ սեր, օ՜, ի՜նչ քնքուշ սեր,
Օծի՛ր պարգևով Քո աստվածային։

5. Այդ սերը վառվեց բոլորիս սրտում,

Պայծառ բոցկլտաց բոլորիս հոգում։

Օ՜, ի՜նչ անուշ սեր, օ՜, ի՜նչ քնքուշ սեր,
Օծի՛ր Սուրբ Հոգու անմար կրակով։

6. Այդ Քո սերն էր, որ մեզ այդպես գերեց,
Սերն` աստվածային, անշահախնդիր։

Օ՜, ի՜նչ անուշ սեր, օ՜, ի՜նչ քնքուշ սեր,
Օծիր մեզ սիրով Քո աստվածային։

[end:song]

[start:song]

210
1. Հիսուսն ասաց Իր աշակերտներին.
«Արթո՛ւն կացեք, աղո՛թք արեք,
Ինձ է տրված ամեն իշխանություն
Երկնքում ու երկրի վրա։

2. Երբ լինեն աղետ ու կոտորածներ,
Արթո՛ւն կացեք դուք, Ի՛մ զավակներ,
Ես միշտ ձեզ հետ եմ, Ի՛մ սիրելիներ,
Հավատք ունեցեք, կհաղթեք։

3. Կլինեն և՛ սով, և՛ փորձություններ,
Կրակի բոցեր, սուր տագնապներ,
Ամբարիշտներն ահով կփախչեն՝
Փողոց նետելով ոսկիներ»։

4. Ավետարանը պիտի քարոզվի,
Բովանդակ աշխարհում տարածվի,
Ապաշխարեցե՛ք, ո՛վ ժողովուրդներ,
Մոտ է Հիսուսի գալուստը:

5. «Ահա գալիս եմ, դուք պատրաստ եղե՛ք,
Չլինի հիմար կույսեր լինեք,
Միշտ արթո՛ւն եղեք, Ի՛մ սիրելիներ,
Շուտով կգամ, ձեզ կտանեմ»:

[end:song]

[start:song]

501
1. Ո՜վ Աստված, երկնքի Տե՛ր,
Դու բխող սիրո աղբյուր,
Հավերժական լույսերի ծով,
Լի ես շնորհներովդ բյուր։

Օծի՛ր ինձ օծությամբ նոր,
Սիրով և քաղցրությամբ,
Նմանվեմ Քեզ օրեօր
Ամբողջ իմ էությամբ։

2. Քո ողորմությունը, ո՜վ Տեր,
Իջնում է միշտ երկնքից՝
Փնտրելու մոլորվածներին,
Ազատելու մեծ կորստից։

Օծի՛ր ինձ օծությամբ նոր,
Սիրով և քաղցրությամբ,
Նմանվեմ Քեզ օրեօր
Ամբողջ իմ էությամբ։

3. Այս փոթորկալից կյանքի մեջ,
Եվ այս խավար աշխարհում
Քո սիրո արևն է անշեջ
Ամպերի ետևից ծագում։

Օծի՛ր ինձ օծությամբ նոր,
Սիրով և քաղցրությամբ,
Նմանվեմ Քեզ օրեօր
Ամբողջ իմ էությամբ։

[end:song]

[start:song]

53
1. Տկար զավակդ եմ, ո՜վ Տեր,
Ես թույլ եմ, ինձ օգնիր:
Սրտանց ուզում եմ ծառայել,
Դու ինձ օգնիր սկսել։

2. Դու իմ հանդեպ սիրով լցված՝
Աշխարհ ես, Տեր, եկել
Եվ սուրբ Արյան, խաչի գնով
Իմ կյանքն ես Դու փրկել։

3. Ասա՛, ինչպե՞ս Քո սուրբ Զոհով
Ես երջանիկ լինեմ,
Եվ ի՞նչ կարող եմ փոխարեն
Խաչիդ առջև բերել։

4. Ահա սիրտս, կյանքս, ո՛վ Տեր,
Ես Քեզ եմ նվիրում,
Գիտեմ, լրիվ ես Քոնն եմ, Տե՛ր,
Եվ իմն ես Դու հավետ։

[end:song]

[start:song]

74

1. Փառք է քայլել Անոր հետ,
Որ զիս փրկեց Իր արյունով,
Զմայլում է հոգվոյս ամեն օր,
Բերկրություն է երկնային
Զայն զգալ ամեն տեղ իմ քով,
Անվերջ փառք է, օրհնություն՝ Անոր։

Ո՜հ, ինչ փառք է Իրեն հետ քալել։ (2)
Իմ քայլերս Նա միշտ կուղղե,
Թե անցնիմ սարե, ձորե,
Ո՜հ, ինչ փառք է Իրեն հետ քալել։

2. Ո՜հ, ինչ փառք է զգալ զԻնք մոտ,
Երբ շուքերը կ’երկարին,
Վստահությամբ Անոր աղոթել։
Ո՜հ, ինչ փառք է մնալ Իր քով,
Երբ ամպերը փարատին,
Այո՛, փառք է Իրեն հետ քալել։

Ո՜հ, ինչ փառք է Իրեն հետ քալել։ (2)
Իմ քայլերս Նա միշտ կուղղե,
Թե անցնիմ սարե, ձորե,
Ո՜հ, ինչ փառք է Իրեն հետ քալել։

3. Փառք պիտ ըլլա Հիսուսի հետ
Քալել ոսկե եզրին վրա,
Չբաժանվիլ Իրմե հավիտյան։
Հոն միշտ ապրիլ Փրկչիս հետ՝
Հիանալի փառք պիտ ըլլա։
Անթիվ դարեր փառք Իր Սուրբ Անուան։

Ո՜հ, ինչ փառք է Իրեն հետ քալել։ (2)
Իմ քայլերս Նա միշտ կուղղե,
Թե անցնիմ սարե, ձորե,
Ո՜հ, ինչ փառք է Իրեն հետ քալել։

[end:song]