10.02.2026

02.10.26.docx

document

[start:song]

563

1. Տեր Հիսուսին ծառայող Գեդեոնի զինվորներ,
Չար աշխարհի մեջ գործող Սուրբ Խոսքի սերմնացաններ,
Օրն է թեքվել ավարտին, մայրամուտն է մոտենում,
Ցանենք սերմերը կյանքի, գիշերն է վրա հասնում։

2. Գեդեոնի զինվորին Տերն է տալիս զորություն,
Թեկուզ փոքր ջոկատով, մենք ունենք մեծ հաղթություն։
Աստված կօրհնի Իր գործը, մեզ հետ Տերն է ամեն օր,
Աստծո գործն է մնայուն, իսկ աշխարհը՝ անցավոր։

3. Եղբա՛յր ու քո՛ւյր, լավ խորհենք՝ ի՜նչ մեծ գործ է մեզ տրված,
Չհապաղենք, չծուլանանք, Տիրոջ մոտ բերենք մարդկանց:
Մեղքի խավար աշխարհում հոգիներն են կորսվում,
Աստծո Խոսքն է նոր կյանքի ու փրկության հույս բերում։

4. Մեկ անգամ է մեզ տրված կյանքը այս երկրի վրա,
Աստծո կամքը կատարենք, որ մտնենք փառքը Նրա,
Մնասները Իր տված շահով Իրեն դարձնենք,
Որ վերջում էլ մեզ ասի՝ ապրես դու, բարի ծառա։

[end:song]

[start:song]

543

Երբ կենանք աղոթքի,

Մեր սրտերն ու մտքերն Քուկդ ըրե

Ճնշումներն աշխարհի Դուն ջնջե,

Սրբացուր մեզ Տեր ու մաքրե:

Քու սիրովդ մեր կյանքերն Դուն փոխե

Ով Տեր մեր հոգիներն նորոգե:

(Ամեն մարդ այս վայրկյան և ամեն տեղ

Միանա մեր խմբին և աղոթե 2):

[end:song]

[start:song]

329
1. Քեզ եմ սպասում, արի՜ Դու, ի՛մ Տեր, ալելուիա՜,
Քեզ եմ երգում՝ օվսաննա՜, ի՛մ Տեր, ալելուիա՜:

Օվսաննա՜ Փրկչին Սիոնի,
Երգիր՝ օվսաննա՜, ալելուիա՜։

2. Իսրայելը սպասում է Փրկչին, ալելուիա՜,
Ու փրկություն տվող Արարչին, ալելուիա՜։

Օվսաննա՜ Փրկչին Սիոնի,
Երգիր՝ օվսաննա՜, ալելուիա՜։

3. Երգի՛ր, աշխա՛րհ, Փրկչին օվսաննա, ալելուիա՜,
Նա մեր Մեսիան է՝ Աստծուց տրված, ալելուիա՜։

Օվսաննա՜ Փրկչին Սիոնի,
Երգիր՝ օվսաննա՜, ալելուիա՜։

4. Հավիտյան փառք երկնից Եկողին, ալելուիա՜,
Հավիտյան փառք Հորից Եկողին, ալելուիա՜։

Օվսաննա՜ Փրկչին Սիոնի,
Երգիր՝ օվսաննա՜, ալելուիա՜։

[end:song]

[start:song]

805
1. Օրերը այս կարճ թռչում են արագ,
Կյանքն այս նման է մի թելի բարակ:
Կյանքն այս նման է նաև սափորի,
Որ չի կոտրվել մոտը աղբյուրի:

Փնտրի՛ր դու Հիսուսին,
Նա քեզ կհայտնվի,
Կանչի՛ր Նրա անունը,
Նա է քո Թագավորը:
Բերանիդ խոսքերը,
Սրտիդ խորհուրդները
Նա կընդունի այսօր:

2. Թե որ այս կյանքում շատ հոգսեր անես,
Հագնելու համար դու մտահոգվես,
Դաշտի շուշանը երբեք չի մանում,
Նայի՛ր, թե Աստված ոնց է հագցնում:

3. Միտք առե՛ք, մարդի՛կ, ո՛վ դուք անցորդներ,
Ինչո՞ւ են ձեզ պետք այդքան շատ բաներ,
Երկնքում այնքան շատ թռչուններ կան,
Չեն ցանում երբեք, չունեն շտեմարան:

[end:song]

[start:song]

307

1. Քայլում էի տխուր անապատի մեջ,
Ծարավն էր տանջում անվերջ ու անվերջ,
Ձեռքերս պարզած, անուժ ու լացով
Խնդրեցի. «Աստվա՜ծ, կյա՛նք տուր Քո ջրով»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

2. Ձեռքիցս բռնած` անապատն անցանք,
Ներեց Հիսուսս չարություն, հանցանք:
Արցունքն աչքերիս, ոտքերին փարված`
Գոչեցի լացով. «Հիսո՜ւս, ի՛մ Աստված»։

3. Հիսուսն էր գնում, ես էլ՝ ետևից,
Նա ինձ փրկել էր չոր անապատից,
Գնում էի Նրա լույս ճանապարհով
Ու ինձ զգում էի հարուստ, ապահով։

4. Ու խոսեց Տերս. «Ես եմ լույս-կյանքը,
Ճշմարտությունը ու ճանապարհը։
Խաղաղություն Ես գառներիս կտամ,
Շատ շուտով նրանց ետևից կգամ»։

[end:song]

[start:song]

512

«Ո՜վ դուք ծարավներ, եկե՛ք ջրի մոտ,
Դուք, որ փող չունեք, եկեք ու առեք
Առանց վճարի, հանց գինի ու կաթ,
Ինձանից խնդրեք, բարիք ստացեք։

Ջուր պիտի թափեմ ծարավի վրա,
Ինչպես անձրևը՝ չորության վրա,
Հոգիս պիտ թափեմ ամենքի վրա,
Իմ օրհնությունները՝ սերունդիդ վրա:

Օ՜, ալելուիա՜, (4)
Հոգիս պիտ թափեմ ամենքի վրա,
Իմ օրհնությունները՝ սերունդիդ վրա»։ (2)

Սա Հովելի մարգարեությունն է,
Որ այս օրերում այն կատարվում է,
Եվ Երեմիային տված խոստումն է՝
Նոր ուխտի խոսքը, որ հաստատվում է։

Տաճարում կանգնած` Տերն աղաղակեց.
«Նա, ով ծարավ է, թող որ Ինձ մոտ գա,
Ինձ հավատացողից, ինչպես որ գրվեց,
Կենդանի ջրի աղբյուր կբխի»։

Օ՜, ալելուիա՜, (4)
Հոգիս պիտ թափեմ ամենքի վրա,
Իմ օրհնությունները՝ սերունդիդ վրա»։ (2)

[end:song]

Ծառայության երգացանկ

Երգերը

6 երգ