05.03.2026

03.05.26.docx

document

[start:song]

169
1.Ըսե՛ք, որո՞ւ երթամ, երբ հոգիս տրտում է,
Ըսե՛ք, որո՞ւ երթամ, երբ սիրտս կոտրած է,
Սփոփավայր ո՞ւր կրնամ ես
Գտնել այս խեղճ կյանքիս համար,
Ուրախություն ինչպե՞ս գտնել,
Երբ մութ, անգութ է այս աշխարհ։

Հիսուս կրնա միայն
Արյամբ Իր պատվական
Ջնջել, ներել համայն
Մեղքերդ ադամական:
Գնա՛ հավատալով,
Գնա՛ վստահելով,
Կընդունե քեզ այսօր
Եվ կընե կյանքդ նոր։

2.Որո՞ւ դիմեմ արդյոք, երբ մեղքը զիս ընկճե,
Որո՞ւ դիմեմ արդյոք, երբ խիղճս զիս տանջե,
Ո՞վ պիտ ինծի տա թողություն,
Արդարություն և սրբություն,
Ո՞վ պիտ փշրե մեղաց կապերս
Եվ ազատե մեծ ոսոխեն։

3.Ըսե՛ք, որո՞ւ երթամ, երբ վշտեր զիս պատեն,
Ըսե՛ք, որո՞ւ երթամ, երբ փշեր զիս խոցեն,
Ո՞վ պիտ լսե սրտիս զարկը,
Ո՞վ պիտ զգա հոգւոյս ցավը,
Ո՞վ պիտ ըլլա ինծի ընկեր,
Ժպիտ, արև, և լույս, և սեր։

[end:song]

[start:song]

333
1. Ա՜խ, քո Սերը որքան քաղցր է,
Դառը կյանքիս համ կտա,
Ա՜խ, Քո խոսքը ջուր է, իրավ,
Պապակ սրտիս զով կտա։
Քո վերքերից ամեն մեկը
Բուժող դեղ է վերքերիս,
Փրկիչ Հիսո՛ւս, փառաց լույսդ
Խավար սրտիս լույս կտա։

2. Կարոտում եմ, թե մի վայրկյան
Հեռանում ես իմ մտքից,
Ցուրտ է հագնում ողջ մարմինս,
Երբ գնում ես իմ մոտից։
Մի ավերակ, անտեր տուն է
Սիրտս դառնում առանց Քեզ,
Օրհնյալ Տերս, առաջնորդի՛ր,
Ետ չմնամ Քո հոտից։

3. Քո օրհնության աղբյուրները
Մեզ համար են ջուր հանում,
Այն Քո խաչի սուրբ արյունն է
Մեզ մեղքերից լվանում։
Քո շնորհքը տալիս ես մեզ,
Որ նրանով մենք փրկվենք,
Վիրավորված սիրտս միայն
Ձեռքիդ մեջ է լավանում։

4. Մխիթարող իմ Տերն ես Դու
Անմխիթար այս դարում,
Արդարության հանդերձներով
Մեր հոգին ես զարդարում։
Հոգ ես տանում Դու մեզ համար՝
Կենաց Խոսքիդ համաձայն:
Մեր մեջ եղած ու բորբոքված
Կրակներն ես Դու մարում։

[end:song]

[start:song]

1. Հա՛յր, ճամփադ ինձ սորվեցուր
Փորձության այս ժամանակն,
Այնպես անցնել ցուցուր,
Որ առնեմ կենաց պսակն։

Հաղթողին արմավենին
Հայնժամ տուր, որ ձեռքս առնիմ
Եվ սրբոց ու հրեշտակաց հետ
Ես նոր երգ երգեմ։

2. Սիրտս սիրով թող լեցնե
Երկնային սուրբ Աղավնին,
Չար կիրքերս դադրեցնե,
Որ հաղթեմ ամեն մեղքին։

Հաղթողին արմավենին
Հայնժամ տուր, որ ձեռքս առնիմ
Եվ սրբոց ու հրեշտակաց հետ
Ես նոր երգ երգեմ։

3. Զիս խաղաղությամբ լեցուր,
Փոթորիկը հանդարտի,
Գանգատներս դադրեցուր,
Թող հոգիս սիրովդ հանգչի։

Հաղթողին արմավենին
Հայնժամ տուր, որ ձեռքս առնիմ
Եվ սրբոց ու հրեշտակաց հետ
Ես նոր երգ երգեմ։

4. Հրամանովդ սուրբ հրեշտակներն
Բոլորտիքս բանակ դնեն,
Եվ վերեն սիրույդ աչքերն
Մինչև վերջը վրաս հսկեն։

Հաղթողին արմավենին
Հայնժամ տուր, որ ձեռքս առնիմ
Եվ սրբոց ու հրեշտակաց հետ
Ես նոր երգ երգեմ։

[end:song]

[start:song]

67
1. Ո՜վ Հիսուս, ինձ մոտ արի,
Միշտ իմ առջևից քայլիր,
Ա՛ռ թևիդ տակ ամեն ժամ,
Իմ լավագույն Բարեկամ:

Որքա՜ն ծարավ եմ ես Քեզ,
Ի՜նչ անուշ է դեմքդ հեզ,
Աղաչում եմ Քեզ, Փրկիչ,
Առաջնորդիր ինձ ընդմիշտ։

2. Սրտիս դուռը չեմ բանա,
Ոչ ոքի էլ տեղ չկա,
Միայն Քո ներկայություն,
Ահա՝ իմ վառ ցանկություն։

Որքա՜ն ծարավ եմ ես Քեզ,
Ի՜նչ անուշ է դեմքդ հեզ,
Աղաչում եմ Քեզ, Փրկիչ,
Առաջնորդիր ինձ ընդմիշտ։

3. Միայն Քեզ եմ անվանում
Առաջնորդ ամեն բանում,
Տիրի՛ր սրտիս լիովին,
Խաչյալ Քրիստոս, Տեր անգին։

Որքա՜ն ծարավ եմ ես Քեզ,
Ի՜նչ անուշ է դեմքդ հեզ,
Աղաչում եմ Քեզ, Փրկիչ,
Առաջնորդիր ինձ ընդմիշտ։

[end:song]

[start:song]

477

Հիսուս այս անվան մեջ փրկություն կա
Հիսուս այս անվան մեջ է քո ներկան
Այս անվան մեջ կա լուսավոր փառավոր ապագա
Հուսացեք դուք նրան Փրկչին մարդկության

Բացի Հիսուս չկա ուրիշ ճամփա
Բացի Հիսուս կա լոկ մութ ապագա
Նա է միայն երկինք տանող ճամփան
Հուսացեք դուք Նրան Փրկչին մարդկության

Ազգ իմ այս անունով մինչ հիմա դու կաս
Չկան այն ազգերն որ այս անունը ուրացան
Հառիր աչքերդ դեպ երկինք դեպ Նրա ողորմության
Վստահիր դու Նրան Փրկչին մարդկության

[end:song]

[start:song]

117

1. Ալելուիա՜, ալելուիա՜, ալելուիա՜, (3)
Տեր Հիսուս՝ մեր Փրկիչը պիտի գա։

2. Արթնացե՛ք, Տիրոջմով քույր-եղբայրներ,
Գործեցե՛ք Տիրոջմով, քույր-եղբայրներ,
Ցնծացե՛ք Տիրոջմով, քույր-եղբայրներ,
Տեր Հիսուս՝ մեր Փրկիչը պիտի գա։

3. Ո՛վ Աստուած, Սուրբ Հոգիովդ մեզ լեցուր (3)
Տեր Հիսուս՝ մեր Փրկիչը պիտի գա։

[end:song]

Ծառայության երգացանկ

Երգերը

6 երգ