11.03.2025

[start:song]

45
1. Տե՜ր, պահե՛ զիս Սուրբ խաչիդ
Արյունին տակ, (2)
Տե՜ր, պահե՛ զիս թանկագին
Արյունիդ տակ, (2)
Որ նետերն չարի չհասնին,
Չհարվածեն իմ խեղճ հոգին
Ու չավերեն գործդ անգին,
Տե՜ր, պահե՛ զիս արյունիդ տակ։ (2)

2. Տե՜ր, պահե՛ զիս Սուրբ խաչիդ
Արյունին տակ, (2)
Տե՜ր, պահե՛ զիս թանկագին
Արյունիդ տակ, (2)
Որ ալիքներն մեղքի ծովուն
Չխորտակեն իմ խեղճ նավուն,
Այլ ապահով հասնիմ ես տուն,
Տե՜ր, պահե՛ զիս արյունիդ տակ։ (2)

3. Տե՜ր, պահե՛ զիս Սուրբ խաչիդ
Արյունին տակ, (2)
Տե՜ր, պահե՛ զիս թանկագին
Արյունիդ տակ, (2)
Որ սատանան չհաջողի
Խափանել երթը հավատքին,
Այլ ապահով հասնիմ Քեզի,
Տե՜ր, պահե՛ զիս արյունիդ տակ։ (2)

[end:song]

[start:song]

203

1. Տե՜ր Հիսուս, Աստծո Գառ,
Փառք Քեզ, իմ Արարիչ,
Հավիտյան, Անսահման, Օրհնյալ,
Դու Խաչվեցիր, մեզի համար,
Սուրբ արյունդ Դու հեղեցիր։
Լցրո՛ւ մեզ Սուրբ Հոգով։

Պաշտում եմ Քեզ, Հիսո՛ւս, Աստծո Որդի,

Երկրպագում եմ Քեզ իմ ամբողջ սրտով,

Մեծարում եմ Քեզ, Հիսո՛ւս, Տեր ու Փրկիչ,

Երկրպագում եմ Քեզ իմ ամբողջ հոգով։

2. Տե՜ր, կուզեմ խոնարհվել,
Ոտքերիդ մոտ հանգչել,
Կյանքս Քեզ ընծայել ընդմիշտ՝
Հավատալով Քո Սուրբ Խոսքին,
Կյանքով, գործով, էությունով,
Անունը Քո դավանելով։

Պաշտում եմ Քեզ, Հիսուս, Աստծո Որդի,

Երկրպագում եմ Քեզ իմ ամբողջ սրտով,

Մեծարում եմ Քեզ, Հիսուս, Տեր ու Փրկիչ,

Երկրպագում եմ Քեզ իմ ամբողջ հոգով։

Պաշտում եմ Քեզ, Հիսուս, Աստծո Որդի,

Երկրպագում եմ Քեզ իմ ամբողջ սրտով,

Մեծարում եմ Քեզ, Հիսուս, Տեր ու Փրկիչ,

Երկրպագում եմ Քեզ իմ, Փառաբանում եմ քեզ

Երկրպագում եմ Քեզ իմ ամբողջ հոգով։

[end:song]

[start:song]

534

1. Այս կարճ կյանքի մեջ ինձ համոզեցիր,
Որ Սեր ես անհուն, օրհնյալ Քրիստոս,
Եվ Քո կամքով էր, որ ինձ ընտրեցիր
Որպես Քեզ եղբայր, լուսե Քրիստոս։
Բարձրյալի Որդի, ինձ համոզեցիր,
Որ միայն Դու ես իմ Բարեկամը,
Առաջին օրից քիմքիս թողեցիր
Քաղցր խոսքերիդ մեղրաբույր համը։

2. Աստծո Որդի, ինձ համոզեցիր,
Որ միայն Դու ես տերերի Տերը,
Խավար սրտիս մեջ լույսդ վառեցիր
Ու ինձ ասացիր` հենց ես եմ Սերը։
Իմ խաչյալ Հիսո՛ւս, ինձ համոզեցիր
Անցնող աշխարհի ունայնությունը,
Մեղքերս առար, խաչիդ գամեցիր՝
Քեզ հետ բերելով մեծ հաղթությունը։

3. Հարուցյալ Հիսո՛ւս, ինձ համոզեցիր,
Որ միայն Դու ես ճամփան ու կյանքը,
Հոգովդ իմ մեջ նոր սիրտ դրեցիր`
Դարձնելով ինձ Աստծո ժառանգը։
Ո՜վ իմ Սուրբ Հիսո՛ւս, ինձ համոզեցիր,
Որ Դու ես, Դու ես հացը երկնային,
Հոգովդ հոգուս աչքը բացեցիր,
Որ տեսնի փառքը Քո աստվածային։

4. Թանկագին իմ Տե՛ր, ինձ համոզեցիր,
Որ ես առանց Քեզ ապրել չեմ կարող,
Քեզանով վառվող այսօրվա լույսս
Առանց Քեզ մի խեղճ ճրագ է մարող։
Հիմա էլ կրկին ինձ համոզում ես,
Որ Դու իմ Հայրն ես ու Պահապանս,
Միշտ համոզում ես ու միշտ ուզում ես,
Որ մնամ Քո մեջ, իմ սուրբ Տապանս։

[end:song]

[start:song]

1

1. Եղբայրնե՛ր, ցնծացե՛ք,
Մեր կյանքն է անմար,
Դո՛ւք, քույրե՛ր, երգեցե՛ք
Փրկչի սերն անճառ։
Երբեմնի օտարից
Դարձանք բարեկամ,
Մենք հիմա շատ մոտ ենք
Քրիստոսի արյամբ։

Բարձրաձայն երգենք, Տերը մեզ փրկեց,
Բարձրաձայն երգենք, Տերը ազատեց,
Գրեց մեր անուններն Կյանքի գրքի մեջ։ (2)

2. Հիմա չենք մոտենում
Մենք Սինա լեռին,
Մեզ էլ չի սարսռեցնում
Որոտ մոլեգին։
Սուրբ Խոսքը շնորհեց մեզ
Խաչից քավություն,
Փրկվեցինք մենք մահից
Քրիստոսի արյամբ։

Բարձրաձայն երգենք, Տերը մեզ փրկեց,
Բարձրաձայն երգենք, Տերը ազատեց,
Գրեց մեր անուններն Կյանքի գրքի մեջ։ (2)

3. Հավատքով, սիրով արդ
Ապրում ենք, շնչում,
Սպիտակ հանդերձով զվարթ
Դեպ երկինք թռչում։
Սուրբ հույսով կենսավետ
Մեր սրտերն՝ խնդում,
Կապրենք կյանքով հավետ
Քրիստոսի արյամբ։

Բարձրաձայն երգենք, Տերը մեզ փրկեց,
Բարձրաձայն երգենք, Տերը ազատեց,
Գրեց մեր անուններն Կյանքի գրքի մեջ։ (2)

[end:song]

[start:song]

307

1. Քայլում էի տխուր անապատի մեջ,
Ծարավն էր տանջում անվերջ ու անվերջ,
Ձեռքերս պարզած, անուժ ու լացով
Խնդրեցի. «Աստվա՜ծ, կյա՛նք տուր Քո ջրով»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

2. Ձեռքիցս բռնած` անապատն անցանք,
Ներեց Հիսուսս չարություն, հանցանք:
Արցունքն աչքերիս, ոտքերին փարված`
Գոչեցի լացով. «Հիսո՜ւս, ի՛մ Աստված»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

3. Հիսուսն էր գնում, ես էլ՝ ետևից,
Նա ինձ փրկել էր չոր անապատից,
Գնում էի Նրա լույս ճանապարհով
Ու ինձ զգում էի հարուստ, ապահով։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

4. Ու խոսեց Տերս. «Ես եմ լույս-կյանքը,
Ճշմարտությունը ու ճանապարհը։
Խաղաղություն Ես գառներիս կտամ,
Շատ շուտով նրանց ետևից կգամ»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

[end:song]

[start:song]

330

1. Ունայնություն է աշխարհը այս սին,
Ոչ ոք չասաց ինձ նույնիսկ այդ մասին,
Օրերը եկան, անցան շատ իզուր,
Երկրում ապրում եմ ինչպես օտար հյուր։
      Ո՛վ հոգի ծախված
      Ու դատապարտված,
      Աշխարհի կողմից եղար դու խաբված:

2. Զղջման արցունքով ելա Գողգոթա,
Հիսուսին տեսա ու ծնկի եկա,
Աշխարհը՝ ունայն, երկինքն է հույսս.
Գնեց Իր արյամբ ինձ Տեր Հիսուսը։
      Հոգիս երկնային
      Երկինք կգնա,
      Մարմինս հող է, հողին կդառնա։

3. Երկնքի դուռն է բացել իմ Տերը,
Այնտեղ պիտ գնան Տիրոջ սուրբերը,
Հրաման կգա շուտով երկնքից,
Հրավեր ունեմ իմ Տեր Հիսուսից։
      Հոգիս երկնային
      Երկինք կգնա,
      Մարմինս հող է, հողին կդառնա։

4. Աշխարհ դու անզոր, Տերս քեզ հաղթեց,
Սև ճիրաններից հոգիս ազատեց,
Մարդի՛կ, դուք բացեք ձեր քար սրտերը,
Փշրված սիրտ է սիրում մեր Տերը։
      Հոգիս երկնային
      Երկինք կգնա,
      Մարմինս հող է, հողին կդառնա։

[end:song]