31.03.2026

[start:song]

45
1. Տե՜ր, պահե՛ զիս Սուրբ խաչիդ
Արյունին տակ, (2)
Տե՜ր, պահե՛ զիս թանկագին
Արյունիդ տակ, (2)
Որ նետերն չարի չհասնին,
Չհարվածեն իմ խեղճ հոգին
Ու չավերեն գործդ անգին,
Տե՜ր, պահե՛ զիս արյունիդ տակ։ (2)

2. Տե՜ր, պահե՛ զիս Սուրբ խաչիդ
Արյունին տակ, (2)
Տե՜ր, պահե՛ զիս թանկագին
Արյունիդ տակ, (2)
Որ ալիքներն մեղքի ծովուն
Չխորտակեն իմ խեղճ նավուն,
Այլ ապահով հասնիմ ես տուն,
Տե՜ր, պահե՛ զիս արյունիդ տակ։ (2)

3. Տե՜ր, պահե՛ զիս Սուրբ խաչիդ
Արյունին տակ, (2)
Տե՜ր, պահե՛ զիս թանկագին
Արյունիդ տակ, (2)
Որ սատանան չհաջողի
Խափանել երթը հավատքին,
Այլ ապահով հասնիմ Քեզի,
Տե՜ր, պահե՛ զիս արյունիդ տակ։ (2)

[end:song]

[start:song]

155
1. Ո՜վ Տեր Հիսուս, ես Քեզ տեսա
Գողգոթայի խաչին վրա,
Ինձի համար կտանջվիս,
Փրկել կուզես իմ խեղճ հոգիս։

Այդ ի՜նչ սեր էր, որ Քեզ դրդեց,
Աշխարհ իջնել Քեզ թելադրեց:
Սկիզբը լավ չհասկացա,
Մինչև ելա լեռ Գողգոթա:

2. Ո՜վ Տեր Հիսուս, ես Քեզ տեսա
Ալեկոծված ծովուն վրա,
Ծովուն վրա մտահոգվիս՝
Փրկել կուզես սուզվող հոգիս։

3. Ո՜վ Տեր Հիսուս, ես Քեզ տեսա
Սուրբերուն հետ՝ ամպերուն վրա,
Ամպերուն մեջ կուգաս դեպ զիս՝
Փրկել կուզես կորսվող հոգիս։

[end:song]

[start:song]

276
1. Խաչի վրա վերջին անգամ
Ինձ համար էլ աղոթեցիր,
Գամված ափիդ անունս գրվեց,
Արյանդ շիթը մեղքերս մաքրեց։

Ինչպե՞ս ապրեմ ես առանց Քեզ,
Ռաբբի, Ռաբբի, Ռաբբի,
Ինչպե՞ս ապրեմ ես առանց Քեզ,
Այդ Քո սերն է, որ գտավ մեզ (2):

2. Ծնողներս ինձ ատեցին,
Անվանդ համար հալածեցին,
Ընկած էի ծեծված, լքված,
Ցավիս դրիր ձեռքերդ խոցված։

Ինչպե՞ս ապրեմ ես առանց Քեզ,
Ռաբբի, Ռաբբի, Ռաբբի,
Ինչպե՞ս ապրեմ ես առանց Քեզ,
Այդ Քո սերն է, որ գտավ մեզ (2):

3. Հիմա մենակ, անօթևան
Քեզ եմ գալիս, ի՛մ Բարեկամ,
Ով ուզում է թող ինձ ատի,
Ես պիտ երգեմ՝ Հիսո՜ւս, արի՛։

Ինչպե՞ս ապրեմ ես առանց Քեզ,
Ռաբբի, Ռաբբի, Ռաբբի,
Ինչպե՞ս ապրեմ ես առանց Քեզ,
Այդ Քո սերն է, որ գտավ մեզ (2):

4. Խաչի ճամփան ուր էլ տանի,
Միայն լինեմ Քեզ արժանի,
Հոգիս տալիս Ռաբբի կանչեմ,
Խոցված ձեռքիդ վրա հանգչեմ։

Ինչպե՞ս ապրեմ ես առանց Քեզ,
Ռաբբի, Ռաբբի, Ռաբբի,
Ինչպե՞ս ապրեմ ես առանց Քեզ,
Այդ Քո սերն է, որ գտավ մեզ (2):

[end:song]

[start:song]

569
1. Երբ նայեցա այն աղբյուրին,
Որ բացված էր վասն մեղքիս,
Հետևեցա Հոգու ձայնին,
Որ հարցուց՝ կմաքրվի՞ս։

Կգովեմ զԱյն, (2)
Փառք մորթված Գառնուկին,
Թող գովեն զԱյն բոլոր ազգեր,
Զի Անոր արյամբ կսրբվին:

2. Ճամբան շատ նեղ էր ու դժվար,
Իզուր եղան խնդրանքներս,
Ինչ բանի, որ սիրտս կբաղձար,
Մոխիր դարձան իմ առջևս։

Կգովեմ զԱյն, (2)
Փառք մորթված Գառնուկին,
Թող գովեն զԱյն բոլոր ազգեր,
Զի Անոր արյամբ կսրբվին:

3. Բայց երբ սիրտս մտավ Հոգին,
Բոցավառեց կրակով զայն,
Կուտամ անվերջ փառք Գառնուկին,
Անթիվ փառք Իր սուրբ Անվան։

Կգովեմ զԱյն, (2)
Փառք մորթված Գառնուկին,
Թող գովեն զԱյն բոլոր ազգեր,
Զի Անոր արյամբ կսրբվին:

4. Կօրհնեմ անունն ես Հիսուսի,
Ուրախ եմ` զիս առավ ներս,
Խավարեն զիս հանեց լույսի,
Ներեց բոլոր իմ մեղքերս։

Կգովեմ զԱյն, (2)
Փառք մորթված Գառնուկին,
Թող գովեն զԱյն բոլոր ազգեր,
Զի Անոր արյամբ կսրբվին:

5. Փա՜ռք հավիտյան Հորն Աստծուն,
Փա՜ռք և Որդուն՝ Հիսուսին,
Փա՜ռք, փա՜ռք ըլլա Հոգուն Սրբո,
Փա՜ռք, պատիվ Երրորդության։

Կգովեմ զԱյն, (2)
Փառք մորթված Գառնուկին,
Թող գովեն զԱյն բոլոր ազգեր,
Զի Անոր արյամբ կսրբվին:

[end:song]

[start:song]

361
1. Հիսուսի արյունը մաքրել է ինձ,
Մեղքից ու մահից ինձ ազատել,
Հիսուսի արյունը մաքրել է ինձ
Եվ երկինքը բացել է։

Քո արյունը, (3)
Սուրբ արյունը հոսում է խաչից։

2. Գառան արյունը մաքրել է ինձ,
Մեղքից ու մահից ինձ ազատել,
Գառան արյունը մաքրել է ինձ
Եվ երկինքը բացել է։

Քո արյունը, (3)
Սուրբ արյունը հոսում է խաչից։

3.Հիսուսի սուրբ արյունը (3)
Մաքրում է մեզ ձյան պես սպիտակ։
Փառք և գոհություն արյանդ համար, (3)
Ինձ սիրող Հիսուս։

Քո արյունը, (3)
Սուրբ արյունը հոսում է խաչից։

[end:song]

[start:song]

464
1. Ժողովուրդն ենք մենք՝ սուրբ արյամբ գնված,
Մոտենանք Աստծո Գառին համարձակ,
Որ Գողգոթայում տառապանք տարավ,
Խաչվեց իմ և քո մեղքերի համար։

Արյան զորությամբ ունենք թողություն,
Արյան զորությամբ ունենք փրկություն,
Արյան զորությամբ էր, որ Գողգոթայում
Գառն Աստծո տարավ հաղթություն։

2. Մեր կյանքը փոխեց, Իրեն մոտեցրեց
Ու խաչի ճամփան Նա մեզ ցույց տվեց,
Որ նայենք Իրեն, հիշենք Գողգոթան,
Երբեք չհիշենք անցած հին ճամփան։

Արյան զորությամբ ունենք թողություն,
Արյան զորությամբ ունենք փրկություն,
Արյան զորությամբ էր, որ Գողգոթայում
Գառն Աստծո տարավ հաղթություն։

3. Անհուն փառք Իրեն՝ Աստծո Գառին,
Որ անգին արյամբ տվեց թողություն,
Մաքրեց մեղքերից ու ճերմակ արեց
Եվ էլ ավելի կյանք մեզ պարգևեց։

Արյան զորությամբ ունենք թողություն,
Արյան զորությամբ ունենք փրկություն,
Փառք և օրհնություն երգենք մեր Աստծուն,
Որ Իր Որդով տվեց մեզ հարություն։

[end:song]