03.04.2025

[start:song]

224
1. Աչքերս եմ բացել Քրիստոսի խաչի տակ
Ու թափել արցունքներ մեղքերի թողության:
Նայվածքդ լռին աչքերիս մեջ սուզվում,
Ասում է՝ սիրելիս, զղջումդ եմ ուզում։

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

2. Աշխարհում այս մեծ չգտա մի դուռ,
Բարիք չհասավ այս կյանքում մի բուռ,
Մարդիկ չեն կարող վշտերս ամոքել,
Նրանցից հաճախ զրկանք եմ կրել։

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

3. Քո կյանքն ես կապել փշրված սրտիս հետ,
Անպտուղ անցած օրերին իմ խենթ,
Ահա մարում ես պարտքերն իմ բոլոր
Քո սուրբ արյունով, անմեղ արյունով:

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

4. Հիմա չեմ կարող առանց Քեզ ապրել
Ու Քեզնից հեռու ուրիշ սեր փնտրել,
Դու ես սկիզբը և վերջը իմ կյանքի,
Այս է լուծումը գալիք օրերի:

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

[end:song]

[start:song]

417
1. Ես սիրում եմ Հիսուսին՝
Իմ կյանքին հույս տվողին,
Իմ ճամփին լույս սփռողին,
Իմ մեղքերը քավողին։

Ես սիրում եմ Հիսուսին՝ (3)
Իմ Փրկարարին։

2. Ես սիրում եմ Հիսուսին՝
Իմ մեղքերը ներողին,
Իմ աչքերը բացողին,
Իմ սրտում սեր լցնողին։

Ես սիրում եմ Հիսուսին՝ (3)
Իմ Փրկարարին։

3. Ես սիրում եմ Հիսուսին՝
Ինձ խավարից հանողին,
Ինձ հավատք պարգևողին,
Ինձ դժոխքից փրկողին։

Ես սիրում եմ Հիսուսին՝ (3)
Իմ Փրկարարին։

[end:song]

[start:song]

543

      ՆԵԵՏ 19 
1. Երբ կենանք աղոթքի, մեր սրտերն
Ու մտքերն Քուկդ ըրե՛,
Ճնշումներն աշխարհի Դուն ջնջե՛,
Սրբացո՛ւր մեզ, Տեր, և մաքրե՛։
     Քու սիրովդ մեր կյանքներն Դուն փոխե՛,
     Ո՜վ Տեր, մեր հոգիներն նորոգե՛։
     Ամեն մարդ այս պահին և ամեն տեղ
     Միանա մեր խումբին և աղոթե։

[end:song]

[start:song]

505

Աստծո բանակն է գնում՝

Հաղթելով աշխարհին,

Մենք երգում ենք ու ցնծում,

Որ մահը պարտվի:

Էմմանուէլ, Աստծո բանակն է սա,

Էմմանուէլ,մենք պաշտում ենք Նրան,

Էմմանուէլ, Նա է մեր Մեսիան,

Էմմանուէլ, (3) Աստված:

Սուրբ Հիսուսն է աշխարհ եկել,

Պաշտենք մենք Նրան,

Նա է մեր զորագլուխը,

Օրհնենք մենք Նրան:

Էմմանուէլ, Աստծո բանակն է սա,

Էմմանուէլ,մենք պաշտում ենք Նրան,

Էմմանուէլ, Նա է մեր Մեսիան,

Էմմանուէլ, (3) Աստված:

Հավատքի վահանն ունենք մենք,

Զինվել ենք ահա,

Երբեք չենք հուսահատվի մենք,

Տերն է մեր Արքան:

Էմմանուէլ, Աստծո բանակն է սա,

Էմմանուէլ,մենք պաշտում ենք Նրան,

Էմմանուէլ, Նա է մեր Մեսիան,

Էմմանուէլ, (3) Աստված:

Աստծո բանակն է գնում՝

Հաղթելով դժոխքին,

Եվ երգում ենք՝ ալելուիա,

Օվսաննա Գառին:

Էմմանուէլն է գնում առջևից
Էմմանուէլ, Հարուցյալ կենդանի
Էմմանուէլ, Որ հաղթեց աշխարհին
Էմմանուէլ, (3) Արքան:

[end:song]

[start:song]

176
1. Խռովել ու մոլորվել է գառնուկդ,
Բարի Հովիվ, փնտրի՛ր, գտի՛ր Դու նրան:
Վիրավոր է և ուժասպառ գառնուկդ,
Ո՜վ հարեհաս, հասի՛ր, բուժի՛ր Դու նրան:

2. Գայլի որջն է տանում գառան այդ ճամփան,
Փրկի՜չ Հիսուս, հասի՛ր, փրկի՛ր Դու նրան:
Խռովել է մի ոչխարից նա անբան,
Հոտը թողել ու բռնել է այդ ճամփան:

3. Խռովել է, էլ հետ դառնալ չի ուզում,
Ճահճի մեջ օրեօր է նա սուզվում:
Սոված գայլն է շրջում նրա բոլորը,
Այդ չի տեսնում խորասուզված մոլորը:

4. Մեկի համար Դու ողջ հոտը թողեցիր
Ու այն մեկի թարմ հետքերով գնացիր:
Այս մեկն էլ ճիշտ նման է այն մեկին,
Չէ՞ որ, Տե՛րս, նույնն ես անում ամենքին:

[end:song]

[start:song]

22

1. Լուսո բլրան վրա կանգնած,
Ո՛վ զինվոր Քրիստոսի,
Օն, ե՛լ, պայքարդ մղե հառաջ,
Զի օրն շուտ վախճանի։
Մեր թշնամվույն ճակտին մղենք
Մեր զորությունն ուժգին,
Հավատքն է հաղթություն, գիտենք,
Որ հաղթե աշխարհին։

Հավատքն է հաղթություն, (2)

Ո՜հ, փառավոր հաղթություն,

Որ հաղթե աշխարհին։

2. Իր սերն է դրոշ՝ վեր մեր գլխուն,
Մեր սուրն՝ Տիրոջ պատգամն,
Քայլենք ճամփան այն սուրբերուն,
Որ հոս պայքարեցան։
Ինչպես անոնք, նման մրրկի,
Թշնամվույն խոյացան,
Նույն հավատքով մենք ալ պիտի
Հասնինք ստույգ հաղթության։

Հավատքն է հաղթություն, (2)

Ո՜հ, փառավոր հաղթություն,

Որ հաղթե աշխարհին։

3. Ան, որ հաղթող է թշնամվույն,
Ճերմակ զգեստ հագնի,
Ի մեջ սրբոց Իրեն անուն
Փառքով պիտ դավանի։
Ուստի, հառա՛ջ լուսո բլրեն,
Սրտեր՝ լեցուն սիրով,
Փախչին զորք խավարի ամեն
Հիսուսի անունով։

Հավատքն է հաղթություն, (2)

Ո՜հ, փառավոր հաղթություն,

Որ հաղթե աշխարհին։

[end:song]