07.04.2026

[start:song]

216
1. Ինչպե՜ս եմ ես ուզում թռչել երկինք,
Քեզ մոտ լինել, Աստվա՛ծ իմ,
Միայն խնդրում եմ, զորացրո՛ւ Դու ինձ,
Խաղաղություն տուր սրտիս։

Դու ես միայն աղբյուր կյանքիս,
Դու, միայն Դու, ի՛մ Հիսուս թանկագին։

2. Հաճախ տրտմությամբ լցվում է հոգիս,
Ուրախությունս՝ պակասում,
Միայն Քեզ մոտ եմ գտնում ես հանգիստ,
Սիրտս Քեզ է սպասում։

Դու ես միայն աղբյուր կյանքիս,
Դու, միայն Դու, ի՛մ Հիսուս թանկագին։

3. Ցավն է ծեծում երիտասարդ կուրծքս,
Խաղաղություն չեմ գտնում,
Այստեղ միայն արցունք է տեսածս,
Տանջվում եմ և տառապում։

Դու ես միայն աղբյուր կյանքիս,
Դու, միայն Դու, ի՛մ Հիսուս թանկագին։

4. Իմ հոգին կարոտ է հանգստության
Օթևանում երկնային,
Տե՜ր Հիսուս, եղի՛ր Դու ինձ պահապան
Եվ ինձ հասցրո՛ւ սուրբ կյանքին։

Դու ես միայն աղբյուր կյանքիս,
Դու, միայն Դու, ի՛մ Հիսուս թանկագին։

[end:song]

[start:song]

420

1. Կապուտակ երկինք՝ բյուրեղյա, մաքուր,
Քեզ եմ նվիրում իմ հոգին թաքուն,
Տառապանք ու հոգս մոռացած հեռվում`
Քո գիրկն եմ գալիս կարոտովդ լի։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

2. Աստղաշուք երկինք, դու՝ հրաշք լուսե,
Կերտված ես Աստծո հանճարով վսեմ,
Իմ երազներով քո գիրկն եմ թևում՝
Թողած հին կյանքի տենչերը նսեմ։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

3. Ես լսում եմ միշտ շշունջդ բարի,
Զգում եմ ամոքող շունչդ իմ սրտում.
Քո սպասումով չեմ լինի տրտում,

Կլինեմ հավետ Աստծո գրկում։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

[end:song]

[start:song]

546

1. Հիանալի, հիանալի, Հիսուսն է հիանալի,
Հիսո՛ւս, հոգում ես Դու իմ կյանքի համար։

Տե՜ր Հիսուս, մեր Արարի՛չ,
Դու` հզոր Փրկիչ,
Քեզանով ենք մենք միշտ ապրում
Այս անհույս կյանքում։

2. Ճրագ՝ իմ ոտքերին, Լույս ես ճանապարհիս,
Հիսո՛ւս, հոգում ես Դու իմ կյանքի համար։

Տե՜ր Հիսուս, մեր Արարի՛չ,
Դու` հզոր Փրկիչ,
Քեզանով ենք մենք միշտ ապրում
Այս անհույս կյանքում։

3. Փառավոր, փառավոր, Հիսուսն է փառավոր,
Հիսո՛ւս, հոգում ես Դու իմ կյանքի համար։

Տե՜ր Հիսուս, մեր Արարի՛չ,
Դու` հզոր Փրկիչ,
Քեզանով ենք մենք միշտ ապրում
Այս անհույս կյանքում։

[end:song]

[start:song]

65

1. Հիսուսին միայն սրտումս պիտ ունենամ,
Հիսուսը միայն այնտեղ բնակի,
Իր սիրույն ոչ մի բան հավասար չկա,
Միայն Նրա մոտ հոգիս կհանգչի։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

2. Հիսուսը միայն ինձ մեղքից ազատեց,
Հիսուսը միայն ինձ բարիք արեց,
Նրա մեծ սերը իմ սիրտը կոտրատեց
Եվ ապա խաղաղության դեղ դրեց։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

3. Հիսուսին միայն կյանքս կպատկանի,
Նա՛ է իմ Փեսան և ես՝ հարս Նրա,
Միայն Նրա կամքը պիտի կատարեմ,
Եվ Նա սպիտակ հանդերձներ ինձ կտա։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

4. Հիսուսը միայն ինձ ուժ կպարգևե,
Երբ պատերազմի մեջ տկարանամ,
Նրա կենաց աղբյուրից ես կխմեմ
Կյանք և զորություն միշտ, ամեն անգամ։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

[end:song]

[start:song]

760
1. Տե՜ր, Դու ստեղծել ես ինձ
Եվ արարել ես ինձ,
Պատկերովդ ես ինձ ստեղծել`
Քո փառքի համար: (2)

Պաշտեմ Քեզ հոգով,
Ճշմարտությունով,
Ապրեմ հավատքով,
Երկրպագեմ Քեզ իմ ամբողջ հոգով
Եվ իմ ողջ կյանքով:
Սերդ վայելեմ գիշեր ու ցերեկ
Ու անվերջ երգեմ,
Դու ես Տերը իմ, Դու ես Տերը իմ
Հոգու հավիտյան: (2)

2. Տե՜ր, Դու ընտրել ես ինձ
Ու փրկագնել ես ինձ:
Շնորհակալ եմ, Տե՛ր Հիսուս,
Քո սիրո համար: (2)

Պաշտեմ Քեզ հոգով,
Ճշմարտությունով,
Ապրեմ հավատքով,
Երկրպագեմ Քեզ իմ ամբողջ հոգով
Եվ իմ ողջ կյանքով:
Սերդ վայելեմ գիշեր ու ցերեկ
Ու անվերջ երգեմ,
Դու ես Տերը իմ, Դու ես Տերը իմ
Հոգու հավիտյան: (2)

Պաշտեմ Քեզ հոգով,
Ճշմարտությունով,
Ապրեմ հավատքով,
Երկրպագեմ Քեզ իմ ամբողջ հոգով
Եվ իմ ողջ կյանքով:
Սերդ վայելեմ գիշեր ու ցերեկ
Ու անվերջ երգեմ,
Դու ես Տերը իմ, Դու ես Տերը իմ
Հոգու հավիտյան:

Դու ես Տերը իմ,

Հոգու հավիտյան։

[end:song]

[start:song]

76

1. Ես հոգնած և բեռնավորված,
Տե՜ր, հիմա Քեզ եմ դիմում
Եվ, Քեզանով միայն փրկված,
Հանգստություն եմ գտնում։

Ո՜վ Հիսուս, պիտ գամ ես Քեզ մոտ,
Որ տաս ինձ խաղաղություն,
Ո՜վ Հիսուս, ես Քեզ եմ կարոտ,
Դու տաս ինձ հանգստություն։

2. Ա՜խ, ո՛վ Քրիստոս, ո՛վ իմ Փրկիչ,
Ես խնդրում եմ Քեզանից,
Դու պահպանի՛ր, որ փորձիչը
Չշեղի ինձ Քո ճամփից։

Ո՜վ Հիսուս, պիտ գամ ես Քեզ մոտ,
Որ տաս ինձ խաղաղություն,
Ո՜վ Հիսուս, ես Քեզ եմ կարոտ,
Դու տաս ինձ հանգստություն։

3. Տե՛ր, օգնիր ինձ, միշտ մոտ եղիր
Այս երկրային կյանքի մեջ
Եվ իմ սրտում, ո՛վ Տեր, պահիր
Քո լույսը վառ և անշեջ։

Ո՜վ Հիսուս, պիտ գամ ես Քեզ մոտ,
Որ տաս ինձ խաղաղություն,
Ո՜վ Հիսուս, ես Քեզ եմ կարոտ,
Դու տաս ինձ հանգստություն։

4. Քո հայրական գոգում հավետ
Հոգիս գտնում է հանգիստ,
Այստեղ, ամեն փորձանքից ետ,
Դրախտում կհանգչեմ միշտ:

Ո՜վ Հիսուս, պիտ գամ ես Քեզ մոտ,
Որ տաս ինձ խաղաղություն,
Ո՜վ Հիսուս, ես Քեզ եմ կարոտ,
Դու տաս ինձ հանգստություն։

[end:song]