08.04.2025

[start:song]

178
1. Հուսա՛, կգան ուրախ օրեր,
Կգան զվարթ օրեր՝
Մեր սպասած, երազած։
Ու կանցնեն արդեն ընդմիշտ
Ամեն տառապանք, թախիծ ու վիշտ
Կկորչեն մեկընդմիշտ։ (2)

Ու կգա օրհնյալ այն ժամն Սուրբ Միածնի,
Կհնչեն փողի ձայներն ավետիսի,
(Ցնծության արտասուքով,
Հրճվանքով ու մեծ փառքով
Կմիանանք Նրան, որ Տերն է փառավոր։ 2)

2. Հուսա՛, կգտնի հոգիդ նորից
Փափագած դեռ դարերից
Իր Փրկչին, Արարչին։
Ու մոռացած արդեն ընդմիշտ
Ամեն տառապանք, թախիծ ու վիշտ՝
Կփարվի իր Փրկչին։ (2)

Ու կգա օրհնյալ այն ժամն Սուրբ Միածնի,
Կհնչեն փողի ձայներն ավետիսի,
(Ցնծության արտասուքով,
Հրճվանքով ու մեծ փառքով
Կմիանանք Նրան, որ Տերն է փառավոր։ 2)

[end:song]

[start:song]

310
1. Հիսուսը, սրտիդ դռան
Կանգնած՝ կթակե ան,
Կթակե, որ դուն բանաս,
Սրտումդ Իրեն տեղ տաս։

Սրտիդ դռան բանալին
Հանձնե՛ Տեր Հիսուս Փրկչին,
Բա՛ց, որ սիրտդ գրավե ու սրբե
Եվ խավարդ լույս դարձնե,
Բա՜ց, բա՜ց, բա՜ց։

2. Որչա՞փ կանգնե ու թակե,
Որչա՞փ սրտիդ դուռն զարկե,
Դե ե՛կ, բա՛ց Անոր համար,
Թող դառնա լույս քո խավարն։

Սրտիդ դռան բանալին
Հանձնե՛ Տեր Հիսուս Փրկչին,
Բա՛ց, որ սիրտդ գրավե ու սրբե
Եվ խավարդ լույս դարձնե,
Բա՜ց, բա՜ց, բա՜ց։

3. Ո՜հ, քարասի՛րտ մեղավոր,
Սրտիդ դուռը բա՛ց այսօր,
Բա՛ց, որ Տերը ներս մտնե,
Քու սրտումդ բնակվե։

Սրտիդ դռան բանալին
Հանձնե՛ Տեր Հիսուս Փրկչին,
Բա՛ց, որ սիրտդ գրավե ու սրբե
Եվ խավարդ լույս դարձնե,
Բա՜ց, բա՜ց, բա՜ց։

[end:song]

[start:song]

186

1. Քրիստոսը մեզ կանչում է փրկության
Եվ հավիտենական խաղաղության,
Ի՞նչ ես դանդաղում վերջին օրերում,
Դու՝ խեղճ պանդուխտ այս մեղքի աշխարհում։

2. Նա քեզանից ոչինչ չի պահանջում,
Այլ կորստից քեզ փրկել է ուզում,
Մի՛ մերժիր այդ սիրո հրավերը,
Հիսուսի առջև բացի՛ր քո սիրտը։

3. Այստեղ թշնամին մարդկային հոգու
Ուզում է, որ դու ապրես խավարում,
Բայց դեռ վառվում է փրկության լույսը,
Քեզ է կանչում հավիտենությունը։

4. Գուցե հաճախ ինքդ էլ ես հասկանում,
Որ մեղքի կյանքն է քեզ ապականում,
Բայց դեռ անհոգության մեջ քնած ես
Եվ կործանման մասին մոռացել ես։

5. Ժամանակը դեռ քեզ է սպասում,
Եվ Աստված քեզ փրկության է կանչում,
Ի՞նչ ես մտածում այս սուղ օրերում
Դո՛ւ, խեղճ պանդուխտ այս մեղքի աշխարհում։

[end:song]

[start:song]

446

Ի՜նչ մեծ ու հրաշալի են Քո գործերը, Տե՛ր,
Փառքովդ է լցված երկիրը։
Արդար ու ճշմարիտ են ուղիները Քո,
Սուրբ Թագավոր։

Ո՞վ չի վախենա ու չի փառաբանի Քեզ,
Միայն Դու ես սուրբ,
Ողջ ազգերը կխոնարհվեն Քո առջև,
Տե՜ր Հիսուս, միայն Դու ես սուրբ։

Սուրբ ես, սուրբ ես, միայն Դու ես սուրբ,
Սուրբ ես, սուրբ ես,

Տեր Հիսո՛ւս, միայն Դու ես սուրբ։ 2

Սեր ես, սեր ես, միայն Դու ես սեր:
Սեր ես, սեր ես,

Տեր Հիսո՛ւս, միայն Դու ես սեր:

[end:song]

[start:song]

199

Քո տանդ մեջ (3)

Պետք ունիս դուն Հիսուսի: (4)

Ի՜նչ օրհնյալ է տան մեջ կյանքը, (2)

Հիսուսով` քու տանդ մեջ,

Ի՜նչ օրհնյալ է տան մեջ կյանքը, (2)

Հիսուսով քու տանդ մեջ:

Քու կյանքիդ մեջ,

Քու սրտիդ մեջ,

Քու մտքիդ մեջ

Պետք ունիս դուն Հիսուսի։ (4)

Ի՜նչ օրհնյալ է տան մեջ կյանքը, (2)

Հիսուսով` քու տանդ մեջ,

Ի՜նչ օրհնյալ է տան մեջ կյանքը, (2)

Հիսուսով քու տանդ մեջ:

[end:song]

[start:song]

508

Եկե՛ք միանանք, մեկ ձայնով, մեկ հոգով
Փառաբանենք Տիրոջ անունը,
Նա մեզ կսիրե, բարիքներ կշնորհե,
Առանց Իրեն կյանքը ոչինչ է։

Ինքն է աղբյուր կյանքի,
Ուրախություն սրտի,
Հիսուս Քրիստոս է Իր անունը:
Եկե՛ք միանանք, մեկ ձայնով, մեկ հոգով
Փառաբանենք Տիրոջ անունը։

Եկե՛ք երգենք, մեկ ձայնով, մեկ հոգով
Փառաբանենք Տիրոջ անունը,
Նա արժանի է մեծ փառքի ու պատվի,
Ալելուիա՜, փա՜ռք Տիրոջ։

[end:song]