10.04.2025

[start:song]

198

1. Գողգոթայի սարը ելա երազով,
Տեր Հիսուսի խաչին հասա մուրազով,
Տեսա՝ Տերս արյունոտ էր վերից վար,
Արնաթաթախ բաց վերքերը կերևար:

2. Այդ տեսնելով՝ չէի կարող համբերել,
Ոտքերն ընկա և սկսեցի համբուրել,
Փաթաթվելով՝ Տիրոջս այնպես փարվեցի,
Ինձ թվաց, թե Խաչյալի հետ ձուլվեցի:

3. Լույս սկսեց ճառագել իմ մարմինը,
Ինձ հեղել էր Տիրոջ քավիչ արյունը,
Հենց այդ պահից Տիրոջ սերը հասկացա,
Այդ սիրո մեջ հավերժ մնալ խոստացա:

4. Էլ ո՛չ ահ կար, ո՛չ էլ մահ կար ինձ համար,
Էլ ո՛չ ցավ կար, ո՛չ էլ տանջանք ինձ համար,
Հավերժական փրկությանը փաթաթված՝
Երկինքների երկնից էի նայում ցած:

[end:song]

[start:song]

154
1. Դու ինձ մոտ ես, քան ծովին իր ափը,
Դու ինձ թանկ ես, քան մայրն՝ իր որդուն,
Դու եկար, որ քաղցրացնես իմ դառը,
Դու եկար, որ տանես ինձ Աստծուն։

Առանց Քեզ իմ կյանքն էլ ինձ պետք չէ,
Առանց Քեզ միայն մեղք եմ գործում,
Դու ես միայն ուրախությունն իմ հոգու,
Եղի՛ր միշտ ինձ հետ, Քեզ եմ խնդրում։

2. Երբ Աստված այցելում է աշխարհին,
Որ նրա ձեռքից ազատի ինձ,
Այնժամ Քեզ եմ տեսնում միշտ իմ առջևում,
Եվ իմ հոգին փարվում է Քեզ։

Առանց Քեզ իմ կյանքն էլ ինձ պետք չէ,
Առանց Քեզ միայն մեղք եմ գործում,
Դու ես միայն ուրախությունն իմ հոգու,
Եղի՛ր միշտ ինձ հետ, Քեզ եմ խնդրում։

3. Եվ հիմա Քո հավատքով կենդանի
Ապրում եմ ես այս երկրի վրա,
Դու ինձ մոտ ես, քան ավազը՝ ծովափին
Եվ թանկ ես, քան ջուրը՝ այրվողին։

Առանց Քեզ իմ կյանքն էլ ինձ պետք չէ,
Առանց Քեզ միայն մեղք եմ գործում,
Դու ես միայն ուրախությունն իմ հոգու,
Եղի՛ր միշտ ինձ հետ, Քեզ եմ խնդրում։

[end:song]

[start:song]

530

1. Եվ Աստված այնպես աշխարհը սիրեց,
Որ Իր միածին Որդուն տվեց,
Քեզ համար զոհեց, որ դու չկորսվես,
Ապրես Նրա կյանքով հավիտյան։

Աստված սեր է անսահման,
Չկա ուրիշը Նրա նման։ (2)

2. Քեզ հետ է միշտ, չի լքի Նա քեզ,
Քո կողքին է Նա, Նա սիրում է քեզ,
Նայի՛ր Նրան և դու կտեսնես՝
Սեր է Աստված, սեր է անսահման։

Աստված սեր է անսահման,
Չկա ուրիշը Նրա նման։ (4)

[end:song]

[start:song]

345

1. Փառք ու պատիվ Քեզ, ո՛վ Հայր իմ Աստված,
Քո փառավոր շնորհքի համար,
Որդուդ արյունով ես Դու ինձ փրկել`
Քո կամքի հաճության համար։

      Փա՜ռք Քեզ, ի՛մ Հայր, փա՜ռք Քեզ, Որդի՛,
      Եվ փառք Քեզ, օրհնյալ Սուրբ Հոգի։

2. Վեհ սիրուդ համար օրհնում եմ Քեզ, Տե՛ր,
Որ խաչի վրա մեզ ցույց տվիր,
Երկնքից իջար, մեղքերս քավեցիր,
Մեզ համար անձդ զոհեցիր։

3. Փառք Քո զորությանն, օրհնյալ Սուրբ Հոգի,
Որով իմ կյանքը փոխեցիր։
Վերստին ծնունդ ինձ պարգևելով՝
Իմ սրտի մեջ բնակվեցիր։

4. Գովքդ երգում եմ, քանզի բարի ես
Քո բոլոր սուրբերի համար
Եվ ոչ մի բարիք Դու չես խնայում,
Տե՛ր, Քեզ սիրողների համար։

[end:song]

[start:song]

285

1. Գնում եմ ես Հիսուսիս տես,
Որ երկնքում լույս է հագել,
Հոր աջ նստած` բարեխոս է,
Սուրբի համար լույս փարոս է:

Երկրի վրա ճամփաս փուշ է,
Բայց Քեզ գալը շատ անուշ է,
Խիստ է ծակում փուշն աշխարհի,
Ո՜վ Սուրբ Հոգի, Դու ինձ պահիր:

2. Հենվեմ վեմիդ, քաշեմ լուծս,
Դու ես միայն Տերս, հույսս,
Հալածանքը սիրով տանեմ,
Հալածողիս սիրեմ, ներեմ:

Երկրի վրա ճամփաս փուշ է,
Բայց Քեզ գալը շատ անուշ է,
Խիստ է ծակում փուշն աշխարհի,
Ո՜վ Սուրբ Հոգի, Դու ինձ պահիր:

3. Տե՜ր, ինձ դու տո՛ւր կարողություն,
Տանջանքի մեջ՝ համբերություն,
Ների՛ր գործած սխալներս,
Դու ներող ես, ներո՛ղ Տերս:

Երկրի վրա ճամփաս փուշ է,
Բայց Քեզ գալը շատ անուշ է,
Խիստ է ծակում փուշն աշխարհի,
Ո՜վ Սուրբ Հոգի, Դու ինձ պահիր:

4. Դու ինձ գտար ու գրկեցիր,
Սեր, կյանք ու հույս շնորհեցիր,
Սիրո թևով ելնում եմ վեր,
Փարվում եմ Քեզ, իմ Տեր, իմ սեր:

Երկրի վրա ճամփաս փուշ է,
Բայց Քեզ գալը շատ անուշ է,
Խիստ է ծակում փուշն աշխարհի,
Ո՜վ Սուրբ Հոգի, Դու ինձ պահիր:

[end:song]

[start:song]

699
1. Տե՛ս, որքա՜ն բարի է, որքան ցանկալի,
Երբ եղբայրք իրար հետ մեկտեղ բնակին:

Ազնիվ յուղի պես է մեր գլխի վրա,
Որ վայր է թափվում Ահարոնի վրա:

2. Հերմոնի շաղի պես, որ վայր է գալիս,
Որ վայր է գալիս Սիոնի վրա:

Այնտեղ Տերն պատրաստեց
Օրհնություն և կյանք
Մինչև հավիտյան (2):
Ազնիվ յուղի պես է մեր գլխի վրա,
Օրհնություն և կյանք
Մինչև հավիտյան:

[end:song]