16.04.2026

[start:song]

224
1. Աչքերս եմ բացել Քրիստոսի խաչի տակ
Ու թափել արցունքներ մեղքերի թողության:
Նայվածքդ լռին աչքերիս մեջ սուզվում,
Ասում է՝ սիրելիս, զղջումդ եմ ուզում։

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

2. Աշխարհում այս մեծ չգտա մի դուռ,
Բարիք չհասավ այս կյանքում մի բուռ,
Մարդիկ չեն կարող վշտերս ամոքել,
Նրանցից հաճախ զրկանք եմ կրել։

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

3. Քո կյանքն ես կապել փշրված սրտիս հետ,
Անպտուղ անցած օրերին իմ խենթ,
Ահա մարում ես պարտքերն իմ բոլոր
Քո սուրբ արյունով, անմեղ արյունով:

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

4. Հիմա չեմ կարող առանց Քեզ ապրել
Ու Քեզնից հեռու ուրիշ սեր փնտրել,
Դու ես սկիզբը և վերջը իմ կյանքի,
Այս է լուծումը գալիք օրերի:

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

[end:song]

[start:song]

348

1. Զարմանալի գաղտնիք կա Քո սիրո մեջ,
Որ այս տկար մտքիս երբեք չի հասնում:
Քեզ մատնողին նույնպես առար սիրուդ մեջ,
Հրաշք սերդ ինչե˜ր, ինչե˜ր չի անում:

Հրաշք սեր է սերդ, Հիսո՜ւս, սիրելի՛ս,
Անհուն է ու աստվածային, պաշտելի՛ս:
Անմեկնելի սեր է սերդ իսկապես,
Թշնամուդ հետ սերդ ինչպե՞ս Դու կապես:

2. Ճանաչելով Քեզ մատնողին` սիրեցիր,
Նրան նույնիսկ Դու աշակերտ կարգեցիր:
Անհուն սիրով Դու նրան էլ սիրեցիր,
Ու մինչև վերջ այդ սիրո մեջ պահեցիր:

Հրաշք սեր է սերդ, Հիսո՜ւս, սիրելի՛ս,
Անհուն է ու աստվածային, պաշտելի՛ս:
Անմեկնելի սեր է սերդ իսկապես,
Թշնամուդ հետ սերդ ինչպե՞ս Դու կապես:

[end:song]

[start:song]

15

1. Թող ուրախ լինեն սրտերը մեր
Եվ գոհությունով լցված։
Հայրը կոչում է մեզ՝ որդիներ,
Իր Որդով ենք մենք փրկված։

Մենք ուրախ ենք (2)
Եվ ամեն օր ենք ուրախ,
Կյանքի ճանապարհը գեղեցիկ է,
Ուրեմն լինենք միշտ ուրախ։

2. Հայրն Իր ձեռքով տանում է մեզ,
Պատերազմում՝ պաշտպանում։
Նրա շնորհքը տալիս է մեզ
Ինչ որ պետք է մեր կյանքում։

Մենք ուրախ ենք (2)
Եվ ամեն օր ենք ուրախ,
Կյանքի ճանապարհը գեղեցիկ է,
Ուրեմն լինենք միշտ ուրախ։

3. Երբ Նրանից հեռանում ենք,
Խավարում է մեր շուրջը,
Այս ու այն կողմ տատանվում ենք,
Եվ տրտմում է մեր անձը։

Մենք ուրախ ենք (2)
Եվ ամեն օր ենք ուրախ,
Կյանքի ճանապարհը գեղեցիկ է,
Ուրեմն լինենք միշտ ուրախ։

4. Բայց «արդարները կծաղկեն»,
Չեն շեղվի ճանապարհից,
Թող Տիրոջը միշտ ծառայեն
Եվ հեռու մնան մեղքից։

Մենք ուրախ ենք (2)
Եվ ամեն օր ենք ուրախ,
Կյանքի ճանապարհը գեղեցիկ է,
Ուրեմն լինենք միշտ ուրախ։

[end:song]

[start:song]

202

1. Կյանքում ամենաանհրաժեշտ բաները
Մարդիկ փողի արժեքով չեն ձեռք բերում,
Ձրի է լուսավորում մեզ արևը,
Եվ լուսինը միշտ ձրի է մեզ ժպտում։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

2. Ձրի են մեր այգիներն ու դաշտերը
Հորդառատ անձրևով ջրվում երկնքից,
Թռչունների երգն ենք ձրի վայելում,
Երբ գովաբանում են նրանք Արարչին։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

3. Բայց այս է ամենաթանկագին բանը՝
Աստծո կողմից պարգևված մարդկությանը,
Հիսուսի հետ հավիտենական կյանքը
Եվ երկնային պարգևը երջանկության։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

4. Տե՛ս՝ ինչպես է Հիսուս երկնքից նայում
Եվ փայլում է ինչպես սիրո արևը:
Փողի արժեքով չեն մարդիկ ձեռք բերում
Կյանքում ամենաանհրաժեշտ բաները:

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

[end:song]

[start:song]

518
1. Փրկիչն Իր սերը թողեց իմ սրտում,
Գնաց երկինք, հոգիս է տրտում, (2)
Արի՜, կանչում եմ, շո՛ւտ արի,
Ես չեմ ապրի առանց Հիսուսի:
Արի՜, արի՜, ինձ մի՛ թողնի մեղքերին գերի։

2. Հոր աջում նստած` Բարեխոս է Նա,
Որ խոստացյալ Սուրբ Հոգին ինձ տա (2)։
Արի՜, կանչում եմ, Սո՛ւրբ Հոգի,
Տխուր եմ ես առանց Հիսուսի:
Արի՜, արի՜, ես չեմ ապրի առանց Հիսուսի։

3. Ու սպասում եմ ես` աչքս Քո ճամփին,
Որ Սուրբ Հոգով օծես ինձ, իմ Տե՛ր (2)։
Հիսո՜ւս, կանչում եմ` շուտ արի,
Որ նվաղած իմ հոգին ապրի:
Արի՜, արի՜, ինձ մի՛ թողնի աշխարհին գերի։

[end:song]

[start:song]

139
1. Քրիստոս թագավոր է սիրո, զորության,
Ճշմարտության շնորհքով օժտված հավիտյան,
Լի գութով պատրաստ է օգնելու հոժար,
Ուխտել էր Իր Հորը՝ փրկել մարդկության։
Մորթված Գառնուկը հաղթեց աշխարհին (3),
Աստծո Քրիստոսը՝ մեղքին ու մահին։

2. Սատանան սոսկում է, սարսափած փախչում,
Դևերը շփոթված՝ ահից զարհուրում,
Անհավատությունից դժոխքն է լցված,
Դատաստանի ահից տագնապի մատնված:
Ալելուիա՜, հաղթե՛ց Քրիստոսը մահին (3),
Ալելուիա՜, հաղթեց ցուրտ գերեզմանին:

3. Քնած մեղավորներ, ի՞նչ եք մտածում,
Տեսեք, թե աշխարհը ո՞ւր է ձեզ տանում,
Անհոգությունից էլ շատերը կորան
Եվ ունայն աշխարհից ոչինչ չտարան։
Ապաշխարե՛ք շուտով, շնորհք ստացեք, (3)
Ապաշխարե՛ք իսկույն, Տիրոջ մոտեցեք:

3. Մեր Տերը գալու է շուտով ամպերով,
Լուսո հրեշտակներով, սրբոց բանակով,
Աշխարհը կլցնի արդարությունով,
Կդատի ազգերը՝ ճշմարտությունով։
Ալելուիա՜, հաղթե՛ց Քրիստոսը մահին, (3)
Ալելուիա՜, հաղթեց ցուրտ գերեզմանին։

[end:song]