24.04.2025

[start:song]

517
1. Ո՞վ է, որ մեզ միշտ հսկում է
Հայրական սիրով,
Ո՞վ է, որ միշտ խրատում է
Իր Հոգու ձայնով։
Ներում է մեզ, երբ զղջում ենք,
Մխիթարում, երբ տխրում ենք:
Սեր է Նա (2) անսահման,
Ո՞վ է, ո՞վ է Նա։

Էմմանուել, Էմմանուելն է Նա՝
Աստված մեզ հետ է հավիտյան,
Փրկությունը՝ հոգիների կորուսյալ։
Ծնվեց խոստացյալ Մանուկը այն,
Որ Աստված մեզ հետ լինի հավիտյան,
Հոգիներիս, աչքերիս լույս լինի։

2. «Ողջույն քեզ, իմ լա՛վ բարեկամ,
Ես քեզ հետ եմ, կա՛մ,
Ճանաչի՛ր Իմ մահով գնված
Փրկության ճամփան։
Ձեռքդ տո՛ւր Ինձ, ի՛մ բարեկամ,
Հիշի՛ր, որ Ես եմ հավիտյան
Քո միակ Փրկիչն, Փրկիչն ու Տերը,
Նայիր՝ ով եմ Ես»։

Էմմանուել, Էմմանուելն է Նա՝
Աստված մեզ հետ է հավիտյան,
Փրկությունը՝ հոգիների կորուսյալ։
Ծնվեց խոստացյալ Մանուկը այն,
Որ Աստված մեզ հետ լինի հավիտյան,
Հոգիներիս, աչքերիս լույս լինի։

[end:song]

[start:song]

217

1. Եթե դժվարության հանդիպես
Կամ թե մարդկանցից արհամարհվես,
Ինչքան էլ ծանր վիճակ լինի,
Երբեք ոչ ոքի մի՛ մեղադրիր։

Եթե ծաղիկները թառամեն,

Եվ տերևները ծառից թափվեն,

Իսկ սրտումդ կրակը հանգչի,

Երբեք ոչ ոքի մի՛ մեղադրիր։

2. Թե էլ արևը քեզ չփայլի,
Եվ կյանքիդ օրերը խավարեն,
Եվ զգաս սառնություն սրտիդ մեջ,
Մի՛ մեղադրիր ոչ ոքի երբեք։

Թե ճամփիդ ծաղիկներ չլինեն,
Այլ միայն սուր քարեր հանդիպեն,
Իմ եղբա՛յր, այս խոսքը դու հիշիր.
Երբեք ոչ ոքի մի՛ մեղադրիր։

3. Եթե դու մենակ ես ու լքված,
Ինչպես ծովում նավը ջախջախված,
Էլ պիտանի չես ոչ մի բանի,
Դարձյալ ոչ ոքի մի՛ մեղադրիր։

Թե աչքերիցդ հորդ արցունք թափվի,
Ուրախության հույսը կտրվի,
Այս խոսքերը դու սրտիդ մեջ դի՛ր,
Երբեք ոչ ոքի մի մեղադրիր։

4. Թե նույնիսկ հարազատ ընկերդ
Եվ հանկարծ դրժի իր երդումը,
Քեզ մոռանա և սերը փոխի,
Նրան էլ դարձյալ մի՛ մեղադրիր։

Որովհետև Հիսուս Քրիստոսը
Ներում է բոլորիս մեղքերը,
Հայացքդ միայն Նրան ուղղի՛ր
Եվ Նրա նման դու էլ ների՛ր։

5. Թե ուզում ես երջանիկ լինել
Եվ մարդկանց օրինակ ծառայել,
Այդ դեպքում պետք է այսպես անել՝
Ամենից առաջ քեզ մեղադրել։

Քանզի Հիսուսը, մեզ սիրելով,
Մեր մեղքը Իր վրա վերցնելով,
Խաչի վրա մեզ համար զոհվեց,
Ինձ և քեզ թողություն պարգևեց։

[end:song]

[start:song]

464
1. Ժողովուրդն ենք մենք՝ սուրբ արյամբ գնված,
Մոտենանք Աստծո Գառին համարձակ,
Որ Գողգոթայում տառապանք տարավ,
Խաչվեց իմ և քո մեղքերի համար։

Արյան զորությամբ ունենք թողություն,
Արյան զորությամբ ունենք փրկություն,
Արյան զորությամբ էր, որ Գողգոթայում
Գառն Աստծո տարավ հաղթություն։

2. Մեր կյանքը փոխեց, Իրեն մոտեցրեց
Ու խաչի ճամփան Նա մեզ ցույց տվեց,
Որ նայենք Իրեն, հիշենք Գողգոթան,
Երբեք չհիշենք անցած հին ճամփան։

Արյան զորությամբ ունենք թողություն,
Արյան զորությամբ ունենք փրկություն,
Արյան զորությամբ էր, որ Գողգոթայում
Գառն Աստծո տարավ հաղթություն։

3. Անհուն փառք Իրեն՝ Աստծո Գառին,
Որ անգին արյամբ տվեց թողություն,
Մաքրեց մեղքերից ու ճերմակ արեց
Եվ էլ ավելի կյանք մեզ պարգևեց։

Արյան զորությամբ ունենք թողություն,
Արյան զորությամբ ունենք փրկություն,
Փառք և օրհնություն երգենք մեր Աստծուն,
Որ Իր Որդով տվեց մեզ հարություն։

[end:song]

[start:song]

16

1. Մեր լավագույն օրերն անգին
Եվ զորեղ, թարմ ուժերն մարտական
Մենք կզոհենք Տեր Հիսուսին՝
Որպես նվեր պատվական, պատվական։
Ի՞նչն է այնքան մեզ հաճելի,
Քան Հիսուսին ծառայել,
Կյանքներս առողջ և սիրով լի
Տեր Հիսուսին նվիրել, նվիրել։

2. Լսո՞ւմ ես, մեզ Նա կանչում է,
Զոհվելու ժամ, եղբարք, արդ հնչեց,
Հապաղելու ժամանակ չէ,
Տե՛ս, Նա մեզ կյանք պարգևեց, պարգևեց։
Եղբարք, պահենք վեր մեր դրոշը
Անվամբ անհաղթ մեր Փրկչի,
Թող այրի Սուրբ Հոգու կրակ
Զոհերն մեր ի սեր խաչի, սեր խաչի։

3. Հիսուսով մենք միշտ համարձակ
Մեղքի դեմ շարունակ պիտ կռվենք,
Կորչում են, տես, բազում մարդիկ,
Բարի լուր նրանց հաղորդենք, հաղորդենք։
Թող սպառնա մեզ դաժան մահ,
Մեռնելուց չենք սարսափի,
Մեր երգերով թշնամուն՝ ահ,
Կստիպենք մենք՝ շուտ փախչի, շուտ փախչի։

[end:song]

[start:song]

420

1. Կապուտակ երկինք՝ բյուրեղյա, մաքուր,
Քեզ եմ նվիրում իմ հոգին թաքուն,
Տառապանք ու հոգս մոռացած հեռվում`
Քո գիրկն եմ գալիս կարոտովդ լի։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

2. Աստղաշուք երկինք, դու՝ հրաշք լուսե,
Կերտված ես Աստծո հանճարով վսեմ,
Իմ երազներով քո գիրկն եմ թևում՝
Թողած հին կյանքի տենչերը նսեմ։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

3. Ես լսում եմ միշտ շշունջդ բարի,
Զգում եմ ամոքող շունչդ իմ սրտում.
Քո սպասումով չեմ լինի տրտում,

Կլինեմ հավետ Աստծո գրկում։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

[end:song]

[start:song]

15

1. Թող ուրախ լինեն սրտերը մեր
Եվ գոհությունով լցված։
Հայրը կոչում է մեզ՝ որդիներ,
Իր Որդով ենք մենք փրկված։

Մենք ուրախ ենք (2)
Եվ ամեն օր ենք ուրախ,
Կյանքի ճանապարհը գեղեցիկ է,
Ուրեմն լինենք միշտ ուրախ։

2. Հայրն Իր ձեռքով տանում է մեզ,
Պատերազմում՝ պաշտպանում։
Նրա շնորհքը տալիս է մեզ
Ինչ որ պետք է մեր կյանքում։

Մենք ուրախ ենք (2)
Եվ ամեն օր ենք ուրախ,
Կյանքի ճանապարհը գեղեցիկ է,
Ուրեմն լինենք միշտ ուրախ։

3. Երբ Նրանից հեռանում ենք,
Խավարում է մեր շուրջը,
Այս ու այն կողմ տատանվում ենք,
Եվ տրտմում է մեր անձը։

Մենք ուրախ ենք (2)
Եվ ամեն օր ենք ուրախ,
Կյանքի ճանապարհը գեղեցիկ է,
Ուրեմն լինենք միշտ ուրախ։

4. Բայց «արդարները կծաղկեն»,
Չեն շեղվի ճանապարհից,
Թող Տիրոջը միշտ ծառայեն
Եվ հեռու մնան մեղքից։

Մենք ուրախ ենք (2)
Եվ ամեն օր ենք ուրախ,
Կյանքի ճանապարհը գեղեցիկ է,
Ուրեմն լինենք միշտ ուրախ։

[end:song]