29.04.2025

[start:song]

193

1. Մի՞թե գնում ես՝ Քրիստոսին չընդունած,
Որ խավարի մեջ դու քայլես,
Աստծո փրկությունը դու անարգած,
Շնորհքը Նրա չընդունած։

Մի՞թե գնում ես,
Մի՞թե հեռանում,
Մի՞թե գնում ես՝
Քրիստոսին մերժելով.
Մի՞թե գնում ես։

2. Մի՞թե գնում ես, բայց կարող ես հիմա
Հիսուս Քրիստոսին ընդունել,
Նա քեզ կլինի հավատարիմ եղբայր,
Թե սերը Նրա հասկանաս։

Մի՞թե գնում ես,
Մի՞թե հեռանում,
Մի՞թե գնում ես՝
Քրիստոսին մերժելով.
Մի՞թե գնում ես։

3. Հիսուս քեզ համար Իր կյանքը տվեց,
Որ քեզ խավարից ազատի
Եվ մի հրաշալի աղբյուր Նա բացեց,
Որով խիղճդ կմաքրվի։

Մի՞թե գնում ես,
Մի՞թե հեռանում,
Մի՞թե գնում ես՝
Քրիստոսին մերժելով.
Մի՞թե գնում ես։

[end:song]

[start:song]

218

1. Եղի՛ր ներող, օրհնի՛ր քեզ հալածողներին,
Չարին հաղթիր սուրբ շողերով բարու
Եվ աներեր քայլիր ճամփով ներողների,
Քանզի Գողգոթայի լույսն է վառվում։

2. Եղի՛ր ներող, ներումը մեծ հաղթություն է,
Իսկ վրեժը՝ անզորության նշան,
Չներելը Աստծո դեմ թշնամություն է,
Անզեղջ սրտով կգնաս կորստյան:

3. Ներել սովորի՛ր այնպես, ինչպես շնչում ես,
Ինչպես ջուրն ես խմում, հացն ես ուտում,
Քանզի այն ժամանակ Աստված կլսի քեզ,
Երբ սրտիդ մեջ ներման լույսն է վառվում։

4. Եղի՛ր ներող, ներող` ոչ միայն խոսքերով,
Հապա ամբողջ հոգով և էությամբ,
Այդ ներումը ծնվում է սրտերում սիրող
Գիշերային աղոթքի հաղթությամբ։

5. Եղի՛ր ներող, ներման մեջ ուրախություն կա,
Մեծահոգությունն սպեղանի է,
Սուրբ արյունով բոլորի համար ներում կա,
Եվ ներողներին Աստված ներում է։

[end:song]

[start:song]

230
1. Մեր մեջ ամեն ինչ նոր է արդեն,
Սուրբ է, գեղեցիկ, հասարակ,
Հիսուսն է խոսում մեր նոր սրտից
Ու մեզ միշտ տալիս հաղթանակ:
Լսո՞ւմ եք, բախում է ձեր սիրտը, քար սիրտը,
Մեր Տերը Իր սիրո մուրճով,
Որ բացեք, որ բացեք ձեր սիրտը, քար սիրտը,
Եվ Տերը մտնի Իր փառքով:

2. Սիրով է տարել Տերն Իր խաչը
Եվ մեզ պատվիրել խաչ տանել,
Լսո՞ւմ եք, լսո՞ւմ եք Իր կանչը.
«Եկե՛ք ինձ, ինչո՞ւ եք կանգնել»:
Դե գնա՛, դե գնա՛, մի՛ կանգնիր, խե՛ղճ հոգի,
Բաց է գիրկն օրհնյալ Հիսուսի,
Հիշի՛ր, որ սիրում է, ներում է քեզ, հոգի՛,
Վստահի՛ր Քեզ կանչող Փրկչիդ:

3. Ուզում եմ վստահել Քեզ, ի՛մ Տեր,
Բայց չի հերիքում հավատքս,
Փրկի՜ր ինձ, փոխի՛ր ինձ, ի՛մ Հիսուս,
Գիտեմ՝ ձեռքումդ է իմ կյանքը:
Գալիս եմ, գալիս եմ, ձեռքդ տո՛ւր, ի՛մ Հիսուս,
Եվ բուժի՛ր բազում վերքերս,
Լոկ Քեզ մոտ, լոկ Քեզ մոտ կլինեմ ես հանգիստ,
Մաքրի՛ր Դու նաև մտքերս:

4. Հոգուդ կրակը իմ մեջ վառի՛ր,
Թող ջերմանա սառը սիրտս,
Սուրբ Հոգուդ զորությամբ ինձ օգնիր՝
Անձս ուրացած խաչիդ գամ:
Դու օգնի՛ր, Դու օգնի՛ր, հարեհաս իմ Փրկի՛չ,
Հոգուդ զորությամբ ինձ օգնի՛ր,
Ինձ հույս տուր, ինձ լույս տուր, հավատք տուր ու սեր տուր
Գթառատ, առատ ի՛մ Հիսուս:

5. Ուզում եմ անվերջ Քեզ մոտ լինել,
Ոտքերիդ մոտից չհեռանալ,
Ուզում եմ սիրտս Քեզ նվիրել,
Եվ Քո սուրբ խորանը դառնալ:
Ընդունի՛ր իմ սիրտը, չար սիրտը, քար սիրտը,
Փոխի՛ր այդ սիրտը, նորը տո՛ւր,
Որ հոգուդ, Սուրբ Հոգուդ սուրբ սերը, իմ Հիսուս,
Սրտիս մեջ բացի սուրբ աղբյուր:

[end:song]

[start:song]

805
1. Օրերը այս կարճ թռչում են արագ,
Կյանքն այս նման է մի թելի բարակ:
Կյանքն այս նման է նաև սափորի,
Որ չի կոտրվել մոտը աղբյուրի:

Փնտրի՛ր դու Հիսուսին,
Նա քեզ կհայտնվի,
Կանչի՛ր Նրա անունը,
Նա է քո Թագավորը:
Բերանիդ խոսքերը,
Սրտիդ խորհուրդները
Նա կընդունի այսօր:

2. Թե որ այս կյանքում շատ հոգսեր անես,
Հագնելու համար դու մտահոգվես,
Դաշտի շուշանը երբեք չի մանում,
Նայի՛ր, թե Աստված ինչպես է հագցնում:

Փնտրի՛ր դու Հիսուսին,
Նա քեզ կհայտնվի,
Կանչի՛ր Նրա անունը,
Նա է քո Թագավորը:
Բերանիդ խոսքերը,
Սրտիդ խորհուրդները
Նա կընդունի այսօր:

3. Միտք առե՛ք, մարդի՛կ, ո՛վ դուք անցորդներ,
Ինչո՞ւ են ձեզ պետք այդքան շատ բաներ,
Երկնքում այնքան շատ թռչուններ կան,
Չեն ցանում երբեք, չունեն շտեմարան:

Փնտրի՛ր դու Հիսուսին,
Նա քեզ կհայտնվի,
Կանչի՛ր Նրա անունը,
Նա է քո Թագավորը:
Բերանիդ խոսքերը,
Սրտիդ խորհուրդները
Նա կընդունի այսօր:

[end:song]

[start:song]

257

1. Ո՜վ սուրբ Արարիչ, Քո եկեղեցում
Իմ թշվառ հոգուն կյանք ես պարգևում,
Քրիստոնյա եմ, արդ հոգիս է ցնծում,
Ամբողջ երկրի վրա իմ երգն է հնչում։

Երբ Քո մեջ եմ ես,
Իմ մեջ ես, Տե՛ր, Դու,
Երբ Քեզ հետ եմ ես,
Ինձ հետ ես, Տե՛ր, Դու։

2. Տեր Հիսուսը այս կյանքի պայքարում
Ամեն մի քայլում ինձ է ուղեկցում,
Իսկ ճանապարհին, թե հանկարծ հոգնեմ,
Այնժամ այս ծանոթ երգը կերգեմ։

Երբ Քո մեջ եմ ես,
Իմ մեջ ես, Տե՛ր, Դու,
Երբ Քեզ հետ եմ ես,
Ինձ հետ ես, Տե՛ր, Դու։

3. Երբ Քեզ համար, Տե՛ր, ինձ դատապարտեն,
Թեկուզ անծանոթ ափեր ուղարկեն,
Գիտեմ` այնտեղ էլ Քեզ կվայելեմ,
Հեռավոր երկրում այս երգը կերգեմ։

Երբ Քո մեջ եմ ես,
Իմ մեջ ես, Տե՛ր, Դու,
Երբ Քեզ հետ եմ ես,
Ինձ հետ ես, Տե՛ր, Դու։

4. Հիսուսն է իմ մեջ, ուրախ եմ որքան,
Ես՝ հոգով Նրան կապված հավիտյան,
Արդ քրիստոնյա եմ, մենակ չեմ կյանքում,
Ամբողջ երկրի վրա իմ երգն է հնչում։

[end:song]

[start:song]

160

1. Մեղքի մեջ եմ ես ապրել,
Վիշտ ու ցավ եմ միշտ կրել,
Չեմ իմացել հավիտենության մասին։
Բայց Հիսուսը գտավ ինձ,
Ազատեց կապանքներից,
Լի եմ հիմա ուրախությամբ երկնային։

Ես ազատ եմ (3)

Կապանքներից ու մեղքից։

Բայց Հիսուսը գտավ ինձ,

Ազատեց կապանքներից,

Լի եմ հիմա ուրախությամբ երկնային։

2. Հոգին սովորեցնում է,
Եվ Աստծո Խոսքն ասում է,
Որ Հիսուսը կյանք է տալիս բոլորին,
Երկնքից Աստծո սերը
Եվ Սուրբ Հոգու կրակը
Ուղարկում է հոգով տկար թույլերին։

Աստծո սերը (3)

Ուղարկում է բոլորին։

Երկնքից Աստծո սերը

Եվ Սուրբ Հոգու կրակը

Ուղարկում է հոգով տկար թույլերին։

3. Եթե տկար ես հոգով,
Նրան դիմի՛ր աղոթքով,
Նա կվերցնի քո տկարությունները,
Իսկ մարմինը, թե տանջվի`
Բժշկություն կգտնի,
Միայն Հիսուսով է բժշկությունը։

Սուրբ արյունը (3)

Բուժում է քո վերքերը։

Իսկ մարմինը, թե տանջվի

Բժշկություն կգտնի,

Միայն Հիսուսով է բժշկությունը։

4. Տե՛ս, թզենին ծաղկել է,
Շուտով Տերը գալու է,
Որ աշխարհից տանի իր հարսնացուին,
Որ ցավերին վերջ լինի,
Մեծ ուրախություն լինի,
Դիմավորելու պատրա՞ստ ես Հիսուսին։

Դու պատրա՞ստ ես (3)

Թողնելու այս աշխարհը,

Որ ցավերին վերջ լինի,

Մեծ ուրախություն լինի,

Դիմավորելու պատրա՞ստ ես Հիսուսին:

[end:song]