06.05.2025

[start:song]

224
1. Աչքերս եմ բացել Քրիստոսի խաչի տակ
Ու թափել արցունքներ մեղքերի թողության:
Նայվածքդ լռին աչքերիս մեջ սուզվում,
Ասում է՝ սիրելիս, զղջումդ եմ ուզում։

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

2. Աշխարհում այս մեծ չգտա մի դուռ,
Բարիք չհասավ այս կյանքում մի բուռ,
Մարդիկ չեն կարող վշտերս ամոքել,
Նրանցից հաճախ զրկանք եմ կրել։

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

3. Քո կյանքն ես կապել փշրված սրտիս հետ,
Անպտուղ անցած օրերին իմ խենթ,
Ահա մարում ես պարտքերն իմ բոլոր
Քո սուրբ արյունով, անմեղ արյունով:

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

4. Հիմա չեմ կարող առանց Քեզ ապրել
Ու Քեզնից հեռու ուրիշ սեր փնտրել,
Դու ես սկիզբը և վերջը իմ կյանքի,
Այս է լուծումը գալիք օրերի:

Ի՞նչ իմանայի, որ փնտրում ես ինձ
Ու միացնում ես բաժան սրտերին,
Հիմա փակ սրտիս փեղկերն եմ բացում
Ու խաչիդ առջև սիրտս դատարկում։

[end:song]

[start:song]

770

1. Ո՜վ փառավոր, բարձրյալ Աստված,
Ահա Քո առջև եմ կանգնած.
Աղաչում եմ, որ ինձ ներես,
Մեղքերիս թողություն շնորհես:

Այն արյունը, որ թափել ես
Գողգոթայում Դու ինձ համար,
Կարող է ջնջել մեղքերս,
Կարող է բուժել վերքերս:

2. Այս կյանքում ուզում եմ մեկ բան,
Որ լինես ինձնից անբաժան,
Որ էլ չմոտենա չարը,
Ու չաղտոտի հոգուս տունը:

Այն արյունը, որ թափել ես
Գողգոթայում Դու ինձ համար,
Կարող է ջնջել մեղքերս,
Կարող է բուժել վերքերս:

3. Ես միայն Քեզ եմ հրավիրում,
Իմ սրտում Քեզ եմ սպասում,
Արի և մեծ ընթրիք արա,
Իմ սրտում հավիտյան մնա:

Այն արյունը, որ թափել ես
Գողգոթայում Դու ինձ համար,
Կարող է ջնջել մեղքերս,
Կարող է բուժել վերքերս:

[end:song]

[start:song]

426

1. Այդ ի՜նչ խաղաղ աչքեր ունես,
Իմ ճերմակ աղավնի,
Դու օրհնություն բերիր տունս,
Իմ սպիտակ աղավնի։

Սեր բերեցիր երկնքից՝
Տեղ գտնելով սրտիս մեջ,
Օրհնություն տվիր հոգուս,
Ինձ առար սիրուդ մեջ։

2. Փոխեցիր իմ բնությունը՝
Տալով ինձ նոր ծնունդ,
Մտար հոգուս խարխուլ տունը՝
Տալով ինձ նոր սնունդ։

Սեր բերեցիր երկնքից՝
Տեղ գտնելով սրտիս մեջ,
Օրհնություն տվիր հոգուս,
Ինձ առար սիրուդ մեջ։

[end:song]

[start:song]

67
1. Ո՜վ Հիսուս, ինձ մոտ արի,
Միշտ իմ առջևից քայլիր,
Ա՛ռ թևիդ տակ ամեն ժամ,
Իմ լավագույն Բարեկամ:

Որքա՜ն ծարավ եմ ես Քեզ,
Ի՜նչ անուշ է դեմքդ հեզ,
Աղաչում եմ Քեզ, Փրկիչ,
Առաջնորդիր ինձ ընդմիշտ։

2. Սրտիս դուռը չեմ բանա,
Ոչ ոքի էլ տեղ չկա,
Միայն Քո ներկայություն,
Ահա՝ իմ վառ ցանկություն։

Որքա՜ն ծարավ եմ ես Քեզ,
Ի՜նչ անուշ է դեմքդ հեզ,
Աղաչում եմ Քեզ, Փրկիչ,
Առաջնորդիր ինձ ընդմիշտ։

3. Միայն Քեզ եմ անվանում
Առաջնորդ ամեն բանում,
Տիրի՛ր սրտիս լիովին,
Խաչյալ Քրիստոս, Տեր անգին։

Որքա՜ն ծարավ եմ ես Քեզ,
Ի՜նչ անուշ է դեմքդ հեզ,
Աղաչում եմ Քեզ, Փրկիչ,
Առաջնորդիր ինձ ընդմիշտ։

[end:song]

[start:song]

314

1. Երբ ճանապարհ եմ դուրս գալիս,

Իմ առջևից ես Դու գնում

Եվ ճամփան ես ինձ ցույց տալիս

Ու չարիքից հեռու պահում։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

2. Երբ տխուր եմ, հույս ես տալիս,

Երբ հոգնած եմ՝ ինձ զորացնում,

Ծնողիցս շուտ ես գալիս

Ու ինձ օգնում ամեն հարցում։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

3. Դու իմ ճամփան ես միշտ հարթում,

Որ ոտքերս չառնեն քարին,

Եվ կյանքս ես ապահովում

Ու սիրալիր ժպտում բարի։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

4. Երբ հուսահատ արտասվում եմ,

Հույս ես տալիս, գոտեպնդում,

Երբ ծնկում եմ, փառաբանում,

Խոնարհվում ես, ինձ գուրգուրում:

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

5. Այնքա՜ն մեծ սեր ունես, Հիսո՛ւս,

Որ չեմ կարող խոսքով ասել,

Դու կորսված, օտար մեկիս

Քո սուրբերի հետ ես դասել։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

[end:song]

[start:song]

179

1. Երբ Տիրոջը մոտ ենք մենք,
Իր Հոգին է մեր մեջ,
Ուրախությամբ ցնծում ենք,
Իր Հոգին է մեր մեջ,
Մեզ Իր Հոգով լցնում է,
Իր Հոգին է մեր մեջ,
Սրտանց Իրեն պաշտում ենք,
Իր Հոգին է մեր մեջ։

Ալելուիա՜, Իր Հոգին է մեր մեջ։

Ալելուիա՜, Սուրբ հոգին է մեր մեջ։ (2)

2. Տերն է մեր Հովիվը,
Իր Հոգին է մեր մեջ,
Նա մեզ միշտ պահպանում է,
Իր Հոգին է մեր մեջ,
Արժանի է Նա փառքի,
Իր Հոգին է մեր մեջ,
Իր Սուրբ Հոգու զորությամբ
Իր Հոգին է մեր մեջ։

Ալելուիա՜, Իր Հոգին է մեր մեջ։

Ալելուիա՜, Սուրբ հոգին է մեր մեջ։ (2)

3. Նա է ճշմարիտ ճամփան,
Իր Հոգին է մեր մեջ,
Ուր որ առաջնորդում է,
Իր Հոգին է մեր մեջ,
Արժանի է գոհության,
Իր Հոգին է մեր մեջ,
Իր անունը մեծարենք,
Իր Հոգին է մեր մեջ

Ալելուիա՜, Իր Հոգին է մեր մեջ։

Ալելուիա՜, Սուրբ հոգին է մեր մեջ։ (2)

[end:song]