26.05.2026

[start:song]

554
1. Քեզ եմ փափագում, Հիսո՛ւս, իմ Փրկիչ,
Կարոտ եմ Քո ներկայության,
Իբրև պատարագ անձս եմ բերում
Ու սպասում Քո այցելության։

Փշրի՛ր այս իմ քարեղեն սիրտը,
Ո՜վ Աստված, խոսքիդ մուրճով,
Ազատվեմ մեղքի կապանքներից,
Որ նորոգվեմ Քո Սուրբ Հոգով։

2. Ծոմ ու աղոթքով միշտ աղաչում եմ,
Որ նմանվեմ Քեզ, ո՛վ Հիսուս,
Քեզ ճանաչելու գիտության հուրը
Պարգևում է իմ կյանքին լույս։

Փշրի՛ր այս իմ քարեղեն սիրտը,
Ո՜վ Աստված, խոսքիդ մուրճով,
Ազատվեմ մեղքի կապանքներից,
Որ նորոգվեմ Քո Սուրբ Հոգով։

3. Հաղթել մարմնին Քո հաճությունն է
Իմ ներսի պատերազմի մեջ,
Ընկճել «ես»-ը Քո շնորհքով է,
Որ հոգիս ապրի կամքիդ մեջ։

Փշրի՛ր այս իմ քարեղեն սիրտը,
Ո՜վ Աստված, խոսքիդ մուրճով,
Ազատվեմ մեղքի կապանքներից,
Որ նորոգվեմ Քո Սուրբ Հոգով։

[end:song]

[start:song]

668

1. Օրհնված ջուրն է իջնում երկնքից
Անապատ ու չոր դաշտերի վրա, դաշտերի վրա:
Տիրոջ արյունն է սուրբ երակներից
Հոսում մեր բազում մեղքերի վրա, մեղքերի վրա:

Չոր անապատը պարտեզ է դառնում
Ու լցվում ծաղկանց անուշիկ բույրով,
Իսկ մենք, սրբված մեղքերից բազում,
Տիրոջ ոտքերն ենք թրջում արցունքով:

2. Երկնքից իջած Ջուրը Խոսքն է՝
Ուղարկված կյանքի և հոգու համար, և հոգու համար,
Իսկ Տիրոջ բացված խորը վերքերը
Բալասան են մեր վերքերին բացված:

Չոր անապատը պարտեզ է դառնում
Ու լցվում ծաղկանց անուշիկ բույրով,
Իսկ մենք, սրբված մեղքերից բազում,
Տիրոջ ոտքերն ենք թրջում արցունքով:

[end:song]

[start:song]

525

1. Երկինքը Աստծո փառքը կպատմե,
Օ՜, լույս կուտա,
Անոր ձեռքերու գործը կցուցնե,
Օ՜, լույս կուտա։

Օ՜, լույս կուտա,
Աչքերուս լույս կուտա,
Ինչպես որ լույսը խավարին մեջ,
Իմ սրտիս լույս կուտա։

2. Տերոջ օրենքը կատարյալ է՝
Հոգիս կնորոգե,
Վկայությունները ճշմարիտ են,
Զիս իմաստուն կընեն։

Օ՜, լույս կուտա,
Աչքերուս լույս կուտա,
Ինչպես որ լույսը խավարին մեջ,
Իմ սրտիս լույս կուտա։

3. Քու կանոններդ շիտակ են,
Սիրտս ուրախ կընեն,
Քու պատվիրանքներդ պայծառ են,
Աչքերուս լույս կուտան։

Օ՜, լույս կուտա,
Աչքերուս լույս կուտա,
Ինչպես որ լույսը խավարին մեջ,
Իմ սրտիս լույս կուտա։

4. Քու խոսքդ իմ ոտքերուս ճրագ է,
Շավիղներուս՝ լույս,
Իմաստուն ըրե քու ծառայիդ՝
Բոլոր սրտով գործեմ։

Օ՜, լույս կուտա,
Աչքերուս լույս կուտա,
Ինչպես որ լույսը խավարին մեջ,
Իմ սրտիս լույս կուտա։

[end:song]

[start:song]

399

1. Փառքն ու պատիվը Աստծուն վայել են.
Ամեն օրհնության ակն ու աղբյուրն է:
Բոլոր բարիքներն Իր ձեռքեն կառնենք
Եվ Աստծուն մենք միշտ կփառավորենք:
Անբավ զորություն և արքայություն,
Մեծություն և փառք հավիտենական,
Ամենաօրհնյալ փառքի Թագավոր,
Փառք ու պաշտամունք, գովաբանություն:

Փառք (3), Հայր Աստծուն փառք,
Փառք (3), Աստծո Որդուն փառք,
Փառք (3) և Սուրբ Հոգուն փառք,
Փառք հավիտենից, հավիտյանս փառք:

2. Աստծո անունով դրոշակ վերցնենք,
Կյանքի լույսի մեջ համարձակ քայլենք,
Աստծու առջև ցնծությամբ երգենք
Եվ Աստծուն միշտ մենք կփառավորենք:
Օրհնեցե՛ք Աստծուն ամեն ժամանակ,
Օրհնե՛ք Սուրբ Հոգու հզոր զորությամբ,
Որդու անունից խնդրենք շարունակ
Վերին հանգստի արքայությունը:

Փառք (3), Հայր Աստծուն փառք,
Փառք (3), Աստծո Որդուն փառք,
Փառք (3) և Սուրբ Հոգուն փառք,
Փառք հավիտենից, հավիտյանս փառք:

[end:song]

[start:song]

151

1. Հիսուսի սերը մեծ է, անսահման,
Առատ հոսում է հորդ գետի նման,
Ինչպես զեփյուռ շոյում է մեր հոգին.
Խորն է ու լայն՝ սերը աստվածային։

Իսկ եթե չլիներ այդ սերը,
Չէր լինի և մեզ փրկություն,
Սերն է հավերժ կյանքի հույսը,
Որ գամվեց խաչին ու թափեց արյուն։

2. Նա մեզ սիրեց` դեռ Իրեն չիմացած,
Սիրեց և Իրեն հակառակ մարդկանց,
Ովքեր «խաչե՜լ, խաչե՜լ» էին գոչում,
Բայց Նա այսօր բոլորին է կանչում։

Իսկ եթե չլիներ այդ սերը,
Չէր լինի և մեզ փրկություն,
Սերն է հավերժ կյանքի հույսը,
Որ գամվեց խաչին ու թափեց արյուն։

3. Թե աշխարհի մարդիկ ա՛յս հասկանան՝
Աստծո սիրով է շնչում ամեն բան,
Կամ թե Աստված թողնի մեզ մի վայրկյան,
Բոլորս էլ անդարձ կերթանք կորստյան:

Իսկ եթե չլիներ այդ սերը,
Չէր լինի և մեզ փրկություն,
Սերն է հավերժ կյանքի հույսը,
Որ գամվեց խաչին ու թափեց արյուն։

4. Արի՛ շուտով, Նա քեզ է սպասում,
Իր մեղմ ձայնով սրտիդ դուռն է թակում,
Քար սիրտդ բա՛ց, չլինի` ուշանաս,
Ձրի փրկության սիրուց ետ մնաս։

Իսկ եթե չլիներ այդ սերը,
Չէր լինի և մեզ փրկություն,
Սերն է հավերժ կյանքի հույսը,
Որ գամվեց խաչին ու թափեց արյուն։

[end:song]

[start:song]

35

1. Երբ հնչե մեծ փողն վերջին,
Արձագանքեն երկիր, երկին,
Երբ կյանքիս րոպեք, ժամեր աստ սպառին,
Երբ ծագե մեծ արշալույս,
Եվ սուրբք համայն ի մի խմբվին,
Հայնժամ ես պիտ միանամ այն սուրբ խմբին։
Հայնժամ ես պիտ միանամ այն (4)
Սուրբ խմբին։

2. Լուսափայլ առավոտյան,
Երբ մեռյալներն հառնեն համայն,
Երբ բոլոր արդարք իրենց վարձքն ստանան,
Երբ ընտրյալ անմահ հոգիք
Շրջապատեն իրենց Արքան,
Ես էլ պիտ լինեմ խմբում այն սրբազան։
Ես էլ պիտ լինեմ խմբում այն (4)
Սրբազան։

3. Իմ բոլոր կյանք Քեզ պիտ տամ,
Հիսուս Փրկիչ, Դուն իմ Արքան,
Թող պատմե Քու սերդ լեզուն իմ անարժան,
Քեզ համար ապրեմ, խորհեմ, խոսեմ,
Գործեմ ես հարաժամ
Եվ ապա այն սուրբ խմբին գամ, միանամ։
Եվ ապա այն սուրբ խմբին գամ (4)
Միանամ։

4. Տե՛ր, իմս ես Դու հավիտյան,
Եվ ես էլ Քոնն եմ հարաժամ,
Ա՜խ, ցանկամ Քեզ մոտ ըլլալ հար, անբաժան,
Ցավք, հաճույք, հառաչք, ժպիտ,
Ինչ որ լինի միշտ իմ բաժին,
Գոհ եմ միշտ, երբ այն խմբին պիտ միանամ:
Գոհ եմ միշտ, երբ այն խմբին պիտ (4)
Միանամ:

[end:song]