04.06.2024

[start:song]

398

1. Տե՜ր, տո՛ւր ինձ այն հոգին,
Որով Հայր Աստծուն հնազանդվեցիր,
Տե՜ր, տո՛ւր ինձ այն հոգին,
Որով դեպի խաչ Դու գնացիր։

Ես ինչպե՞ս անեմ, որ Քեզ նմանվեմ,
Ո՜վ Հիսուս Քրիստոս, իմ Տեր,
Սուրբ խոսքովդ մաքրի՛ր իմ հոգին,
Ամենակարող Տեր։

2. Տե՜ր, տո՛ւր ինձ այն հոգին,
Որով հոգիներ Դու շահեցիր,
Տե՜ր, տո՛ւր ինձ այն հոգին,
Որով աշխարհին Դու հաղթեցիր։

Ես ինչպե՞ս անեմ, որ Քեզ նմանվեմ,
Ո՜վ Հիսուս Քրիստոս, իմ Տեր,
Սուրբ խոսքովդ մաքրի՛ր իմ հոգին,
Ամենակարող Տեր։

3. Տե՜ր, տո՛ւր ինձ այն հոգին,
Որով մեղավորը սիրեցիր,
Տե՜ր, տո՛ւր ինձ այն հոգին,
Որով մարդկությանը ներեցիր։

«Ուստի, ամեն ինչ, որ կամենում եք,
Թե ձեզ անեն մարդիկ,
Այնպես էլ դուք արեք նրանց,
Այնպես արեք նրանց»:

[end:song]

[start:song]

472

1. Որքա՜ն կուզեմ, օրհնյա՜լ Տեր իմ,
Փարվեմ Քո կրծքին,
Որ պատմեմ Քեզ ցավերս բոլոր,
Բացեմ սիրտը իմ։
     Բացատրես ինձ Քո սերն անհուն,
     Որ ես հասկանամ
     Եվ այս ունայն կյանքի մեջ
     Քեզ չմոռանամ։

2. Ձեռքերիդ մեջ է կյանքը իմ
Այնտեղ՝ երկնքում,
Ուր սուրբերն ու հրեշտակները
Քեզ են գովերգում։
     Թագավորի՛ր Դու իմ սրտում
     Երկնային փառքով,
     Որ ձգտի երկինք սիրտն իմ,
     Ապրեմ Քեզանով։

3. Ո՜վ Տեր, Դու շատ բարձրերում ես,
Բայց սրտով՝ խոնարհ,
Քո փառքը երկնքից վեր է,
Ու սերդ՝ անմար։
     Թագավորի՛ր Դու իմ սրտում,
     Լինեմ ես խոնարհ,
     Տեսնեմ սերդ իմ կյանքում,
     Ապրեմ Քեզ համար։

[end:song]

[start:song]

60

Փորձանքներու մեջ անհամար

Եվ փուշերու մեջ սրածայր

Խորհուրդ մ’անուշ կ’անցնե մտքես,

Թե Դուն զիս կհիշես։

Դուն, Տեր, զիս կհիշես, (2)

Ալ ի՞նչ վախնամ, երբ մոտ ես ինձ

Եվ, Տեր, զիս կհիշես։

Կյանքի հոգեր կուգան ուժգին՝

Մթագնելու տկար հոգին,

Կրնամ անոնց կուրծք պարզել ես,

Մինչ Դուն զիս կը յիշես։

Դուն, Տեր, զիս կհիշես, (2)

Ալ ի՞նչ վախնամ, երբ մոտ ես ինձ

Եվ, Տեր, զիս կհիշես։

Թող մութ ամպեր գան ու երթան,

Դժվար կամ հարթ ըլլայ ճամփան,

Հոգ չեմ ըներ, վստահ եմ ես,

Որ դուն զիս կհիշես։

Դուն, Տեր, զիս կհիշես, (2)

Ալ ի՞նչ վախնամ, երբ մոտ ես ինձ

Եվ, Տեր, զիս կհիշես։

[end:song]

[start:song]

28

1. Հիսուսն է հույսը սրտերի
Կյանքում այս ծանր ու դաժան,
Որոնց Նա սրբեց մեղքերից,
Երբ խաչվեց անմեղ ու արդար։
Սուրբ Հայրը Որդուն միածին
Զոհեց մեր փրկության համար։

Անցա՜ն տասնյակ դարեր խավար,

Մինչ Նա թափեց արյունը սուրբ,

Արյամբ գնեց մի ժողովուրդ,

Դարձավ նրա հույսը անմար։

2. Ով ճանաչեց Հոր սերը սուրբ,
Տենչում է նա սիրել անվերջ,
Սիրել անգամ արցունքի մեջ,
Սիրել սիրով Հիսուսի սուրբ,
Հալածողին ու թշնամուն
Սիրել, ինչպես Հիսուսը սուրբ։

Անցա՜ն տասնյակ դարեր խավար,

Մինչ Նա թափեց արյունը սուրբ,

Արյամբ գնեց մի ժողովուրդ,

Դարձավ նրա հույսը անմար։

3. Թող պարծենա աշխարհը չար,
Ինքն իր աչքին թվա ուժեղ,
Քո դեմ միայն ծուխ է, մղեղ,
Քամուց քշված` անզոր, անկար:
Պարծենում եմ քեզնով Հիսուս (2):

Անցա՜ն տասնյակ դարեր խավար,

Մինչ Նա թափեց արյունը սուրբ,

Արյամբ գնեց մի ժողովուրդ,

Դարձավ նրա հույսը անմար։

4. Ո՞վ կարող է մեզ բաժանել
Օրհնյալ Փրկչի սիրուց անհուն,
Մեզ չի կարող մահն էլ զատել,
Եվ ոչ մի ուժ՝ այս մութ կյանքում։
Հիսուսն է մեր վահանն անբեկ,
Նա է հոգին մեր ամոքում։

Անցա՜ն տասնյակ դարեր խավար,

Մինչ Նա թափեց արյունը սուրբ,

Արյամբ գնեց մի ժողովուրդ,

Դարձավ նրա հույսը անմար։

[end:song]

[start:song]

445

1. Հիշի՛ր քո Տեր Աստծուն
Քո երիտասարդ օրերում,
Եվ Նա քեզ կմխիթարի
Այս չար աշխարհի կյանքում։

Հիսուսն է վեմը փրկության,
Նա է վահանը հավատքի,
Տերն է արդարության ճամփան
Եվ սերը մեր կյանքի։

2. Ուզում ենք Քեզ մոտ, ո՛վ Տեր, գալ
Եվ Քեզանով ուրախանալ,
Մեր սիրտը Քեզ մենք նվիրենք
Եվ Քեզանով հավետ ապրենք։

Հիսուսն է վեմը փրկության,
Նա է վահանը հավատքի,
Տերն է արդարության ճամփան
Եվ սերը մեր կյանքի։

3. Եղի՛ր ներող, իմ հարազատ,
Ների՛ր քեզ վիրավորողին,
Սիրիր նրան, ինչպես որ Տեր
Հիսուս Քրիստոսը սիրեց քեզ։

Հիսուսն է վեմը փրկության,
Նա է վահանը հավատքի,
Տերն է արդարության ճամփան
Եվ սերը մեր կյանքի։

4. Այսուհետև հիշի՛ր մեկ բան,
Որ Աստված քեզ շատ է սիրում,
Ինչքան էլ նեղ թվա ճամփան,
Տերն է քեզ միշտ առաջնորդում։

Հիսուսն է վեմը փրկության,
Նա է վահանը հավատքի,
Տերն է արդարության ճամփան
Եվ սերը մեր կյանքի։

[end:song]

[start:song]

65

1. Հիսուսին միայն սրտումս պիտ ունենամ,
Հիսուսը միայն այնտեղ բնակի,
Իր սիրույն ոչ մի բան հավասար չկա,
Միայն Նրա մոտ հոգիս կհանգչի։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

2. Հիսուսը միայն ինձ մեղքից ազատեց,
Հիսուսը միայն ինձ բարիք արեց,
Նրա մեծ սերը իմ սիրտը կոտրատեց
Եվ ապա խաղաղության դեղ դրեց։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

3. Հիսուսին միայն կյանքս կպատկանի,
Նա՛ է իմ Փեսան և ես՝ հարս Նրա,
Միայն Նրա կամքը պիտի կատարեմ,
Եվ Նա սպիտակ հանդերձներ ինձ կտա։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

4. Հիսուսը միայն ինձ ուժ կպարգևե,
Երբ պատերազմի մեջ տկարանամ,
Նրա կենաց աղբյուրից ես կխմեմ
Կյանք և զորություն միշտ, ամեն անգամ։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

[end:song]