18.06.2024

[start:song]

110

1. «Ողորմե՜ ինձ, ողորմե՜ ինձ,
Ո՜վ Որդի Դավթի, Քրիստո՛ս»,-
Այսպես կաղաչեր ճամփուն վրա
Կույր, աղքատ Բարտիմեոս։

2. «Լո՛ւռ կեցիր»,- ըսին շատերը,
Սակայն ան աղաղակեց
Անհամբեր, մինչև որ Տերը
Զինք գութով իրեն կանչեց։

3. Չէր արծաթ անոր խնդրածը,
Թեպետ սովոր էր մուրալ,
Դավիթի Որդւոյն տվածը
Չէր կարող ուրիշ մը տալ։

4. «Տե՛ր, վերցո՛ւր այս կուրությունը,
Թող աչքերս բացվին»,- ըսավ։
Շուտ տեսավ իսկույն և ինքը
Հիսուսի ետևն ընկավ։

5. Որչա՜փ սիրտն հիմա լեցուն է,
Ամենուն ալ կխոսի,
Այս ողորմությունն անհուն է,
Ի՜նչ Փրկիչ զարմանալի։

6. Երանի՜ թե Անոր քովը
Կույրերուն ամենը գար,
Ինք, անշուշտ, անչափ շնորհքովը
Շուտ անոնց տեսնել կուտար։

[end:song]

[start:song]

251

1. Շատ անգամ է իմ նավակը
Ալեկոծության հանդիպել,
Սպառնացել է փոթորիկը
Իր ալիքներով ինձ ծածկել։
Թվացել է այս պայքարում,
Թե նավահանգիստ չեմ հասնի,
Կգտնեմ վախճանս ծովում,
Ծովի անդունդն օրրանս կլինի։

2. Եվ ամեն անգամ գալիս ես
Դու պարզապես ջրի վրայով,
Փոթորիկն հանդարտեցնում ես,
Հույս ես տալիս Քո հայտնվելով։
Փոխվում է իմ տրտմությունը
Ուրախության, խաղաղության,
Շողում է ջինջ հորիզոնը,
Թվում է՝ էլ չկա վտանգ։

3. Առջևում դեռ փոթորիկ կա,
Վտանգավոր է իմ ճամփան,
Խնդրում եմ, Տե՜ր, մի՛ հեռանա,
Ինձ հետ եղիր՝ ըստ Քո խոստման։
Այնժամ վստահ կլինեմ ես
Ապահովությանը ճամփիս,
Դրա երաշխիքը Քո սերն է,
Արդ, խնդրում եմ, ինձ հետ եղի՛ր։

[end:song]

[start:song]

16

1. Մեր լավագույն օրերն անգին
Եվ զորեղ, թարմ ուժերն մարտական
Մենք կզոհենք Տեր Հիսուսին՝
Որպես նվեր պատվական, պատվական։
Ի՞նչն է այնքան մեզ հաճելի,
Քան Հիսուսին ծառայել,
Կյանքներս առողջ և սիրով լի
Տեր Հիսուսին նվիրել, նվիրել։

[end:song]

[start:song]

158

1. Մանկության վաղ տարիներին՝
Կյանքի ուրախ շրջանում,
Մենք ձգտում ենք Տեր Հիսուսի
Պատվերը կատարելու։

Աստծո այգում գործի համար
Մենք պատրաստ ենք գործելու,
Օրը կարճ է, չծուլանանք,
Ժամանակ չէ քնելու։

2. Սիրենք անունը Հիսուսի,
Նրա մասին միշտ խոսենք,
Նրա ողորմությամբ երկնային
Մարդկանց փրկության կանչենք։

Աստծո այգում գործի համար
Մենք պատրաստ ենք գործելու,
Օրը կարճ է, չծուլանանք,
Ժամանակ չէ քնելու։

3. Մեր ուժերը նվիրելով
Մարդկանց փրկության համար,
Կյանքի լուծը հեշտացնելով՝
Տանենք սիրո աշխատանք:

Աստծո այգում գործի համար
Մենք պատրաստ ենք գործելու,
Օրը կարճ է, չծուլանանք,
Ժամանակ չէ քնելու։

[end:song]

[start:song]

343

1. Խոսքերդ վառ լույս են իմ ճամփին,
Ամեն օր կնորոգեն իմ հոգին,
Դեղ են թանկ, որ պետք են աչքերիս,
Ճերմակ հանդերձ, որ ծածկույթ է մեղքերիս։

Սուրբ Հոգի ազատության,
Կառաջնորդես դեպի նոր կյանք սրբության։
Սուրբ Հոգի ուրախության,
Կառաջնորդես դեպի նոր կյանք սրբության։

2. Բարի՛ Հովիվ, իմ սրբությո՛ւն, իմ փրկությո՛ւն,
Ջրի վտակ՝ չորացած իմ կյանքում,
Ծաղկեցնող՝ ամայի սիրտը իմ,
Կսիրես ինձ, կներես, Փրկի՛չ անգին։

Սուրբ Հոգի ազատության,
Կառաջնորդես դեպի նոր կյանք սրբության։
Սուրբ Հոգի ուրախության,
Կառաջնորդես դեպի նոր կյանք սրբության։

3. Ոտքերիդ տակ դնեմ կյանքը իմ,
Մաքրի՛ր ինձ աղտերից հանց ոսկին,
Երբ անցնեմ կրակով հալոցքի,
Կաղաչեմ Քեզ, առաջնորդի՛ր, Սո՛ւրբ Հոգի։

Սուրբ Հոգի ազատության,
Կառաջնորդես դեպի նոր կյանք սրբության։
Սուրբ Հոգի ուրախության,
Կառաջնորդես դեպի նոր կյանք սրբության։

[end:song]

[start:song]

170

1. Որքան որ կուզես լարված ուժերով
Աշխատել չարին հաղթել բարիով
Կամ ամուր կամքով ու համառորեն
Ջանալ նվաճել «եսդ» անօրեն:

Բայց եթե կուզես դառնալ միշտ արի,
Սուրբ ու հաղթական զինվոր դու բարի,
Հերոսի նման նահատակ պայքարի՝
Դու մեռի՛ր, Հիսուս թող մեջդ ապրի։ (2)

2. Ու եթե կուզես օրը յոթ անգամ
Աղոթքի կանգնել դու հոժարակամ,
Կամ թաց աչքերով անձդ չարչարել՝
Ճգնելով ինքդ քեզ մաքուր պահել։

Բայց եթե կուզես դառնալ միշտ արի,
Սուրբ ու հաղթական զինվոր դու բարի,
Հերոսի նման նահատակ պայքարի՝
Դու մեռի՛ր, Հիսուս թող մեջդ ապրի։ (2)

3. Կամքիդ հետ նաև ուժերդ բոլոր
Զենքեր են պատիր, փուչ ու մարմնավոր,
Եվ դու ինքնախաբ գերի ես անզոր,
Եվ դու ինքնախաբ գերի ես անզոր:

Բայց եթե կուզես դառնալ միշտ արի,
Սուրբ ու հաղթական զինվոր դու բարի,
Հերոսի նման նահատակ պայքարի՝
Դու մեռի՛ր, Հիսուս թող մեջդ ապրի։ (2)

[end:song]