18.06.2026

[start:song]

340

1. Հիսո՛ւս, Դու ես իմ սերը հավիտյան,
Դու ես հոգուս ընկերը անբաժան,
Քեզ եմ հանձնել իմ կյանքը հավիտյան,
Քեզ սիրող Քո եղբայրն եմ անարժան։

2. Ահա գահիդ առջև եմ, Աստված իմ,
Օգնիր՝ Քեզ նման սիրեմ բոլորին։
Ապրի՛ր իմ մեջ Քո կյանքով հաղթական,
Ինձ դարձրո՛ւ զինվորդ մարտական։

3. Առանց Քեզ կյանքս փուչ է, սիրելի՛ս,
Խնդրում եմ, Տե՛ր, ինձ օրհնիր երգելիս,
Խոսքդ լինի միշտ ինձնից անբաժան,
Հոգով լցրո՛ւ, թեկուզ եմ անարժան։

4. Կյանքս առջևդ լինի հաճելի,
Կյանք ունենամ ես և է՛լ ավելի,
Երբ կանչես ինձ՝ ապրելու կյանք ազատ,
Ասեմ` գալիս եմ, եղբա՛յր հարազատ։

[end:song]

[start:song]

272
1. Միայն Դու ես արժանի
Այս գիրքը վերցնելու
Ու նրա կնիքները բացելու,
Քանի որ Դու մորթվեցիր։

Ու մեզ արյունովդ գնեցիր
Աստծո համար (2)
Ամեն ցեղից, ամեն լեզվից,
Ժողովրդից ու ազգից։

2. Թագավորներ ենք մենք հիմա,
Հիմա մենք քահանաներ ենք
Ու երկրի վրա կթագավորենք,
Քանի որ Դու մորթվեցիր։

Ու մեզ արյունովդ գնեցիր
Աստծո համար (2)
Ամեն ցեղից, ամեն լեզվից,
Ժողովրդից ու ազգից։

[end:song]

[start:song]

116

1. Թանկագին րոպեներ է Աստված պարգևել.
Տեսնում ենք մեր քույր-եղբայրներին,
Եվ Հիսուսը մեզ հետ լինել է խոստացել,
Տանք մեր սրտերում տեղ Փրկչին։

2. Ի՜նչ հաճելի է ձեզ հետ Նրան խոնարհվել,
Աշխարհի հուզմունքներն մոռանալ,
Եվ ի՜նչ ուրախություն է Սուրբ Հոգով լցվել,
Երկինքն այս ժամին վայելել։

3. Մենք՝ Սիոնի ճամփորդներս ենք այստեղ հանգչում՝
Կենաց ջուր բխող աղբյուրի մոտ։
Թաբոր լեռն անցնելով՝ նոր ուժով կշարժվենք
Տիրոջ նեղ ճամփով քարքարոտ։

4. Քաղցր հանդիպման մեջ անտեսում ենք ահը
Եվ հսկա ժայռերը մեր ճամփի,
Զորացնում են մեզ մեր Աստծո խոսքերը,
Տանում վեր՝ դեպ նոր բարձունքի։

5. Տեր Հիսուսին հիմա ավելի մոտենանք,
Միշտ նայենք մեր կենդանի Վեմին,
Հավատքի վահանով և սիրո զրահով
Հետևենք Տիրոջ քայլերին։

[end:song]

[start:song]

63

1. Սրտիս մեջ կա անուշ երգ մ'այսօր,
Ուրախ կառնեմ իմ քայլերս բոլոր,
Գտած եմ մի Բարեկամ,
Որ առանձին չմնամ,
Խոստացած է իմ հետս ըլլալ ամեն օր։

Խոստացած է իմ հետս ըլլալ ամեն օր՝
Այս է երգս կյանքիս օրերը բոլոր,
Չարեն ինչո՞ւ ալ վախնամ,
Տերն ինծի մոտ երբ գիտնամ,
Խոստացած է իմ հետս ըլլալ ամեն օր։

2. Վստահությամբ ես հիմա կերգեմ,
Իր ճամփաներն արդար են, գիտեմ,
Ալ ես մինակ չեմ քալեր,
Զի Տերն կյանքիս է ընկեր,
Խոստացած է իմ հետս ըլլալ ամեն օր։

Խոստացած է իմ հետս ըլլալ ամեն օր՝
Այս է երգս կյանքիս օրերը բոլոր,
Չարեն ինչո՞ւ ալ վախնամ,
Տերն ինծի մոտ երբ գիտնամ,
Խոստացած է իմ հետս ըլլալ ամեն օր։

3. Իր շնորհքով պիտ հաղթանակ շահիմ,
Իր զորությամբ հաստատուն կայնիմ,
Փորձությունք երբ հարձակին,
Փրկչին անվամբ հաղթվին,
Խոստացած է իմ հետս ըլլալ ամեն օր։

Խոստացած է իմ հետս ըլլալ ամեն օր՝
Այս է երգս կյանքիս օրերը բոլոր,
Չարեն ինչո՞ւ ալ վախնամ,
Տերն ինծի մոտ երբ գիտնամ,
Խոստացած է իմ հետս ըլլալ ամեն օր։

[end:song]

[start:song]

566
1. Արարատ լեռան ձյունապատ սրտից
Հնչում է մի ձայն դարերի խորքից,
Մասիսի ծոցում մի սիրտ բաբախում,
Զարկում է անվերջ, հայ ազգին կանչում.

«Դարձե՛ք, ո՛վ հայեր ողջ Հայաստանի,
Ես Իմ տապանն եմ կանչում բոլորիդ,
Այսօր ներս մտեք իմ եկեղեցին,
Դարձե՛ք ողջ ազգով, ժամն է վերջանում»։

2. Արարատ լեռան կարոտած սրտից
Հայոց աշխարհ է թռչում աղավնին,
Ավետիս սրտում, ձիթենին կտցին՝
«Խաղաղությո՜ւն քեզ»,- ասելու հային:

«Դարձի՛ր, ազգս հայ, դարձի՛ր անվարան,
Արյուն, ջարդ, աղետ պիտի վերջանան,
Ես քեզ կլինեմ վահան ու պաշտպան,
Դարձի՛ր, քեզ կտամ խաղաղ Հայաստան»։

3. Արարատ լեռան թախանձոտ սրտից
Հային է ուղղված պատգամն երկնքից.
«Կանգնած թակում եմ դուռը քո սրտի,
Հայոց աշխարհն է նոր իջևանն Իմ:

Դարձի՛ր, ազգս հայ, Ես քեզ կդառնամ,
Մեղքերդ կներեմ, երկիրդ կբուժեմ,
Ես քեզ կսիրեմ միշտ և հավիտյան,
Ես քո Աստվածն եմ, Իմն ես, Հայաստա՛ն»։

[end:song]

[start:song]

315

1. Ահա ցուրտ ձմեռն է անցել,
Անձրևն է անհետացել,
Եկեղեցում գարնանային
Գեղեցիկ վարդեր են բացվել։
Զեփյուռը զով տաղ է երգում,
Երջանիկ հույս է ներշնչում,
Հիսո՛ւս, շուտով ե՛կ, անհամբեր
Քեզ ենք կանչում։ (2)

Ո՜վ Հիսուս Փրկիչ, շուտով ե՛կ,
Մենք Քեզ անչափ կարոտել ենք,
Մեզ տար երկինք՝ Քո խնջույքին,
Վայելենք սերդ երկնային։

2. Ահա եկեղեցին ծաղկել,
Սուրբ Հոգովդ է զարդարվել,
Սիրահարված է Քո սիրով,
Երգում է քաղցր տաղերով.
«Ո՛վ Տեր, ե՛կ շուտ կանաչ այգիդ,
Քաղի՛ր Քո վարդ եկեղեցին,
Զատի՛ր աշխարհի փշերից,
Որ հավետ երգենք Քեզ, Տե՜ր իմ»:

Ո՜վ Հիսուս Փրկիչ, շուտով ե՛կ,
Մենք Քեզ անչափ կարոտել ենք,
Մեզ տար երկինք՝ Քո խնջույքին,
Վայելենք սերդ երկնային։

3. Կարոտով ենք Քեզ սպասում`
Սուրբ Հայրենիք տանես Դու մեզ,
Հափշտակվենք ամպերով մենք,
Ապրենք Քեզ հետ դարեր անվերջ։
Գովենք սրբոց հետ երգերով,
Քնարներով, տավիղներով.
«Դու ես միայն Տեր, Թագավոր,
Սուրբ ես, սուրբ ես, Տեր փառավոր»։

Ո՜վ Հիսուս Փրկիչ, շուտով ե՛կ,
Մենք Քեզ անչափ կարոտել ենք,
Մեզ տար երկինք՝ Քո խնջույքին,
Վայելենք սերդ երկնային։

[end:song]