24.06.2025

[start:song]

191
1. Երբ Հիսուսին հավատացի,
Սկսած այն օրվանից,
Կյանք ստացա սքանչելի
Եվ փրկվեցի մահից։

Գիտեմ` ում եմ հավատացել
Եվ գիտեմ, որ կարող է Նա պահել,
Ավանդն իմ պահել
Ինձ համար մինչ օրը այն։

2. Հայտնի է ինձ Նրա սերը
Եվ կարողությունը,
Նրա թափած սուրբ արյունը
Եվ մեծ հաղթությունը։

Գիտեմ` ում եմ հավատացել
Եվ գիտեմ, որ կարող է Նա պահել,
Ավանդն իմ պահել
Ինձ համար մինչ օրը այն։

3. Պատրաստ եմ Նրա ձեռքերի մեջ
Ապրել և կամ մեռնել,
Ծաղիկ տա ինձ, թե փուշ անվերջ՝
Պատրաստ եմ ընդունել։

Գիտեմ` ում եմ հավատացել
Եվ գիտեմ, որ կարող է Նա պահել,
Ավանդն իմ պահել
Ինձ համար մինչ օրը այն։

4. Թեկուզ ամեն բան վերանա,
Աստված անսասան է։
Քո փառքը միշտ, Ամենակա՛լ,
Սրտանց պիտի երգեմ։

Գիտեմ` ում եմ հավատացել
Եվ գիտեմ, որ կարող է Նա պահել,
Ավանդն իմ պահել
Ինձ համար մինչ օրը այն։

[end:song]

[start:song]

324

1. Ու սրտիս անհուն թևերով խնդուն,
Աստվա՛ծ իմ, հոգով Քեզ փառաբանեմ,
Մտքիս թռիչքով, երազով սիրուն,
Աստվա՛ծ իմ, սրտով Քեզ փառաբանեմ։

Ու Քո փրկարար, Քո սրտի ձայնով
Կյանքիս ընթացքը ես Քեզ նվիրեմ։

2. Ու տկարության մեջ իմ այս խղճուկ
Վշտերովս անգամ Քեզ փառաբանեմ,
Եվ իմ հույսերի լույսերով ճախրուն
Աստվա՛ծ իմ, հոգով Քեզ փառաբանեմ։

Ու Քո փրկարար, Քո սրտի ձայնով
Կյանքիս ընթացքը ես Քեզ նվիրեմ։

3. Դու լույս ես հավետ, Դու՝ կյանքի աղբյուր,
Քո խաղաղությամբ ես գոտեպնդվեմ,
Օ՜, Դու փրկարար Հովիվ ինձ գտնող,
Քո գավազանով ես մխիթարվեմ։

Ու Քո փրկարար, Քո սրտի ձայնով
Կյանքիս ընթացքը ես Քեզ նվիրեմ։

[end:song]

[start:song]

197

1. Դու եկար այս աշխարհ
Եվ շուտով կգնաս,
Կյանք կունենաս միայն,
Թե սուրբ ճամփով գնաս։

Թեև անձրև, քամի

Խփեն քո աչքերին,

Բայց դու անվերջ փնտրի՛ր

Քեզ սիրող Քրիստոսին։

2. Նա կյանքում միակն է,
Որ կարող է լույս տալ,
Սրտիդ դուռը բացի՛ր
Եվ Տիրոջն ընդունի՛ր։

Թեև անձրև, քամի

Խփեն քո աչքերին,

Բայց դու անվերջ փնտրի՛ր

Քեզ սիրող Քրիստոսին։

3. Առանց Նրա չկա կյանք,
Կա լոկ ունայնություն,
Նա է տալիս միայն
Հոգուն հանգստություն։

Թեև անձրև, քամի

Խփեն քո աչքերին,

Բայց դու անվերջ փնտրի՛ր

Քեզ սիրող Քրիստոսին։

4. Ով չգիտի Նրան՝
Տառապանքի մեջ է,
Աստծո սիրով միայն
Մարդը երջանիկ է։

Թեև անձրև, քամի

Խփեն քո աչքերին,

Բայց դու անվերջ փնտրի՛ր

Քեզ սիրող Քրիստոսին։

[end:song]

[start:song]

63

1. Սրտիս մեջ կա անուշ երգ մ'այսօր,
Ուրախ կառնեմ իմ քայլերս բոլոր,
Գտած եմ մի Բարեկամ,
Որ առանձին չմնամ,
Խոստացած է իմ հետս ըլլալ ամեն օր։

Խոստացած է իմ հետս ըլլալ ամեն օր՝
Այս է երգս կյանքիս օրերը բոլոր,
Չարեն ինչո՞ւ ալ վախնամ,
Տերն ինծի մոտ երբ գիտնամ,
Խոստացած է իմ հետս ըլլալ ամեն օր։

2. Վստահությամբ ես հիմա կերգեմ,
Իր ճամփաներն արդար են, գիտեմ,
Ալ ես մինակ չեմ քալեր,
Զի Տերն կյանքիս է ընկեր,
Խոստացած է իմ հետս ըլլալ ամեն օր։

Խոստացած է իմ հետս ըլլալ ամեն օր՝
Այս է երգս կյանքիս օրերը բոլոր,
Չարեն ինչո՞ւ ալ վախնամ,
Տերն ինծի մոտ երբ գիտնամ,
Խոստացած է իմ հետս ըլլալ ամեն օր։

3. Իր շնորհքով պիտ հաղթանակ շահիմ,
Իր զորությամբ հաստատուն կայնիմ,
Փորձությունք երբ հարձակին,
Փրկչին անվամբ հաղթվին,
Խոստացած է իմ հետս ըլլալ ամեն օր։

Խոստացած է իմ հետս ըլլալ ամեն օր՝
Այս է երգս կյանքիս օրերը բոլոր,
Չարեն ինչո՞ւ ալ վախնամ,
Տերն ինծի մոտ երբ գիտնամ,
Խոստացած է իմ հետս ըլլալ ամեն օր։

[end:song]

[start:song]

88

1. Թափառական հոգիս,
Դադրե՛. այս աշխարհիս
Մեկ բևեռեն մինչև ի մյուսն
Հանգիստ չկա քեզի։

2. Տե՛ս Աստծո տապան,
Նայե՛ այն բաց դռան,
Շուտով մտի՛ր, հոն բնակե՛,
Ունայն հույսերդ ձգե՛։

3. Հանգիստ պիտի ըլլաս
Եվ շատ ուրախանաս,
Ամեն երջանկությամբ լեցվիս,
Տէրոջմով փրկվիս։

4. Ո՜վ անհանգիստ հոգիս,
Դադրե՛. այս աշխարհիս
Մեկ բևեռեն մինչև ի մյուսն
Հանգիստ չկա քեզի։

[end:song]

[start:song]

65

1. Հիսուսին միայն սրտումս պիտ ունենամ,
Հիսուսը միայն այնտեղ բնակի,
Իր սիրույն ոչ մի բան հավասար չկա,
Միայն Նրա մոտ հոգիս կհանգչի։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

2. Հիսուսը միայն ինձ մեղքից ազատեց,
Հիսուսը միայն ինձ բարիք արեց,
Նրա մեծ սերը իմ սիրտը կոտրատեց
Եվ ապա խաղաղության դեղ դրեց։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

3. Հիսուսին միայն կյանքս կպատկանի,
Նա՛ է իմ Փեսան և ես՝ հարս Նրա,
Միայն Նրա կամքը պիտի կատարեմ,
Եվ Նա սպիտակ հանդերձներ ինձ կտա։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

4. Հիսուսը միայն ինձ ուժ կպարգևե,
Երբ պատերազմի մեջ տկարանամ,
Նրա կենաց աղբյուրից ես կխմեմ
Կյանք և զորություն միշտ, ամեն անգամ։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

[end:song]