02.07.2026

[start:song]

106

1. Երբ մեղքերով էի մեռած,
Սիրտս ալ՝ մեջը մութին,
Իր խոսքովն լույս տվավ Աստված.
Արդ մեջս Քրիստոս կապրի։

Մեջս կապրի Քրիստոս, (2)
Ո՜հ, այս ի՜նչ մեծ փրկություն,
Որ մեջս կապրի Քրիստոս։

2. Արեգակի շողերն ինչպես
Կյանք տան ծաղկանց երկրի,
Լույս, կյանք, սեր ինձ տվավ այնպես
Քրիստոս, որ մեջս կապրի։

Մեջս կապրի Քրիստոս, (2)
Ո՜հ, այս ի՜նչ մեծ փրկություն,
Որ մեջս կապրի Քրիստոս։

3. Ծաղիկն սերմին մեջ է պահված,
Եվ կյանքն՝ հսկա ծառի,
Նույնպես օրհնյալ ըլլա Աստված,
Հոգին իմ մեջս կապրի։

Մեջս կապրի Քրիստոս, (2)
Ո՜հ, այս ի՜նչ մեծ փրկություն,
Որ մեջս կապրի Քրիստոս։

4. Ապրելու միշտ Իրեն նման
Սիրտս կարոտով վառի,
Խորհուրդներս ինձ ցնծում կուտան,
Որ մեջս Քրիստոս կապրի։

Մեջս կապրի Քրիստոս, (2)
Ո՜հ, այս ի՜նչ մեծ փրկություն,
Որ մեջս կապրի Քրիստոս։

[end:song]

[start:song]

445
1. Հիշի՛ր քո Տեր Աստծուն
Քո երիտասարդ օրերում,
Եվ Նա քեզ կմխիթարի
Այս չար աշխարհի կյանքում։

Հիսուսն է վեմը փրկության,
Նա է վահանը հավատքի,
Տերն է արդարության ճամփան
Եվ սերը մեր կյանքի։

2. Ուզում ենք Քեզ մոտ, ո՛վ Տեր, գալ
Եվ Քեզանով ուրախանալ,
Մեր սիրտը Քեզ մենք նվիրենք
Եվ Քեզանով հավետ ապրենք։

Հիսուսն է վեմը փրկության,
Նա է վահանը հավատքի,
Տերն է արդարության ճամփան
Եվ սերը մեր կյանքի։

3. Եղի՛ր ներող, իմ հարազատ,
Ների՛ր քեզ վիրավորողին,
Սիրիր նրան, ինչպես որ Տեր
Հիսուս Քրիստոսը սիրեց քեզ։

Հիսուսն է վեմը փրկության,
Նա է վահանը հավատքի,
Տերն է արդարության ճամփան
Եվ սերը մեր կյանքի։

4. Այսուհետև հիշի՛ր մեկ բան,
Որ Աստված քեզ շատ է սիրում,
Ինչքան էլ նեղ թվա ճամփան,
Տերն է քեզ միշտ առաջնորդում։

Հիսուսն է վեմը փրկության,
Նա է վահանը հավատքի,
Տերն է արդարության ճամփան
Եվ սերը մեր կյանքի։

[end:song]

[start:song]

420

1. Կապուտակ երկինք՝ բյուրեղյա, մաքուր,
Քեզ եմ նվիրում իմ հոգին թաքուն,
Տառապանք ու հոգս մոռացած հեռվում`
Քո գիրկն եմ գալիս կարոտովդ լի։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

2. Աստղաշուք երկինք, դու՝ հրաշք լուսե,
Կերտված ես Աստծո հանճարով վսեմ,
Իմ երազներով քո գիրկն եմ թևում՝
Թողած հին կյանքի տենչերը նսեմ։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

3. Ես լսում եմ միշտ շշունջդ բարի,
Զգում եմ ամոքող շունչդ իմ սրտում.
Քո սպասումով չեմ լինի տրտում,

Կլինեմ հավետ Աստծո գրկում։

Օ՜, անհուն երկինք, գեղեցիկ ես դու,
Աստծո սիրո պես խորն ես ու անծիր,
Վերցնեմ ես թևեր ու թռչեմ հեռու,
Գլուխս դնեմ Հիսուսի կրծքին։

[end:song]

[start:song]

534

1. Այս կարճ կյանքի մեջ ինձ համոզեցիր,
Որ Սեր ես անհուն, օրհնյալ Քրիստոս,
Եվ Քո կամքով էր, որ ինձ ընտրեցիր
Որպես Քեզ եղբայր, լուսե Քրիստոս։
Բարձրյալի Որդի, ինձ համոզեցիր,
Որ միայն Դու ես իմ Բարեկամը,
Առաջին օրից քիմքիս թողեցիր
Քաղցր խոսքերիդ մեղրաբույր համը։

2. Աստծո Որդի, ինձ համոզեցիր,
Որ միայն Դու ես տերերի Տերը,
Խավար սրտիս մեջ լույսդ վառեցիր
Ու ինձ ասացիր` հենց ես եմ Սերը։
Իմ խաչյալ Հիսո՛ւս, ինձ համոզեցիր
Անցնող աշխարհի ունայնությունը,
Մեղքերս առար, խաչիդ գամեցիր՝
Քեզ հետ բերելով մեծ հաղթությունը։

3. Հարուցյալ Հիսո՛ւս, ինձ համոզեցիր,
Որ միայն Դու ես ճամփան ու կյանքը,
Հոգովդ իմ մեջ նոր սիրտ դրեցիր`
Դարձնելով ինձ Աստծո ժառանգը։
Ո՜վ իմ Սուրբ Հիսո՛ւս, ինձ համոզեցիր,
Որ Դու ես, Դու ես հացը երկնային,
Հոգովդ հոգուս աչքը բացեցիր,
Որ տեսնի փառքը Քո աստվածային։

4. Թանկագին իմ Տե՛ր, ինձ համոզեցիր,
Որ ես առանց Քեզ ապրել չեմ կարող,
Քեզանով վառվող այսօրվա լույսս
Առանց Քեզ մի խեղճ ճրագ է մարող։
Հիմա էլ կրկին ինձ համոզում ես,
Որ Դու իմ Հայրն ես ու Պահապանս,
Միշտ համոզում ես ու միշտ ուզում ես,
Որ մնամ Քո մեջ, իմ սուրբ Տապանս։

[end:song]

[start:song]

472

1.Որքան կուզեմ որ Տերս իմ
Փարվեմ Քո կրծքին,
Որ պատմեմ Քեզ ցավերս բոլոր
Բացեմ սիրտը իմ: 

Բացատրես ինձ Քո սերն անհուն
Որ ես հասկանամ,
Որ այս ունայն կյանքի մեջ
Քեզ չմոռանամ: (2)

2. Ձեռքերիդ մեջ է կյանքը իմ
Այնտեղ՝ երկնքում,
Ուր սուրբերն ու հրեշտակները
Քեզ են գովերգում: 

Թագավորիր Դու իմ սրտում
Երկնային փառքով,
Որ ձգտի երկինք սիրտն իմ
Ապրեմ Քեզանով: (2)

3. Ով Տեր Դու շատ բարձրերում ես,
Բայց սրտով խոնարհ,
Քո փառքը երկնքից վեր է
Ու Սերդ անմար:

Թագավորիր Դու իմ սրտում,
Լինեմ ես խոնարհ,
Տեսնեն Սերդ իմ կյանքում,
Ապրեմ Քեզ համար: (2)

[end:song]

[start:song]

600
1. Քո գահի առջև ահա կանգնել եմ,
Ուզում եմ բացել սրտիս գաղտնիքը:
Չեմ կարող նայել ես Քո երեսին,
Չէ՞ որ Դու գիտես ամեն ինչ, Տե՛ր իմ:

2. Երեսիդ լույսը ինձ կյանք է տալիս,
Կոտրած սրտիս, Տե՛ր, մեծ հույս է տալիս:
Ուզում եմ անվերջ փարվել Քեզ, ի՛մ Տեր,
Որ լինեմ հավերժ ներկայությանդ մեջ:

3. Ինչ էլ որ լինի, Քոնն եմ ես, գիտեմ,
Քո ձեռքերի մեջ ես ապահով եմ:
Երեսիդ լույսը կյանքի աղբյուր է,
Իմ կյանքի սկիզբը և վերջը Դու ես:

[end:song]