15.07.2025

[start:song]

231
1. Այնպես պատահեց, որ ինքս մի օր
Հոգով դարերի խորքը գնացի,
Զարմանահրաշ ու արտասովոր
Մի տեսարանի ես հանդիպեցի.
Սևասիրտ մարդիկ՝ տեսքով այլայլված,
Անմեղ մեկին էին տանջում կատաղի։

2. Եվ այնքան անգութ, այնքան գազազած
Չարչարում էին, ծաղրում անտեղի,
Իսկ Նա լուռումունջ, Իր խաչը ուսին,
Մեկի օգնությամբ սարն էր բարձրանում,
Հաճախ էր ծնկում Նա խաչի տակին,
Այդպես տանջվելով` վերև էր հանում։

3. Ու շատ ցանկացա ես Նրան օգնել,
Օգնելով՝ խաչը Գողգոթա հանել
Եվ, մոռանալով ամեն-ամեն ինչ,
Նրա հետ մինչև Գողգոթա հասնել։
Ուզեցի ասել. «Ո՛վ կյուրենացի,
Հիմա էլ թող, որ ես ինքս տանեմ։

4. Գիտցիր՝ ցավող կա քեզանից բացի,
Ուզում եմ Փրկչիս բեռը ես տանել»։
Սակայն թշվառս, երբ որ սթափվեց
Սիրտս կեղեքող այդ տեսարանից,
Իսկույն պատկերը հիմնովին փոխվեց,
Ես էի գթություն հայցում Հիսուսից։
Ծնկած խաչի տակ, ձեռքերս պարզած՝
Ասում էի. «Օգնի՜ր, Փրկի՛չ իմ, Աստվա՛ծ»։

[end:song]

[start:song]

524
1. Թող աղոթքս բարձրանա երկինք,
Մատուցվի որպես պատարագ
Ու փռվի սուրբ ոտքերիդ տակ,
Որպես գոհություն իմ սրտի։

2. Թող պաշտեմ Քեզ խոնարհաբար,
Գրկեմ սուրբ ոտքերդ, ի՛մ Տեր,
Սեղմեմ կրծքիս մեծ կարոտով,
Դրանք ինձ համար են խոցվել։

3. Թող անցնեմ այն ճանապարհով,
Որ խաչն ուսիդ անցար, ի՛մ Տեր,
Սրտիդ ցավը անտեսելով`
Ինձ համար ցանկացար մեռնել։

4. Թող, որ ինքս էլ խաչս առնեմ,
Գամ ետևիցդ, ի՛մ Աստված,
Ես էլ Քեզ հետ խաչը ելնեմ,
Տե՛ր, ուզում եմ Քեզ նմանվեմ։

5. Թող սովորեմ Քեզ պես ներել,
Քեզ նմանվել կուզեմ, ի՛մ Տեր,
Անվերջ Քեզ գալ կուզեմ, ի՛մ Տեր,
Սիրտս Քեզ շատ է կարոտել:

6. Ու երբ տեսա Քեզ խաչի վրա,
Ու սուրբ հայացքդ՝ ինձ ուղղած,
Լուռ մոտեցա, ծնկի իջա
Ու Քո Հոգով կենդանացա:

[end:song]

[start:song]

272
1. Միայն Դու ես արժանի
Այս գիրքը վերցնելու
Ու նրա կնիքները բացելու,
Քանի որ Դու մորթվեցիր։

Ու մեզ արյունովդ գնեցիր
Աստծո համար (2)
Ամեն ցեղից, ամեն լեզվից,
Ժողովրդից ու ազգից։

2. Թագավորներ ենք մենք հիմա,
Հիմա մենք քահանաներ ենք
Ու երկրի վրա կթագավորենք,
Քանի որ Դու մորթվեցիր։

Ու մեզ արյունովդ գնեցիր
Աստծո համար (2)
Ամեն ցեղից, ամեն լեզվից,
Ժողովրդից ու ազգից։

[end:song]

[start:song]

330

1. Ունայնություն է աշխարհը այս սին,
Ոչ ոք չասաց ինձ նույնիսկ այդ մասին,
Օրերը եկան, անցան շատ իզուր,
Երկրում ապրում եմ ինչպես օտար հյուր։
      Ո՛վ հոգի ծախված
      Ու դատապարտված,
      Աշխարհի կողմից եղար դու խաբված:

2. Զղջման արցունքով ելա Գողգոթա,
Հիսուսին տեսա ու ծնկի եկա,
Աշխարհը՝ ունայն, երկինքն է հույսս.
Գնեց Իր արյամբ ինձ Տեր Հիսուսը։
      Հոգիս երկնային
      Երկինք կգնա,
      Մարմինս հող է, հողին կդառնա։

3. Երկնքի դուռն է բացել իմ Տերը,
Այնտեղ պիտ գնան Տիրոջ սուրբերը,
Հրաման կգա շուտով երկնքից,
Հրավեր ունեմ իմ Տեր Հիսուսից։
      Հոգիս երկնային
      Երկինք կգնա,
      Մարմինս հող է, հողին կդառնա։

4. Աշխարհ դու անզոր, Տերս քեզ հաղթեց,
Սև ճիրաններից հոգիս ազատեց,
Մարդի՛կ, դուք բացեք ձեր քար սրտերը,
Փշրված սիրտ է սիրում մեր Տերը։
      Հոգիս երկնային
      Երկինք կգնա,
      Մարմինս հող է, հողին կդառնա։

[end:song]

[start:song]

216
1. Ինչպե՜ս եմ ես ուզում թռչել երկինք,
Քեզ մոտ լինել, Աստվա՛ծ իմ,
Միայն խնդրում եմ, զորացրո՛ւ Դու ինձ,
Խաղաղություն տուր սրտիս։

Դու ես միայն աղբյուր կյանքիս,
Դու, միայն Դու, ի՛մ Հիսուս թանկագին։

2. Հաճախ տրտմությամբ լցվում է հոգիս,
Ուրախությունս՝ պակասում,
Միայն Քեզ մոտ եմ գտնում ես հանգիստ,
Սիրտս Քեզ է սպասում։

Դու ես միայն աղբյուր կյանքիս,
Դու, միայն Դու, ի՛մ Հիսուս թանկագին։

3. Ցավն է ծեծում երիտասարդ կուրծքս,
Խաղաղություն չեմ գտնում,
Այստեղ միայն արցունք է տեսածս,
Տանջվում եմ և տառապում։

Դու ես միայն աղբյուր կյանքիս,
Դու, միայն Դու, ի՛մ Հիսուս թանկագին։

4. Իմ հոգին կարոտ է հանգստության
Օթևանում երկնային,
Տե՜ր Հիսուս, եղի՛ր Դու ինձ պահապան
Եվ ինձ հասցրո՛ւ սուրբ կյանքին։

Դու ես միայն աղբյուր կյանքիս,
Դու, միայն Դու, ի՛մ Հիսուս թանկագին։

[end:song]

[start:song]

516

1. Մի՛ վախենա, Ես քեզ հետ եմ
Կյանքիդ բոլոր վայրկյաններում,
Վստահ քայլի՛ր Իմ անունով
Դժվարության շավիղներում։

    Թող զորանան տկար ծունկեր, թուլցած ձեռքեր,
    Թող ուժովնան թուլասիրտներ և երկմիտներ,
    Ահա կգամ, որ սփոփեմ վշտերը ձեր,
    Իմ ձեռքերով պիտի սրբեմ ձեր արցունքներն։

2. Քեզ ընտրեցի, չմերժեցի,
Մի՛ վախենա, Ես քեզ հետ եմ,
Ահա քեզ դեմ խոսողները
Պիտ ամաչեն ու պատկառեն։

3. Արդարության քեզ կանչեցի
Եվ խավարից ազատեցի,
Իմ արյունով քեզ լվացի
Ու մեղմորեն խրատեցի։

[end:song]