20.07.2023

[start:song]

285

1. Գնում եմ ես Հիսուսիս տես,
Որ երկնքում լույս է հագել,
Հոր աջ նստած` բարեխոս է,
Սուրբի համար լույս փարոս է:

Երկրի վրա ճամփաս փուշ է,
Բայց Քեզ գալը շատ անուշ է,
Խիստ է ծակում փուշն աշխարհի,
Ո՜վ Սուրբ Հոգի, Դու ինձ պահիր:

2. Հենվեմ վեմիդ, քաշեմ լուծս,
Դու ես միայն Տերս, հույսս,
Հալածանքը սիրով տանեմ,
Հալածողիս սիրեմ, ներեմ:

Երկրի վրա ճամփաս փուշ է,
Բայց Քեզ գալը շատ անուշ է,
Խիստ է ծակում փուշն աշխարհի,
Ո՜վ Սուրբ Հոգի, Դու ինձ պահիր:

3. Տե՜ր, ինձ դու տո՛ւր կարողություն,
Տանջանքի մեջ՝ համբերություն,
Ների՛ր գործած սխալներս,
Դու ներող ես, ներո՛ղ Տերս:

Երկրի վրա ճամփաս փուշ է,

Բայց Քեզ գալը շատ անուշ է,

Խիստ է ծակում փուշն աշխարհի,

Ո՜վ Սուրբ Հոգի, Դու ինձ պահիր:

4. Դու ինձ գտար ու գրկեցիր,
Սեր, կյանք ու հույս շնորհեցիր,
Սիրո թևով ելնում եմ վեր,
Փարվում եմ Քեզ, իմ Տեր, իմ սեր:

Երկրի վրա ճամփաս փուշ է,
Բայց Քեզ գալը շատ անուշ է,
Խիստ է ծակում փուշն աշխարհի,
Ո՜վ Սուրբ Հոգի, Դու ինձ պահիր:

[end:song]

[start:song]

463

Էլ ետ մի նայիր, երբ դարձար արդեն

Հլու-հնազանդ ծառա Քրիստոսի,

Էլ ետ մի նայիր, երբ տեսար արդեն

Անսահման սերը Միածին Գառի։

Դու, որ լսեցիր ձայնը Հիսուսի,

Անկեղծ եմ ասում, էլ ետ մի նայիր,

Ինչո՞ւ ետ նայել, երբ քո առջևում

Կենաց պսակն է արդեն երևում։

Էլ ետ մի նայիր անառակ կյանքիդ,

Որ ապրել ես Դու առանց Հիսուսի,

Էլ մի հետևիր այն պիղծ մտքերին,

Որ դրդումներն են չար սատանայի:

Դու, որ լսեցիր ձայնը Հիսուսի,

Անկեղծ եմ ասում, էլ ետ մի նայիր,

Ինչո՞ւ ետ նայել, երբ քո առջևում

Կենաց պսակն է արդեն երևում։

[end:song]

[start:song]

169

1.- Ըսե՛ք, որո՞ւ երթամ, երբ հոգիս տրտում է,
Ըսե՛ք, որո՞ւ երթամ, երբ սիրտս կոտրած է,
Սփոփավայր ո՞ւր կրնամ ես
Գտնել այս խեղճ կյանքիս համար,
Ուրախություն ինչպե՞ս գտնել,
Երբ մութ, անգութ է այս աշխարհ։

Հիսուս կրնա միայն
Արյամբ Իր պատվական
Ջնջել, ներել համայն
Մեղքերդ ադամական:
Գնա՛ հավատալով,
Գնա՛ վստահելով,
Կընդունե քեզ այսօր
Եվ կընե կյանքդ նոր։

2.- Որո՞ւ դիմեմ արդյոք, երբ մեղքը զիս ընկճե,
Որո՞ւ դիմեմ արդյոք, երբ խիղճս զիս տանջե,
Ո՞վ պիտ ինծի տա թողություն,
Արդարություն և սրբություն,
Ո՞վ պիտ փշրե մեղաց կապերս
Եվ ազատե մեծ ոսոխեն։

Հիսուս կրնա միայն
Արյամբ Իր պատվական
Ջնջել, ներել համայն
Մեղքերդ ադամական:
Գնա՛ հավատալով,
Գնա՛ վստահելով,
Կընդունե քեզ այսօր
Եվ կընե կյանքդ նոր։

3.- Ըսե՛ք, որո՞ւ երթամ, երբ վշտեր զիս պատեն,
Ըսե՛ք, որո՞ւ երթամ, երբ փշեր զիս խոցեն,
Ո՞վ պիտ լսե սրտիս զարկը,
Ո՞վ պիտ զգա հոգւոյս ցավը,
Ո՞վ պիտ ըլլա ինծի ընկեր,
Ժպիտ, արև, և լույս, և սեր։

Հիսուս կրնա միայն
Արյամբ Իր պատվական
Ջնջել, ներել համայն
Մեղքերդ ադամական:
Գնա՛ հավատալով,
Գնա՛ վստահելով,
Կընդունե քեզ այսօր
Եվ կընե կյանքդ նոր։

[end:song]

[start:song]

312

1. Մեղքի համար մեռած եմ,
Մեղքի համար մեռած եմ,
Մեղքին մեռած լինելով`
Աստծո զավակ եմ:
Մեղքից ազատ եմ, (2)
Տիեզերքի Արարչի`
Իմ հոր ժառանգն եմ:

Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:

2. Օրենքի համար մեռա
Քրիստոսի մարմնով,
Քրիստոսի շնորհքով
Աստծո զավակ եմ:
Օրենքից ազատ եմ, (2)
Օրենքից ազատ`
Աստծո զավակ եմ:

Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:

3. Աշխարհի համար մեռա
Իմ Տիրոջ խաչով, (2)
Աշխարհին խաչված եմ:
Աստծուց ծնված եմ,
Աշխարհին կհաղթեմ,
Եվ հենց մեր հավատքն է,
Որ աշխարհին կհաղթե:

Հոգին է վկայում,
Հոգին է ազատում,
Խաչի ճանապարհով
Տերն է ինձ տանում:
Հոգին է վկայում,
Հոգին է ազատում,
Սիրո ճանապարհով
Ինձ առաջնորդում:

[end:song]

[start:song]

314

1.Երբ ճանապարհ եմ դուրս գալիս,

Իմ առջևից ես Դու գնում

Եվ ճամփան ես ինձ ցույց տալիս

Ու չարիքից հեռու պահում։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

2. Երբ տխուր եմ, հույս ես տալիս,

Երբ հոգնած եմ՝ ինձ զորացնում,

Ծնողիցս շուտ ես գալիս

Ու ինձ օգնում ամեն հարցում։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

3. Դու իմ ճամփան ես միշտ հարթում,

Որ ոտքերս չառնեն քարին,

Եվ կյանքս ես ապահովում

Ու սիրալիր ժպտում բարի։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

4. Երբ հուսահատ արտասվում եմ,

Հույս ես տալիս, գոտեպնդում,

Երբ ծնկում եմ, փառաբանում,

Խոնարհվում ես, ինձ գուրգուրում:

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

5. Այնքա՜ն մեծ սեր ունես, Հիսո՛ւս,

Որ չեմ կարող խոսքով ասել,

Դու կորսված, օտար մեկիս

Քո սուրբերի հետ ես դասել։

Ինձ՝ օտարիս, եղբայր դարձար,

Միայնակիս՝ անկեղծ ընկեր,

Ոչ մի վայրկյան չհեռացար,

Հիսուս օրհնյալ, քաղցր իմ Տեր։

[end:song]

[start:song]

711

1. Ցնծա՛ հոգիս, ցնծա՛, Հիսուսն է գալիս,
Ցնծա՛ հոգիս, ցնծա՛, քեզ կյանք է տալիս,
Ցնծա՛ հոգիս, ցնծա՛, քո Տերն է գալիս,
Հողեղեն մարմնիդ նոր կյանք է տալիս:

2. Ցնծա՛ հոգիս, ցնծա՛, Հիսուսն է գալիս,
Ցնծալով` Իր հոտին ողջույն է տալիս:
Խնդրեցե՛ք միաձայն աշխարհի համար,
Չէ՞ որ արյունն հեղեց բոլորի համար:

3. Ցնծա՛ երկիր և քո մեջ բնակվողներ,
Ցնծացե՛ք, Հիսուսի տանջված գառնուկներ,
Ցնծալով երգեցեք, գնում ենք հավետ
Մեր հետևում թողած դժոխքն առհավետ:

4. Ցնծա՛ հոգիս, ցնծա՛, Հիսուսն է գալիս,
Բայց ամբարիշտները դարձի չեն գալիս,
Կխնդրեն լեռներին՝ ընկե՛ք մեզ վրա,
Բարկության այդ ժամին ո՞վ կդիմանա:

[end:song]