28.08.2025

[start:song]

398
1. Տե՜ր, տո՛ւր ինձ այն հոգին,
Որով Հայր Աստծուն հնազանդվեցիր,
Տե՜ր, տո՛ւր ինձ այն հոգին,
Որով դեպի խաչ Դու գնացիր։

Ես ինչպե՞ս անեմ, որ Քեզ նմանվեմ,
Ո՜վ Հիսուս Քրիստոս, իմ Տեր,
Սուրբ խոսքովդ մաքրի՛ր իմ հոգին,
Ամենակարող Տեր։

2. Տե՜ր, տո՛ւր ինձ այն հոգին,
Որով հոգիներ Դու շահեցիր,
Տե՜ր, տո՛ւր ինձ այն հոգին,
Որով աշխարհին Դու հաղթեցիր։

3. Տե՜ր, տո՛ւր ինձ այն հոգին,
Որով մեղավորը սիրեցիր,
Տե՜ր, տո՛ւր ինձ այն հոգին,
Որով մարդկությանը ներեցիր։

«Ուստի, ամեն ինչ, որ կամենում եք,
Թե ձեզ անեն մարդիկ,
Այնպես էլ դուք արեք նրանց,
Այնպես արեք նրանց»:

[end:song]

[start:song]

128
1. Սիրտս կտապկի ծարավով մ’անհուն,
Մինչ տենչանքներուս կրակը ներքին
Կտոչորե զիս կրկին ու կրկին,
Ծարավս մարող կա սոսկ մեկ անուն։

Դուն միայն, ո՜վ Տեր։ (2)

2. Հարստություններ աշխարհի գիտեմ՝
Ծովի ջուրերեն լեղի ու աղի,
Խմողին կուտան ծարավ կատաղի։
Անսպառ գանձ ես աղքատության դեմ։

3. Իսկ փառքի սերը, պատիվ ու համբավ,
Միայն կարճ կյանքիս օրերու համար,
Չէ՛, չեն դյութեր զիս, չեմ այդչափ հիմար,
Պիտի տաս ինձի փառք, պատիվ, համբավ։

4. Հարստություն, փառք, գիտություն, հանճար,
Ամենն ալ կանցնին, զի անցավոր են,
Մարդկային հոգին հագեցնող վերեն`
Մշտական ես, կաս` արդար, անաչառ։

5. Խաղաղության մեծ ու հզոր Իշխան,
Տե՜ր Հիսուս Քրիստոս, Հայր Աստված ու Բան,
Խաղաղությո՛ւն տուր անձիս անսպառ,
Որ Քու սիրույդ մեջ մնամ հավիտյան։

6. Հեռու երկիրներ ես պտտեցա,
Ցամաք, ծով, երկիր չվեցի, անցա,
Խնդրեցի, թե ով ինձ հանգիստ կտա,
Հոգուս մխիթար մեկ անուն գտա:

Youtube ♪♫ ➤

[end:song]

[start:song]

680

Արթնացա մի օր Քո իսկ պարգևած արևի շողից

Ու հանդիպեցի ինձ մահի տանող ահեղ փորձության,

Բայց բարի սիրտդ, հոգատար ձեռքդ խղճաց ինձ վերից

Եվ փայփայելով ու մեղմ շոյելով` տարավ փրկության:

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Թե չէ մարմինս նորից կդառնա տաճար կուռքերի: (2)

Այդ օրից ի վեր մի փափագ ունեմ, Փրկի՛չ, սիրելի՛ս,

Հասնեմ Գողգոթա, ծնկաչոք փարվեմ ոտքերիդ գամված

Հայացքս ուղղեմ տառապած դեմքիդ, Հիսո՛ւս, սիրելի՛ս,

Ու Քո մեջ տեսնեմ նվաստիս անձը՝ մեղքից ազատված:

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Թե չէ մարմինս նորից կդառնա տաճար կուռքերի: (2)

Եվ ահա կրկին Քո առջև գալով` թույլ ու անկարող,

Կուզեմ ամեն օր իմ աղաչանքը Քեզ հայտնի լինի:

Հավատք ու սեր եմ խնդրում Քեզանից, Ամենակարո՛ղ,

Որ չմոռանամ արյանդ գործը, Հիսո՛ւս պաշտելի: (2)

Այդքանից հետո էլ ո՞ւր գնամ ես, Հա՛յր իմ գթառատ,

Եվ արցունքներով ինչպե՞ս չլվամ վերքը ոտքերիդ,

Աղաչում եմ Քեզ, ինձ մի՛ թույլատրիր կյանք շքեղ, առատ,

Թե չէ մարմինս նորից կդառնա տաճար կուռքերի: (2)

[end:song]

[start:song]

580

1. Աստված Քեզ ուղարկեց ինձ համար,
Աշխարհում ծնվեցիր ինձ համար,
Եկար, մարմին հագար ինձ համար,
Հիսո՛ւս,Դու մարդացար ինձ համար:

Միայն Քեզ պաշտել եմ ուզում ես, Տե՛ր,
Խոսքիդ մեջ ապրել եմ ուզում ես, Տե՛ր,
Սիրուդ մեջ մնալ եմ ուզում ես, Տե՛ր,
(Միայն) Քեզ հետ ես լինեմ:

2. Հալածանք Դու տարար ինձ համար,
Անարգանք կրեցիր ինձ համար,
Խաչին Դու գամվեցիր ինձ համար,
Սուրբ արյուն թափեցիր ինձ համար։

Միայն Քեզ պաշտել եմ ուզում ես, Տե՛ր,
Խոսքիդ մեջ ապրել եմ ուզում ես, Տե՛ր,
Սիրուդ մեջ մնալ եմ ուզում ես, Տե՛ր,
(Միայն) Քեզ հետ ես լինեմ:

3. Թողել եմ աշխարհը Քեզ համար,
Ապրում եմ ես միայն Քեզ համար։
Նոր երգեր եմ երգում Քեզ համար,
Փառքեր եմ ես բերում Քեզ համար։

Միայն Քեզ պաշտել եմ ուզում ես, Տե՛ր,
Խոսքիդ մեջ ապրել եմ ուզում ես, Տե՛ր,
Սիրուդ մեջ մնալ եմ ուզում ես, Տե՛ր,
(Միայն) Քեզ հետ ես լինեմ:

[end:song]

[start:song]

210
1. Հիսուսն ասաց Իր աշակերտներին.
«Արթո՛ւն կացեք, աղո՛թք արեք,
Ինձ է տրված ամեն իշխանություն
Երկնքում ու երկրի վրա։

2. Երբ լինեն աղետ ու կոտորածներ,
Արթո՛ւն կացեք դուք, Ի՛մ զավակներ,
Ես միշտ ձեզ հետ եմ, Ի՛մ սիրելիներ,
Հավատք ունեցեք, կհաղթեք։

3. Կլինեն և՛ սով, և՛ փորձություններ,
Կրակի բոցեր, սուր տագնապներ,
Ամբարիշտներն ահով կփախչեն՝
Փողոց նետելով ոսկիներ»։

4. Ավետարանը պիտի քարոզվի,
Բովանդակ աշխարհում տարածվի,
Ապաշխարեցե՛ք, ո՛վ ժողովուրդներ,
Մոտ է Հիսուսի գալուստը:

5. «Ահա գալիս եմ, դուք պատրաստ եղե՛ք,
Չլինի հիմար կույսեր լինեք,
Միշտ արթո՛ւն եղեք, Ի՛մ սիրելիներ,
Շուտով կգամ, ձեզ կտանեմ»:

[end:song]

[start:song]

427

Աղավնին է, ալելուիա,
Իջնում է ցած, ալելուիա,
Լույս թևերով, ալելուիա,
Օվսաննա՜։

1. Երկինք բացվեց, ու լույս իջավ,
Աստծո աչքը մեզ ջերմ ժպտաց,
Մխիթարիչ Տերն ուղարկեց
Ու զորությամբ՝ յուղով, յուղով օծեց։

Աղավնին է, ալելուիա,
Իջնում է ցած, ալելուիա,
Լույս թևերով, ալելուիա,
Օվսաննա՜։

2. Այսօր իջի՛ր, որ սրբանանք,
Մխիթարվենք ու զորանանք,
Անձեռագործ տաճար դառնանք,
Իջի՛ր, Հոգի, իջի՛ր, Քեզ միանանք։

Աղավնին է, ալելուիա,
Իջնում է ցած, ալելուիա,
Լույս թևերով, ալելուիա,
Օվսաննա՜։

3. Սուրբ տաճարը մաքուր պահենք,
Հոգու ձայնին հնազանդվենք,
Խորհուրդ առնենք, լսող լինենք,
Որ սուրբ կյանքը սիրով, սիրով ապրենք։

Աղավնին է, ալելուիա,
Իջնում է ցած, ալելուիա,
Լույս թևերով, ալելուիա,
Օվսաննա՜։

[end:song]