08.09.2026

[start:song]

516

1. Մի՛ վախենա, Ես քեզ հետ եմ
Կյանքիդ բոլոր վայրկյաններում,
Վստահ քայլի՛ր Իմ անունով
Դժվարության շավիղներում։

Թող զորանան տկար ծունկեր, թուլցած ձեռքեր,
Թող ուժովնան թուլասիրտներ և երկմիտներ,
Ահա կգամ, որ սփոփեմ վշտերը ձեր,
Իմ ձեռքերով պիտի սրբեմ ձեր արցունքներն։

2. Քեզ ընտրեցի, չմերժեցի,
Մի՛ վախենա, Ես քեզ հետ եմ,
Ահա քեզ դեմ խոսողները
Պիտ ամաչեն ու պատկառեն։

Թող զորանան տկար ծունկեր, թուլցած ձեռքեր,
Թող ուժովնան թուլասիրտներ և երկմիտներ,
Ահա կգամ, որ սփոփեմ վշտերը ձեր,
Իմ ձեռքերով պիտի սրբեմ ձեր արցունքներն։

3. Արդարության քեզ կանչեցի
Եվ խավարից ազատեցի,
Իմ արյունով քեզ լվացի
Ու մեղմորեն խրատեցի։

Թող զորանան տկար ծունկեր, թուլցած ձեռքեր,
Թող ուժովնան թուլասիրտներ և երկմիտներ,
Ահա կգամ, որ սփոփեմ վշտերը ձեր,
Իմ ձեռքերով պիտի սրբեմ ձեր արցունքներն։

[end:song]

[start:song]

427

Աղավնին է, ալելուիա,
Իջնում է ցած, ալելուիա,
Լույս թևերով, ալելուիա,
Օվսաննա՜։

1. Երկինք բացվեց, ու լույս իջավ,
Աստծո աչքը մեզ ջերմ ժպտաց,
Մխիթարիչ Տերն ուղարկեց
Ու զորությամբ՝ յուղով, յուղով օծեց։

Աղավնին է, ալելուիա,
Իջնում է ցած, ալելուիա,
Լույս թևերով, ալելուիա,
Օվսաննա՜։

2. Այսօր իջի՛ր, որ սրբանանք,
Մխիթարվենք ու զորանանք,
Անձեռագործ տաճար դառնանք,
Իջի՛ր, Հոգի, իջի՛ր, Քեզ միանանք։

Աղավնին է, ալելուիա,
Իջնում է ցած, ալելուիա,
Լույս թևերով, ալելուիա,
Օվսաննա՜։

3. Սուրբ տաճարը մաքուր պահենք,
Հոգու ձայնին հնազանդվենք,
Խորհուրդ առնենք, լսող լինենք,
Որ սուրբ կյանքը սիրով, սիրով ապրենք։

Աղավնին է, ալելուիա,
Իջնում է ցած, ալելուիա,
Լույս թևերով, ալելուիա,
Օվսաննա՜։

[end:song]

[start:song]

563

1. Տեր Հիսուսին ծառայող Գեդեոնի զինվորներ,
Չար աշխարհի մեջ գործող Սուրբ Խոսքի սերմնացաններ,
Օրն է թեքվել ավարտին, մայրամուտն է մոտենում,
Ցանենք սերմերը կյանքի, գիշերն է վրա հասնում։

2. Գեդեոնի զինվորին Տերն է տալիս զորություն,
Թեկուզ փոքր ջոկատով, մենք ունենք մեծ հաղթություն։
Աստված կօրհնի Իր գործը, մեզ հետ Տերն է ամեն օր,
Աստծո գործն է մնայուն, իսկ աշխարհը՝ անցավոր։

3. Եղբա՛յր ու քո՛ւյր, լավ խորհենք՝ ի՜նչ մեծ գործ է մեզ տրված,
Չհապաղենք, չծուլանանք, Տիրոջ մոտ բերենք մարդկանց:
Մեղքի խավար աշխարհում հոգիներն են կորսվում,
Աստծո Խոսքն է նոր կյանքի ու փրկության հույս բերում։

4. Մեկ անգամ է մեզ տրված կյանքը այս երկրի վրա,
Աստծո կամքը կատարենք, որ մտնենք փառքը Նրա,
Մնասները Իր տված շահով Իրեն դարձնենք,
Որ վերջում էլ մեզ ասի՝ ապրես դու, բարի ծառա։

[end:song]

[start:song]

65

1. Հիսուսին միայն սրտումս պիտ ունենամ,
Հիսուսը միայն այնտեղ բնակի,
Իր սիրույն ոչ մի բան հավասար չկա,
Միայն Նրա մոտ հոգիս կհանգչի։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

2. Հիսուսը միայն ինձ մեղքից ազատեց,
Հիսուսը միայն ինձ բարիք արեց,
Նրա մեծ սերը իմ սիրտը կոտրատեց
Եվ ապա խաղաղության դեղ դրեց։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

3. Հիսուսին միայն կյանքս կպատկանի,
Նա՛ է իմ Փեսան և ես՝ հարս Նրա,
Միայն Նրա կամքը պիտի կատարեմ,
Եվ Նա սպիտակ հանդերձներ ինձ կտա։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

4. Հիսուսը միայն ինձ ուժ կպարգևե,
Երբ պատերազմի մեջ տկարանամ,
Նրա կենաց աղբյուրից ես կխմեմ
Կյանք և զորություն միշտ, ամեն անգամ։

Էլ ես չեմ հոգա, էլ չեմ տրտնջա,
Հիսուս իմ Եղբայրն ինձ մոտ է, ներկա,
Նաև խոստացավ իմ ձեռքիցս բռնել
Եվ տանել այնտեղ, ուր միշտ հանգիստ կա։

[end:song]

[start:song]

226

1. Տե՜ր իմ Ամենակալ,
Ամենքի Տիրակալ,
Գործի՛ր սիրովդ անհուն
Մարդկային սրտերում։

     Հիսո՛ւս, կյանքիս Փրկիչ,
     Դու` միակ Արարիչ,
     Հոգիս Քեզ մոտ միայն
     Կհանգչի հավիտյան։

2. Թշվառացած, հոգնած,
Ունայն կյանքից զզված`
Դեպի Քեզ եմ դիմում,
Որ փրկվեմ մեղքերից։

     Հիսո՛ւս, կյանքիս Փրկիչ,
     Դու` միակ Արարիչ,
     Հոգիս Քեզ մոտ միայն
     Կհանգչի հավիտյան։

3. Գիտեմ` շատ ես տանջվել
Ու ինձ համար խաչվել,
Քո թափած արյունով
Ինձ կյանք ես պարգևել։

     Հիսո՛ւս, կյանքիս Փրկիչ,
     Դու` միակ Արարիչ,
     Հոգիս Քեզ մոտ միայն
     Կհանգչի հավիտյան։

4. Քո սուրբ ձեռքը մեկնի՛ր,
Ընկածիս վեր հանի՛ր,
Եթե ոչ` կընկղմվեմ,
Ուժասպառ կլինեմ։

     Հիսո՛ւս, կյանքիս Փրկիչ,
     Դու` միակ Արարիչ,
     Հոգիս Քեզ մոտ միայն
     Կհանգչի հավիտյան։

[end:song]

[start:song]

159

1. Մի՛ տխրիր, մի՛ դժգոհիր դու նրա համար,

Որ հանդիպել ես դժվարության,

Որ խաղաղ գարնանը սպասել ես շատ երկար,

Հիսուսով կստանաս անպայման։

Մեզ համար, մեզ համար գարուն հրաշալի՝
Հոտավետ ծաղիկներով լցված,
Ուղարկում է Աստված գարուն հիանալի՝
Գողգոթայի խաչով ստեղծված։

2. Ով որ իր երիտասարդ կյանքը նվիրի
Ծառայելու Արարիչ Աստծուն,
Նա իր ծերության օրերում նույնպես կապրի
Աստծուց տրված հոգևոր գարուն։

Մեզ համար, մեզ համար գարուն հրաշալի՝
Հոտավետ ծաղիկներով լցված,
Ուղարկում է Աստված գարուն հիանալի՝
Գողգոթայի խաչով ստեղծված։

3. Մենք ձգտում ենք, որ կյանքի գարնան արևը
Փայլի մեր ծարաված սրտերում,
Եվ Աստծո Հոգու հրաշալի պտուղները
Սուրբ գարնան հետ աճեն մեր հոգում։

Մեզ համար, մեզ համար գարուն հրաշալի՝
Հոտավետ ծաղիկներով լցված,
Ուղարկում է Աստված գարուն հիանալի՝
Գողգոթայի խաչով ստեղծված։

4. Մեզ օգնի՛ր, որ լինենք Քեզ միշտ հավատարիմ,
Սուրբ կյանք ապրենք երկրի վրա,
Որ մեղքը չհաղթի նույնիսկ մեկ տկարին,
Եվ գարնան մեջ ապրենք հավիտյան։

Մեզ համար, մեզ համար գարուն հրաշալի՝
Հոտավետ ծաղիկներով լցված,
Ուղարկում է Աստված գարուն հիանալի՝
Գողգոթայի խաչով ստեղծված։

[end:song]