10.09.2026

[start:song]

231
1. Այնպես պատահեց, որ ինքս մի օր
Հոգով դարերի խորքը գնացի,
Զարմանահրաշ ու արտասովոր
Մի տեսարանի ես հանդիպեցի.
Սևասիրտ մարդիկ՝ տեսքով այլայլված,
Անմեղ մեկին էին տանջում կատաղի։

2. Եվ այնքան անգութ, այնքան գազազած
Չարչարում էին, ծաղրում անտեղի,
Իսկ Նա լուռումունջ, Իր խաչը ուսին,
Մեկի օգնությամբ սարն էր բարձրանում,
Հաճախ էր ծնկում Նա խաչի տակին,
Այդպես տանջվելով` վերև էր հանում։

3. Ու շատ ցանկացա ես Նրան օգնել,
Օգնելով՝ խաչը Գողգոթա հանել
Եվ, մոռանալով ամեն-ամեն ինչ,
Նրա հետ մինչև Գողգոթա հասնել։
Ուզեցի ասել. «Ո՛վ կյուրենացի,
Հիմա էլ թող, որ ես ինքս տանեմ։

4. Գիտցիր՝ ցավող կա քեզանից բացի,
Ուզում եմ Փրկչիս բեռը ես տանել»։
Սակայն թշվառս, երբ որ սթափվեց
Սիրտս կեղեքող այդ տեսարանից,
Իսկույն պատկերը հիմնովին փոխվեց,
Ես էի գթություն հայցում Հիսուսից։
Ծնկած խաչի տակ, ձեռքերս պարզած՝
Ասում էի. «Օգնի՜ր, Փրկի՛չ իմ, Աստվա՛ծ»։

[end:song]

[start:song]

473

1. Արթնացրո՜ւ ինձ, Տե՛ր,
Հոգնած եմ ու թմրած,
Արթնացրո՜ւ ինձ, Տե՛ր,
Մեղքի քնից:

Քավություն տո՛ւր ինձ,
Թողություն տո՛ւր ինձ,
Բարիքներ շնորհելով՝
Ուրախացրո՛ւ ինձ:

2. Ինձ նման տանջվածիս
Ցավերին եղի՛ր դարման.
Լույսդ կաթեցրո՛ւ իմ մեջ,
Մեռյալ եմ, կյանք տո՛ւր:

Քավություն տո՛ւր ինձ,
Թողություն տո՛ւր ինձ,
Բարիքներ շնորհելով՝
Ուրախացրո՛ւ ինձ:

3. Թող որ ես ուրախանամ
Հոգուս փրկությամբ,
Որի համար, ի՛մ Տեր,
Տրտում եմ ես այնքան:

Քավություն տո՛ւր ինձ,
Թողություն տո՛ւր ինձ,
Բարիքներ շնորհելով՝
Ուրախացրո՛ւ ինձ:

[end:song]

[start:song]

223

1. Եթե հոգնել ես ճանապարհին,
Դժվար է թվում խաչը կյանքի,
Վերադարձի՛ր կրծքին Հիսուսի,
Նա կասի խոսքեր, իսկ դու հիշի՛ր.

«Իմ կողմից է եղել, սիրելի՛ Իմ զավակ,
Այդ Ես եմ պատրաստել
Ճանապարհ քեզ համար:
Դե գնա՛, կյանքն անցի՛ր,
Ցավի մեջ գոհացի՛ր
Եվ սիրի՛ր Հիսուսին,
Ասա` Դու կաս»։

2. Եթե հոգսերն են գերի վերցրել,
Մարմնիդ ցավը հոգիդ է գերել,
Կամ հալածանք ես կրում դու անմեղ,
Նա կասի խոսքեր, փորձիր պահել։

«Իմ կողմից է եղել, սիրելի՛ Իմ զավակ,
Այդ Ես եմ պատրաստել
Ճանապարհ քեզ համար:
Դե գնա՛, կյանքն անցի՛ր,
Ցավի մեջ գոհացի՛ր
Եվ սիրի՛ր Հիսուսին,
Ասա` Դու կաս»։

3. Թե բարեկամդ քեզ չհասկանա,
Չցուցաբերի Տիրոջ սերը նա,
Ի՞նչ ես նայում մարդուն դու անճար,
Նա կասի խոսքեր հոգուդ համար։

«Իմ կողմից է եղել, սիրելի՛ Իմ զավակ,
Այդ Ես եմ պատրաստել
Ճանապարհ քեզ համար:
Դե գնա՛, կյանքն անցի՛ր,
Ցավի մեջ գոհացի՛ր
Եվ սիրի՛ր Հիսուսին,
Ասա` Դու կաս»։

[end:song]

[start:song]

202

1. Կյանքում ամենաանհրաժեշտ բաները
Մարդիկ փողի արժեքով չեն ձեռք բերում,
Ձրի է լուսավորում մեզ արևը,
Եվ լուսինը միշտ ձրի է մեզ ժպտում։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

2. Ձրի են մեր այգիներն ու դաշտերը
Հորդառատ անձրևով ջրվում երկնքից,
Թռչունների երգն ենք ձրի վայելում,
Երբ գովաբանում են նրանք Արարչին։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

3. Բայց այս է ամենաթանկագին բանը՝
Աստծո կողմից պարգևված մարդկությանը,
Հիսուսի հետ հավիտենական կյանքը
Եվ երկնային պարգևը երջանկության։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

4. Տե՛ս՝ ինչպես է Հիսուս երկնքից նայում
Եվ փայլում է ինչպես սիրո արևը:
Փողի արժեքով չեն մարդիկ ձեռք բերում
Կյանքում ամենաանհրաժեշտ բաները:

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

[end:song]

[start:song]

307

1. Քայլում էի տխուր անապատի մեջ,
Ծարավն էր տանջում անվերջ ու անվերջ,
Ձեռքերս պարզած, անուժ ու լացով
Խնդրեցի. «Աստվա՜ծ, կյա՛նք տուր Քո ջրով»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

2. Ձեռքիցս բռնած` անապատն անցանք,
Ներեց Հիսուսս չարություն, հանցանք:
Արցունքն աչքերիս, ոտքերին փարված`
Գոչեցի լացով. «Հիսո՜ւս, ի՛մ Աստված»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

3. Հիսուսն էր գնում, ես էլ՝ ետևից,
Նա ինձ փրկել էր չոր անապատից,
Գնում էի Նրա լույս ճանապարհով
Ու ինձ զգում էի հարուստ, ապահով։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

4. Ու խոսեց Տերս. «Ես եմ լույս-կյանքը,
Ճշմարտությունը ու ճանապարհը։
Խաղաղություն Ես գառներիս կտամ,
Շատ շուտով նրանց ետևից կգամ»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

[end:song]

[start:song]

244
1. «Ո՜վ հավատարիմ, իմաստուն ծառա՛,-
Հիսուսը կասի սիրով նրան,-
Հավատքդ դու պահեցիր մինչև վերջ,
Մտի՛ր Իմ ուրախությանս մեջ»։

2. Երկրորդ գալստյանն, երբ Նա մեզ դառնա,
Իր փառքը երկրի վրա երևա,
Իր հարսին պատրաստ՝ պիտի գրկի Նա,
Նորից դեպ երկինք վերադառնա։

3. Նոր Երուսաղեմ, քաղաք սիրելի,
Սուրբ բնակարան մեր բաղձալի,
Քո փողոցներով պիտի մենք քայլենք,
Հիսուսի հետ միշտ ուրախ լինենք։

4. Էլ ո՛չ սուգ կլինի, ո՛չ էլ՝ տրտմություն,
Ի՜նչ զարմանալի ուրախություն,
Սուրբ Հոգով լեցուն հավերժ ցնծություն.
Ահա երկնային Արքայություն։

[end:song]