08.10.2024

[start:song]

296
1. Աշխարհը լեցուն է բարիքներով,
Չի կշտանում աչքը, լցվում սիրտը,
Գալիքը լեցուն է տառապանքներով,
Պիտ անցնեն այս կյանքի զվարճանքները։

Հիսուսն է մեր ճամփան, մեր կյանքը,
Կշտացնում է աչքը, լցնում սիրտը,
Դե, շտապի՛ր քեզ գցել Իր գիրկը,
Որ ապահով լինի քո կյանքը։

2. Ունայն է այս կյանքը, վաղանցիկ,
Կփչանա, կանցնի ինչպես ծաղիկ,
Չի դառնա երբեք ետ կյանքը քո,
Մեկ ճամփա կա տանող մոտն Աստծո։

Հիսուսն է մեր ճամփան, մեր կյանքը,
Կշտացնում է աչքը, լցնում սիրտը,
Դե, շտապի՛ր քեզ գցել Իր գիրկը,
Որ ապահով լինի քո կյանքը։

3. Բաց են դռները՝ տանող կյանքի,
Մի՛ խստացրու սիրտդ, մի՛ համառիր,
Փակվելու է մի օր դուռը այն,
Որ տանում է հավիտենություն։

Հիսուսն է մեր ճամփան, մեր կյանքը,
Կշտացնում է աչքը, լցնում սիրտը,
Դե, շտապի՛ր քեզ գցել Իր գիրկը,
Որ ապահով լինի քո կյանքը։

[end:song]

[start:song]

254

1. Ժամ աղոթքի, ժամ աղոթքի,
Աստծուց ես տրված կյանքում,
Պայքարի մեջ այս վատ կյանքից
Դու ինձ վեր ես բարձրացնում։

Մութ գիշերին չեմ քնում
Եվ ծնկի եմ ես իջնում,
Ու հոգով Աստծո հետ եմ խոսում.
«Օ՜, իմ երկնային Փրկիչ,
Քո հզոր ձեռքը մեկնիր,
Օգնիր ինձ, ուժասպառ եմ լինում»։

2. Դրսում փչում է խիստ քամին,
Սպառնում է սառցով, ձնով,
Եվ այդպիսի մի փոթորիկ
Հաճախ է տիրում սրտիս։

Այդ ժամին պարզ տեսնում եմ
Իմ ոչնչությունը ես,
Կոտրված խնդրում եմ Հիսուսին.
«Օ՜, իմ Աստվա՛ծ, գիտես Դու`
Ի՜նչ մեծ վիշտ կա իմ հոգում,
Ազատի՛ր ինձ այս մեծ տանջանքից»։

3. Աստվա՛ծ իմ, ես այս երկրի վրա
Անհոգ ապրել չեմ ուզում,
Թեկուզ միշտ լինի փոթորիկ
Կյանքիս գալիք օրերում։

Միայն խնդրում եմ մի բան՝
Միշտ ներկայությունդ զգամ
Եվ Քո ձեռքը՝ միշտ մեկնած դեպ ինձ,
Իմ առջևից Դու քայլի՛ր,
Ինձ Քո սիրո մեջ պահի՛ր,
Պատերազմում հաղթություն տուր ինձ։

4. Օ՜, աղոթք փառաբանության,
Գոհությունից այրվում եմ,
Ինձ լցնում ես ուրախությամբ,
Քեզանով ես ապրում եմ։

Երբ փոթորիկների մեջ
Շփոթված ընկնում եմ ես,
Իմ Աստծուն եմ ես աղաղակում։
Աղոթքս լսում է Նա
Եվ ինձ լցնում գոհությամբ,
Աղոթքով նոր կյանք եմ ստանում։

[end:song]

[start:song]

307

1. Քայլում էի տխուր անապատի մեջ,
Ծարավն էր տանջում անվերջ ու անվերջ,
Ձեռքերս պարզած, անուժ ու լացով
Խնդրեցի. «Աստվա՜ծ, կյա՛նք տուր Քո ջրով»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

2. Ձեռքիցս բռնած` անապատն անցանք,
Ներեց Հիսուսս չարություն, հանցանք:
Արցունքն աչքերիս, ոտքերին փարված`
Գոչեցի լացով. «Հիսո՜ւս, ի՛մ Աստված»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

3. Հիսուսն էր գնում, ես էլ՝ ետևից,
Նա ինձ փրկել էր չոր անապատից,
Գնում էի Նրա լույս ճանապարհով
Ու ինձ զգում էի հարուստ, ապահով։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

4. Ու խոսեց Տերս. «Ես եմ լույս-կյանքը,
Ճշմարտությունը ու ճանապարհը։
Խաղաղություն Ես գառներիս կտամ,
Շատ շուտով նրանց ետևից կգամ»։

Աղբյուր բացվեց, ջուրը խմեցի,
Կյանք ստացած՝ աչքերս բացեցի,
Տեսա Հիսուսին՝ ժպիտը դեմքին,
Կորած գառն էր տանում Իր ուսին։

[end:song]

[start:song]

202

1. Կյանքում ամենաանհրաժեշտ բաները
Մարդիկ փողի արժեքով չեն ձեռք բերում,
Ձրի է լուսավորում մեզ արևը,
Եվ լուսինը միշտ ձրի է մեզ ժպտում։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

2. Ձրի են մեր այգիներն ու դաշտերը
Հորդառատ անձրևով ջրվում երկնքից,
Թռչունների երգն ենք ձրի վայելում,
Երբ գովաբանում են նրանք Արարչին։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

3. Բայց այս է ամենաթանկագին բանը՝
Աստծո կողմից պարգևված մարդկությանը,
Հիսուսի հետ հավիտենական կյանքը
Եվ երկնային պարգևը երջանկության։

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

4. Տե՛ս՝ ինչպես է Հիսուս երկնքից նայում
Եվ փայլում է ինչպես սիրո արևը:
Փողի արժեքով չեն մարդիկ ձեռք բերում
Կյանքում ամենաանհրաժեշտ բաները:

Աստված ձրի
Տալիս է մեզ թողություն,
Որպես պարգև՝
Տալիս է մեզ փրկություն։

[end:song]

[start:song]

276
1. Խաչի վրա վերջին անգամ
Ինձ համար էլ աղոթեցիր,
Գամված ափիդ անունս գրվեց,
Արյանդ շիթը մեղքերս մաքրեց։

Ինչպե՞ս ապրեմ ես առանց Քեզ,
Ռաբբի, Ռաբբի, Ռաբբի,
Ինչպե՞ս ապրեմ ես առանց Քեզ,
Այդ Քո սերն է, որ գտավ մեզ (2):

2. Ծնողներս ինձ ատեցին,
Անվանդ համար հալածեցին,
Ընկած էի ծեծված, լքված,
Ցավիս դրիր ձեռքերդ խոցված։

Ինչպե՞ս ապրեմ ես առանց Քեզ,
Ռաբբի, Ռաբբի, Ռաբբի,
Ինչպե՞ս ապրեմ ես առանց Քեզ,
Այդ Քո սերն է, որ գտավ մեզ (2):

3. Հիմա մենակ, անօթևան
Քեզ եմ գալիս, ի՛մ Բարեկամ,
Ով ուզում է թող ինձ ատի,
Ես պիտ երգեմ՝ Հիսո՜ւս, արի՛։

Ինչպե՞ս ապրեմ ես առանց Քեզ,
Ռաբբի, Ռաբբի, Ռաբբի,
Ինչպե՞ս ապրեմ ես առանց Քեզ,
Այդ Քո սերն է, որ գտավ մեզ (2):

4. Խաչի ճամփան ուր էլ տանի,
Միայն լինեմ Քեզ արժանի,
Հոգիս տալիս Ռաբբի կանչեմ,
Խոցված ձեռքիդ վրա հանգչեմ։

Ինչպե՞ս ապրեմ ես առանց Քեզ,
Ռաբբի, Ռաբբի, Ռաբբի,
Ինչպե՞ս ապրեմ ես առանց Քեզ,
Այդ Քո սերն է, որ գտավ մեզ (2):

[end:song]

[start:song]

308
1. Հիսուսն հավաքեց գառներին կորած,
Նա կհավաքի հայերին ցրված,
Որ նրանց փրկի ու երկինք տանի,
Տերը հայերին մենակ չի թողնի:

Սիրելի՛ զավակ, հայ քրիստոնյա,
Աստված մեր ազգին պիտի ողորմի:

2. Բազում տանջանքից մենք վեր կհառնենք,
Ողջ Հայաստանով Քրիստոս դավանենք,
Աստծո ուժը վեր է ամենից,
Մենք դեռ ընկած չենք Աստծո երեսից:

Սիրելի՛ զավակ, հայ քրիստոնյա,
Աստված մեր ազգին պիտի ողորմի:

3. Հավատք ունենանք, Քրիստոս դավանենք,
Անձայն կուռքերը մեզանից վանենք,
Կենդանի Աստված մեզ հետ է, հայե՛ր,
Աստված մեր հանդեպ ունի անհուն սեր:

Սիրելի՛ զավակ, հայ քրիստոնյա,
Աստված մեր ազգին պիտի ողորմի:

4. Մենք փորձության մեջ հավատքներս պահենք,
Մեր պապերի պես Տիրոջ ծառայենք,
Քանի անգամ էլ որ հայը ընկնի,
Հիսուսը պիտի նրան վեր հանի:

Սիրելի՛ զավակ, հայ քրիստոնյա,
Աստված մեր ազգին պիտի ողորմի:

[end:song]