06.11.2025

[start:song]

150
1. Ների՜ր ինձ այսօր ու ողորմի՛ր
Քո ողորմությամբ հավիտենական,
Քեզ եմ ես գալիս մեղքերիս բեռով,
Քեզ չեմ ծառայել ճշմարտությունով։

Տուր որ Քեզ, Հիսո՛ւս, կատարյալ նվիրվեմ,
Անձս ուրացած՝ Քեզ պես խոնարհվեմ,
Պաշտեմ Քեզ հոգով, ճշմարտությունով,

Խաչս վերցնեմ,

Գամ Քո նեղ ճամփով (2)։

2. Ների՜ր ինձ այսօր, ձգտումներս բոլոր,
Որ ունեցել եմ այս կյանքում մոլոր,
Ձգտումները այդ կտրել են անվերջ
Քո օրհնությունից ինձ անընդմեջ։

Տուր որ Քեզ, Հիսո՛ւս, կատարյալ նվիրվեմ,
Անձս ուրացած՝ Քեզ պես խոնարհվեմ,
Պաշտեմ Քեզ հոգով, ճշմարտությունով,

Խաչս վերցնեմ,

Գամ Քո նեղ ճամփով (2)։

3. Քեզ եմ ես գալիս ոչ ինչպես առաջ,
Հոգնել եմ վաղուց վիճակիցս գաղջ,
Տե՜ր Հիսուս, ների՛ր մեղքերս բոլոր,
Ես շատ քայլեցի ճամփեքով մոլոր։

Տուր որ Քեզ, Հիսո՛ւս, կատարյալ նվիրվեմ,
Անձս ուրացած՝ Քեզ պես խոնարհվեմ,
Պաշտեմ Քեզ հոգով, ճշմարտությունով,

Խաչս վերցնեմ,

Գամ Քո նեղ ճամփով (2)։

4. Ճամփան այս փշոտ, նեղ ու քարքարոտ,
Տանում է դեպի խոտավետ արոտ,
Տե՜ր Հիսուս, ների՛ր մեղքերս գարշելի,
Տո՛ւր հոգուս գարուն Դու երանելի։

Տուր որ Քեզ, Հիսո՛ւս, կատարյալ նվիրվեմ,
Անձս ուրացած՝ Քեզ պես խոնարհվեմ,
Պաշտեմ Քեզ հոգով, ճշմարտությունով,

Խաչս վերցնեմ,

Գամ Քո նեղ ճամփով (2)։

[end:song]

[start:song]

620

Տեր, Քո ճամփաները ցույց տուր մեզ,
Շավիղներդ սովորեցրու Դու մեզ:
Ճշմարտության առաջնորդիր զավակներիդ
Եվ Քո լույսը սփռիր մեր հոգիների մեջ:

Տե՜ր, ներիր ազգիս մեղքերն անթիվ,
Բացիր աչքերը կույր, լուսավորիր նրանց Քո լույսով: (2)

Հայաստան, ունես կարիքը Քրիստոսի,
Հայաստան, դարձիր քո ճանապարհներից: (2)

Հայաստան

[end:song]

[start:song]

498
1. Տե՜ր իմ, գործերովս չէ, որ պիտ արդարանամ,
Այլ իմ տեղը մեռար Դու,
Խաչի վրա թափված արյան զորությունով միայն
Ձյունից ճերմակ, մաքուր,
Սուրբ սիրտ Դու ստեղծիր իմ մեջ, ո՜վ Տեր,
Աղաչում եմ, Տե՛ր Հիսուս,
Սուրբ սիրտ Դու ստեղծիր իմ մեջ, ո՜վ Տեր,
Սիրելի Հիսո՛ւս, ի՛մ Տեր։

Ալելուիա՜, ամեն, (2)
Հիսո՜ւս, Քո ոտքերին ես փարվել կուզեմ,
Օրհնի՜ր ինձ, Օծյալ Փրկի՛չ իմ։

2. Տե՜ր իմ, գործերովս չէ, որ պիտ արդարանամ,
Այլ իմ տեղը մեռար Դու,
Խաչի վրա թափված արյան զորությունով միայն
Լինեմ ճերմակ, մաքուր:
Նոր կյանք ու նոր սիրտ շնորհի՛ր, ո՜վ Տեր,
Սուրբ Հոգով լեցուն մի կյանք,
Նոր կյանք ու նոր սիրտ շնորհի՛ր, ո՜վ Տեր,
Սիրելի Հիսո՛ւս, ի՛մ Տեր։

Ալելուիա՜, ամեն, (2)
Հիսո՜ւս, Քո ոտքերին ես փարվել կուզեմ,
Օրհնի՜ր ինձ, Օծյալ Փրկի՛չ իմ։

[end:song]

[start:song]

179

1. Երբ Տիրոջը մոտ ենք մենք,
Իր Հոգին է մեր մեջ,
Ուրախությամբ ցնծում ենք,
Իր Հոգին է մեր մեջ,
Մեզ Իր Հոգով լցնում է,
Իր Հոգին է մեր մեջ,
Սրտանց Իրեն պաշտում ենք,
Իր Հոգին է մեր մեջ։

Ալելուիա՜, Իր Հոգին է մեր մեջ։

Ալելուիա՜, Սուրբ հոգին է մեր մեջ։ (2)

2. Տերն է մեր Հովիվը,
Իր Հոգին է մեր մեջ,
Նա մեզ միշտ պահպանում է,
Իր Հոգին է մեր մեջ,
Արժանի է Նա փառքի,
Իր Հոգին է մեր մեջ,
Իր Սուրբ Հոգու զորությամբ
Իր Հոգին է մեր մեջ։

Ալելուիա՜, Իր Հոգին է մեր մեջ։

Ալելուիա՜, Սուրբ հոգին է մեր մեջ։ (2)

3. Նա է ճշմարիտ ճամփան,
Իր Հոգին է մեր մեջ,
Ուր որ առաջնորդում է,
Իր Հոգին է մեր մեջ,
Արժանի է գոհության,
Իր Հոգին է մեր մեջ,
Իր անունը մեծարենք,
Իր Հոգին է մեր մեջ

Ալելուիա՜, Իր Հոգին է մեր մեջ։

Ալելուիա՜, Սուրբ հոգին է մեր մեջ։ (2)

[end:song]

[start:song]

613

1. Կա մի աշխարհ լուսե,
Ուր չկա խավար, չկա նաև գիշեր:
Ուր կա մի Էակ լուսե,
Ուր անհուն սիրո կրակն է միշտ վառվում
Ու լուսավորում խավարած հոգիներին,
Եվ սեր պարգևում քարացած մեր սրտերին,
Ու խինդով լցնում սգավոր հոգիներին:

     Իր արյամբ մաքրում է ուղիներն այն սև, մթին,
     Կենարար խոսքով գծում է նոր կյանքի ուղին,
     Իր Հոգով երջանկացնում, լցնում է սիրտը իմ,
     Իմ Հիսուս Քրիստոս, իմ Աստված, Տե՜ր իմ: (2)

2. Կա մի աշխարհ լուսե,
Ուր անվերջ կյանքի արևն է միշտ փայլում,
Նա է, որ պարզած ձեռքով
Այդ լուսե աշխարհն է մեզ առաջնորդում,
Եվ ինչպես մի հուր, ջերմացնում սառած հոգին,
Ու բոցավառում պատրույգը մարած լամպի,
Ամոքում վերքեր ժառանգած այս աշխարհից:

Իր արյամբ մաքրում է ուղիներն այն սև, մթին,
     Կենարար խոսքով գծում է նոր կյանքի ուղին,
     Իր Հոգով երջանկացնում, լցնում է սիրտը իմ,
     Իմ Հիսուս Քրիստոս, իմ Աստված, Տե՜ր իմ: (2)

[end:song]

[start:song]

160

1. Մեղքի մեջ եմ ես ապրել,
Վիշտ ու ցավ եմ միշտ կրել,
Չեմ իմացել հավիտենության մասին։
Բայց Հիսուսը գտավ ինձ,
Ազատեց կապանքներից,
Լի եմ հիմա ուրախությամբ երկնային։

Ես ազատ եմ (3)

Կապանքներից ու մեղքից։

Բայց Հիսուսը գտավ ինձ,

Ազատեց կապանքներից,

Լի եմ հիմա ուրախությամբ երկնային։

2. Հոգին սովորեցնում է,
Եվ Աստծո Խոսքն ասում է,
Որ Հիսուսը կյանք է տալիս բոլորին,
Երկնքից Աստծո սերը
Եվ Սուրբ Հոգու կրակը
Ուղարկում է հոգով տկար թույլերին։

Աստծո սերը (3)

Ուղարկում է բոլորին։

Երկնքից Աստծո սերը

Եվ Սուրբ Հոգու կրակը

Ուղարկում է հոգով տկար թույլերին։

3. Եթե տկար ես հոգով,
Նրան դիմի՛ր աղոթքով,
Նա կվերցնի քո տկարությունները,
Իսկ մարմինը, թե տանջվի`
Բժշկություն կգտնի,
Միայն Հիսուսով է բժշկությունը։

Սուրբ արյունը (3)

Բուժում է քո վերքերը։

Իսկ մարմինը, թե տանջվի

Բժշկություն կգտնի,

Միայն Հիսուսով է բժշկությունը։

4. Տե՛ս, թզենին ծաղկել է,
Շուտով Տերը գալու է,
Որ աշխարհից տանի իր հարսնացուին,
Որ ցավերին վերջ լինի,
Մեծ ուրախություն լինի,
Դիմավորելու պատրա՞ստ ես Հիսուսին։

Դու պատրա՞ստ ես (3)

Թողնելու այս աշխարհը,

Որ ցավերին վերջ լինի,

Մեծ ուրախություն լինի,

Դիմավորելու պատրա՞ստ ես Հիսուսին:

[end:song]