25Հիսուսի Սերը Մեծ է Անսահման

Հիսուսի սերը մեծ է անսահման,

Առատ հոսում է հորդ գետի նման,

Ինչպես զեփյուռ շոյում է մեր հոգին,

Խորն է ու լայն հույսը աստվածային

Իսկ եթե չլիներ այդ սերը,

Չէր լինի և մեզ փրկություն,

Սերն է հավերժ կյանքի հույսը,

Որ գամվեց խաչին ու թափեց արյուն

Նա մեզ սիրեց դեռ Իրեն չիմացած,

Սիրեց և Իրեն հակառակ մարդկանց,

Ովքեր "Խաչե՜լ, խաչե՜լ" էին գոչում,

Իսկ այժմ Նա բոլորին է կանչում

Թե աշխարհի մարդիկ այս հասկանան'

Աստծո սիրով են շնչում ամեն բան,

Կամ թե Աստված թողնի մեզ մի վայրկյան,

Բոլորս էլ անդարձ կերթանք կորստյան

Արի շուտով, Նա քեզ է սպասում,

Իր մեղմ ձայնով սրտիդ դուռն է թակում,

Քար սիրտդ բաց, չլինի թե ուշանաս,

Ձրի փրկության սիրուց ետ մնաս