757Մեզ կա հույս

Դու նայիր շուրջը քո հավատով և հույսով,

Եվ ժպտա երբ անգամ լույսի շող չկա,

Հավատա, որ բարին կհաղթի շատ շուտով,

Որ կյանքում ինչ որ կա, նույնը չի մնա։

Մեզ կա հույս, երբ հուսացողները մեկ են,

Ու սիրո մեջ վախ չունեն, այլ վստահում են,

Եվ ունեն մեկ հավատ, մեկ Տեր

Ու մեկ ճանապարհ,

Եվ գիտեն ապրել արդար

Երանի ով ունի բարեկամ ու ընկեր,

Ով ունի ի սրտե ջերմություն ու սեր,

Ով գիտի իր ձեռքով արարել բարիքներ,

Ում հոգում ոխ չկա, այլ հավատք ի Տեր։