715Եվս մեկ օր բացվեց կյանքում,

715

1. Եվս մեկ օր բացվեց կյանքում,

Եվ ես ունեմ մեկ նպատակ.

Վայելել Քեզ, սերդ անհուն

Եվ խոսքերդ անհատակ:

Չեմ ուզում, որ օրը այս

Անցնի հենց այնպես,

Իմ կյանքից այն հեռանա

Մի տերևի պես:

Ներկայությանդ սիրով լցված`

Թող ուրախանամ,

Քո խոսքերի ճշմարտությամբ

Այսօր հիանամ:

2. Չեմ ուզում կյանք հազար տարվա,

Թե այն անցնի առանց Քեզ, Տե՛ր,

Թեկուզ լինի կյանք մեկ օրվա,

Միայն լինես Դու ներկա:

3. Ո՜վ Տեր Հիսուս, Դու ասացիր.

«Ժամանակը ծախու առե՛ք,

Թե երբ կգամ՝ դուք չգիտեք,

Արթո՛ւն մնացեք»:

Youtube ♪♫ ➤