866Սուրբ Հոգու օրհնյալ քամին թող փչի

866

1. Սուրբ Հոգու օրհնյալ քամին թող փչի

Եվ իմ հոգու մեջ խավարը ցրի,

Սրբի ու տանի ախտերը բոլոր

Եվ ինձ լցնի զորությամբ բոլոր:

2. Հոգուդ կրակը թող իմ մեջ լցվի,

Իմ մեջ մարդկային ամեն բան այրի,

Մոխիր դարձնի մեղքը ահավոր,

Որ լինեմ մաքուր ու սուրբ ամեն օր:

3. Սուրբ Հոգու գետը թող իմ մեջ հոսի,

Իմ ամայացած սիրտը ոռոգի,

Իմ Հոգուն բերի մի չքնաղ գարուն

Ու ծաղկեցնի իմ սառած հոգին:

4. Հոգուդ մեծ սերը թող իմ մեջ լցվի

Ու դառը սիրտս քաղցր դարձնի,

Որ ես միշտ սիրեմ ինձ պես բոլորին

Ու Քեզ նման ես՝ ինձ խաչողներին:

5. Սուրբ Հոգու ամպը թող միշտ ինձ ծածկի

Եվ իր մեջ առած Քեզ մոտ վերցնի,

Որ Քեզ մոտ մնամ ես միշտ, հավիտյան

Ու հավետ լինեմ Քեզնից անբաժան:

Youtube ♪♫ ➤