876Երկի՛նք, երկի՛ր, արարածնե՛ր, լուռ կացեք,

876

1. Երկի՛նք, երկի՛ր, արարածնե՛ր, լուռ կացեք,

Ճշմարտության խոսքին դուք ականջ դրեք,

Իմ այս երգը սիրող Աստծո մասին է,

Իմացե՛ք, թե Ով է Նա, ինչպիսին է:

2. Միակն է Նա և ճշմարիտ մեկ Աստված,

Հայրը, Որդին և Սուրբ Հոգին մեկացած:

Տիեզերքում Նրա նման սուրբ չկա,

Թագավորաց Թագավոր է իմ Արքան:

3. Սկզբում էր Խոսքը, և Խոսքը Աստված էր,

Ամեն գոյեր Նրանով են գոյացել,

Նրանով են ապրելու ուժ ձեռք բերում,

Եվ Նրանով իրենց վախճանը գնում:

4. Նա Հոգի է և ինքնագո, իմաստուն,

Հավիտենից անփոփոխ է և գիտուն,

Ողջ տիեզերքը Նա ստեղծեց վեց օրում՝

Երկինք, երկիր և ինչ որ կա նրանցում:

5. Ամենուրեք Տեր Աստված Ամենազոր

Իր ստեղծածներին հսկում է ամեն օր,

Իր սուրբերի սրտում և հոգում է Նա,

Ամեն ստեղծած էակի հետ է Նա:

Youtube ♪♫ ➤