988Միասին ենք հավատացել,

988

1. Միասին ենք հավատացել,

Միասին ճամփա գնացել,

Միասին ենք երգել ու սիրել,

Մեկտեղ աղոթել ու լացել:

2. Թեկուզ քիչ գործ ենք մենք արել,

Բայց միշտ միասին ենք եղել,

Անքուն գիշերներ անցկացրել,

Սրտներս Հիսուսին բացել:

3. Միաբան սրտով ենք կանգնել

Եվ չարի նետերը մարել,

Աստծո առջև ենք խոնարհվել

Եվ աշխարհից հրաժարվել:

4. Հիմա մեկտեղ ենք հավաքվել,

Որ Հիսուսին փառաբանենք,

Նա մեզ երկինք է խոստացել,

Ուր հավետ մեկտեղ կլինենք: