733Կա մի աշխարհ լուսե
733
1.Կա մի աշխարհ լուսե
Ուր չկա խավար, չկա նույնիսկ գիշեր,
Ուր կա մի էակ լուսե
Ուր անհուն սիրո կրակն է միշտ վառում:
Եվ լուսավորում խավարած հոգիների
Եվ սեր պարգևում քարացած մեր սրտերին
ՈՒ խինդով լցնում սգավոր հոգիներին:
Իր արյամբ մաքրում է ուղիներն այն սև մթին
Կենարար խոսքով գծում է նոր կյանքի ուղին
Իր հոգով երջանկացնում, լեցնում է սիրտը իմ
Իմ Հիսուս Քրիստոս, իմ Աստված Տեր իմ: (2)
2.Կա մի աշխարհ լուսե
Ուր անվերջ կյանքի արևն է միշտ փայլում
Նա է, որ պարզած ձեռքով
Այդ լուսե աշխարհն է մեզ առաջնորդում:
Եվ ինչպես մի հուր ջերմացնում սառած հոգին
ՈՒ բոցավառում պատրույգը մարած լամպի
Ամոքում վերքեր ժառանգած այս աշխարհից:
Իր արյամբ մաքրում է ուղիներն այն սև մթին
Կենարար խոսքով գծում է նոր կյանքի ուղին
Իր հոգով երջանկացնում, լեցնում է սիրտը իմ
Իմ Հիսուս Քրիստոս, իմ Աստված Տեր իմ: (2)